رد: استطلاع: يا ترى عربيتكبعد مرور سنة عليها من الزيروبقى شكلها اية ? ياريت التواصل مع بعض
 

اخى الكريم دة يتوقف على المحافظة اللى انت عايش فيها والحى اللى انت بتسكن فية يعنى انا عندى الأولاد فى المنطقة غاويين كسر الأريال بتاع العربية مدمنيين ارايل وفى ولد بيسكن جنبى عندة هواية النحت هيطلع نحات ممتاز بالمسمار على العربيات ابوة عندة متسوبيشى لانسر زيرو جبتة فى يوم وجبتلة مسمار وقلتة خربش عربية بابا قاللى لا بابا يخرب بيتى قلتلة الله يخرب بيتك بهدلتلنا العربيات

محمد غريب

رد: استطلاع: يا ترى عربيتكبعد مرور سنة عليها من الزيروبقى شكلها اية ? ياريت التواصل مع بعض
 

والله ياباشاموضوعك جميل تسلم علية ... بس بيقلب المواجع

انا عربيتى جايبها زيرو بقالها سنة اهى

اول حاجة كانت بعد شهر لما جبتها وهى واقفة موتسيكل لبس فيها من ورا بس الحمد الله الخبطة جت فى الاكصدام وكانت بسيطة يا دوبك حليت الاكصدام وسبتة كام ساعة فى الشمس رد لوحدة ومعتش باين منة حاجة ولا خربوش حتى

تانى حاجة كانت فى نص السنة كدة تقريبا ركنت العربية تحت البيت طلعت اجيب حاجة ونزلت ع طول لقيت نقرة كدة فى سوكة الكبوت من ودام مش عارف جت ازاى بس كانت صغيرة ودتها لسمكرى شاطر ردها ع البارد وبعدين كست السقف والكابوت كلة كربون علشان دايما دول هما الى فى المواجهة

اخر حاجة بقى ودى كانت فى نهاية السنة او مسك الختام زى ما بيقولو خبطة فى العتب من ودام بسبب محل حاطت طوبة ودام منة ب 100 متر كدة ولا حاجة ورديت العتب ورشيتة

غير كدة الحمد الله مفيش حاجة تانية لانى دايما بغطيها وفى الجراج طول الوقت والغطا فعلا بيحمى العربية جدا خصوصا الاسود محتاج معاملة خاصة فعلا