المشاركة الأصلية كتبت بواسطة tom_gr (المشاركة 289449)

ممكن اقول حاجة ياجماعة ؟

ممكن تقولولى ايه التقصير الى عملته الحكومة فى الحالات الاتية :
1- السير عكس الاتجاه ----- كام واحد فى مصر بيخطف طريق عكسى علشان يوفر الوقت ؟
2- الفامية والسرينة والكلاكس العالى والديفيل والزينون ---- كام واحد بيستخدم الحاجات المخالفة دى ؟
3- المرور من الطرق السريعة المخصصة فقط للسيارات ؟ مع ان فى احيان كثيرة هناك انفاق او كبارى على هذه الطرق
4- السرعات العاليه فى طرق خطرة - مع ان هناك رادرات
5- عدم استخدام الاضاءة او عدم اسخدامها بالمرة
6- عدم حمل عدة صيانة للسيارة و شنطة اسعافات و طفاية حريق صالحه للاستخدام
7- الجلوس على السيارات المركونة فى الشوارع واكنها كراسى للجلوس
8- عدم توعية اطفالنا بان سيارات الغير كالمنزل لايجب ان نخربها
9- الامبالاة فى عدم الوقوف ضد المخطئ ولو مجرد اخذ نمرة السيارة والبلاغ عنها دون ذكر اى بيانات عن المتصل
10- الركن امام الجراح المملوك للغير وقفل السيارة وتعشيقها وتركها والغياب بالساعات دون مراعاه السيارات الاخرى
مع اعترافى الكامل بعجز الحكومة فى تنظيم وتخطيط الطرق والمرور

لكن انا اسف احنا الى شعب *******مستهتر ونستاهل كل الى بيحصلنا مننا فينا

الحكومة مش هى الى بتضرنا انما احنا الى بنضر بعض فى بعض
واعتقد ان لولا ماتفعله الحكومة من جبروت وتعنت ضدنا اعتقد كنا اكلنا بعض