مصر موتورز مجتمع السيارات - للبيع عدد 25 عربيه فيراري ... 2 بورش .. 3 لامبو ..

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - للبيع عدد 25 عربيه فيراري ... 2 بورش .. 3 لامبو .. (https://www.masrmotors.com/vb/showthread.php?t=39913)

رد: للبيع عدد 25 عربيه فيراري ... 2 بورش .. 3 لامبو ..

اقتباس:

المشاركة الأصلية كتبت بواسطة hazem_khidr (المشاركة 288212)

وانا متكلم علي العربيه دي
http://ferraricollectionforsale.com/...car3-2-big.jpg
لو فيه نايه جاده للبيع اجيب عربون 2000 جنيه و عقدين بيع ابتدائي
و اكمل الفلوس بعد العيد و نروح الشهر العقاري نسجل
لكن اهم حاجه تكون رقم شاسيه كارتيره من النجمه للنجمه مش رقم قايم
بس الاول اعرف التكييف شغال ولا لاء

ههههههههههه
2000 جنيه عربون لاف 40 ... طب هزهم شويه يا زووما علشان معالي السلطان يحس انك جد ويخلص معاك
وبعدين متقلقش ... قلب في العربيه براحتك و لو معجبتكش اكيد حنلاقي حاجه كويسه من ال 24 الباقيين ... التيستاروسا جامده جدا ... وفي منها 2

عموما لو لسه قلقان من رقم الشاسيه و الكارتيره ... احنا ناخد رقمها و نسأل عليها عند ولاد الحج انزو ... اكيد عارفين تاريخها بالتفصيل

هي صحيح الاف 40 بتكييف ولا من غير .. اصل بيقولك التكييف بيأثر على سحب العربيه جامد ويقلل زمن التسارع

رد: للبيع عدد 25 عربيه فيراري ... 2 بورش .. 3 لامبو ..

اقتباس:

المشاركة الأصلية كتبت بواسطة bmkbmk (المشاركة 288219)

طويل العمر يطول عمره و ينصره على من يعاديه ,,, هاى هئ

شكرا يا باشا على الموضوع المميز ... و واضح ان سلطان بروناى العربيات دى يا اما زهق من ركنتها فى الجراش يا
اما عاوز يجيب مجموعة تانية و مش لاقيلهم مكان... يا اما بقى معذور فى تمنهم :)

بس واضح انه كان جايبهم استثمار مش استعمال :) و اهو هيبيعهم اهه و يكسب فيهم .. شغل سلاطين بقى ...
وكمان الراجل ده نزل من عينى ,, اصله مش ركيب :)

و بلمرة احجز لى الجاجوار يا باشا بعد اذنك بلاش النازكا و لا الصينى بتاعت الديابلو .. انت عارف الواحد بيحب يجيب عربية منتشرة عشان قطع الغيار و المكانيكية كمان يعرفو يتصرفو معاها :)

الظاهر يا باشا السلطان كده شكله مبيعرفش ... يسوق
كل العربيات دي زيرو ممشيتش .. امال كان جايبها ليه صحيح
وانا معاك برضو ان الواحد يجيب العربيه المنتشره .. اقل حاجه يكون في منها 100 نسخه
لكن اللي 8 نسخ و اللي 3 دول يقلقوا بصراحه في الريسيل و قطع الغيار
بس نصيحتي خليك برضو مع التوكيل حتى لو كان حراء شويه .. على الاقل اول 100 الف :)

منور يا كيمو ... فطستني من الضحك :)

رد: للبيع عدد 25 عربيه فيراري ... 2 بورش .. 3 لامبو ..

هيا فين لالاسعار ياجماعة اللى بتتكلموا عليها

رد: للبيع عدد 25 عربيه فيراري ... 2 بورش .. 3 لامبو ..

وكمان عنده اتنين اف 40
واحده عليها استيكر علي الزجاج و التانيه مش عليها
دخلت اتفرجت عليهم الاتنين
عموما ممكن نهز التمن شويه علشان خاطرك يا سامح باشا و علشان انت اللي داخل في البيعه من اولها

رد: للبيع عدد 25 عربيه فيراري ... 2 بورش .. 3 لامبو ..

اقتباس:

المشاركة الأصلية كتبت بواسطة asalacenter (المشاركة 288238)

هيا فين لالاسعار ياجماعة اللى بتتكلموا عليها

حضرتك ادخل على الرابط اللي في الموضوع
http://ferraricollectionforsale. com/cars.html#others
حتلاقي صور كل العربيات المعروضه
حتختار صوره العربيه اللي تعجبك حيفتح صفحه تانيه فيها صور اكتر والمواصفات و السعر تحت اخر حاجه