|
رد: أزاى تعمل نظام صوت صح وميتضحكش عليك؟
لاااااا يا انجكشن متقولش كده . انا قريت الموضوع كله حته حته والله و بجد موضوع يجنن و اكيد كله قراه لأنه شيق
|
رد: أزاى تعمل نظام صوت صح وميتضحكش عليك؟
جامد يا injection بس فى حاجة ياصحبى ال جى ام زى السماعات ليه rms لكل قناه يعنى مثلا جى ام زى ابن المنحوسة semphony بيقولك 700 وات على 2 قناه لو عملت بردج مش هايعمل 1400 وات هو اه احسن جى ام للصبات بس احسن واحد يحرقهوم ويتحرق معاهم المهم الوات الفعلى ليه فى كل قناه مش محصل 100 rms يعنى مدى 200 حاجة زى ال جى ام اللى انا محترمه اوى اوى اللى هو Jec 2000w ده 4 قناه يقدر يقوم 4 سماعات 400 ويقدر يقوم صب 1400 بايونير وبيدى صوت غبى جدا وعالى وترزيع للصبح لدرجة انه مع العدة كاملة دمرلى البربيز الخلفى بيدى 80 وات rms للقناه الواحدة معنى كلامى مانخدش على اساس الوات العالى اللى هو ال max نركز على ال rms هو اللى يخليك تركب عدة محترمة وصوت نقى |
رد: أزاى تعمل نظام صوت صح وميتضحكش عليك؟
اقتباس:
أعلم ياكبير, أعلم. أنا شرحت فى الموضوع جزء من مفهوم الأر أم أس, وقلت طالما الجى أم نضيف ومن ماركة محترمة, يبقى ال rms بتاعه مش هيفرق كتير, لأن الماكس وات بتاعه هيبقى متقاس بنضافة, ومش هيكدب عليك زى حاجة صينى (أو مصرى:)), وبالتالى المثال اللى حضرتك أديته فعلا صحيح, السيمفونى جى أم "على ماربنا يفرجها":), لأنه فعلا مايفرقش عن السماعات الصينى فى الكلام المكتوب عليه, هل حضرتك تصدق أنه بيطلع ماكس 700 وات فعلا, بسعره وجودته؟ وبعدين حضرتك أدرى أن الصوتيات علم كبير جدا, وممكن ياخد 10 مواضيع الواحد قد ده علشان نشرحه كويٍس, وأنا مدخلتش فى المقاومة ولا أستجابة السماعة عند كام هرتز ولا مفهوم ال DB ولا مفهوم ال SPL ولا حتى طرق التوصيل على التوازى والتوالى, ,ولا مفهوم الصوت بتردداته وموجاته, وهكذا, أنا حاولت أبسط حاجات صعبه وأوصل مفاهيم مش معروفة بس. وألف شكر على مرورك ياباشا, شرفتنى.ROSE4U |
رد: أزاى تعمل نظام صوت صح وميتضحكش عليك؟
موضوع هايل كالعادة يا انجكشن باشا ربنا يباركلك بس ليا سوال ممكن تقولى على احسن سماعات فى السوق 300 وات علشان عايز اشترى اتنين على الاتنين ايلى عندى يظبطوا الاداء وبكام ومنين وشكرا ليك
|
رد: أزاى تعمل نظام صوت صح وميتضحكش عليك؟
العفو ياباشا ربنا يخليك.
السماعات عامة أنا بفضل فيها بايونيير وسونى عن كينوود. ال 300 وات البيضاوى فيه قدامك موديلات متعددة من بايونيير بتطلع 300 وات و40 وات نومينال. زى دول http://www.amazon.com/Pioneer-TS-A69.../dp/B000LY8DD6 http://www.amazon.com/Pioneer-TS-A69.../dp/B001NFC7D4 وسونى برضه ليهم عدة موديلات فيه سونى 4 واى 300 وات وده بيطلع 50 نومينال http://www.amazon.com/Sony-4-Way-Spe.../dp/B003K9495U وفيه سونى 3 واى 300 وات بيطلع 60 وات نومينال. http://www.amazon.com/Sony-XS-GTF693.../dp/B002XQQEF4 أنا فى رأيى السونى ال 4 واى كويسين قوى, أو البايونيير, وبلاش كينوود. والسماعات عند أى محل صوتيات كويس, أنا أفضل روكيت اللى فى روكسى علشان أسعاره حلوة وعنده تشكيلة كويسة, أو المحل اللى يعجب حضرتك, بس أبقى فاصل معاه. السماعات هتعمل من 250 الى 300 جنيه حسب الماركة و المواصفات. ملحوظة: السماعات ال 300 وات من بايونيير مثلا بتنزل منها عدة موديلات لكل واحد شكل مختلف وصفات, وغالبا بيغيروا أشكال الموديلات كل سنة. |
| الساعة الآن 05:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017