مصر موتورز مجتمع السيارات - الشعب المصري المحتار

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - الشعب المصري المحتار (https://www.masrmotors.com/vb/showthread.php?t=38919)

رد: الشعب المصري المحتار

المخدرات عامة كترت دلوقتى, وسواء ترامادول أو حشيش أو بيرة أو أو, اللى عايز يتسطل هيتسطل, واللى يعرف شوية علوم وكيمياء أو أدنى معرفة بالصيدلة يقدر يسطل نفسه بنفسه وهو قاعد فى البيت بحبة عصير وخميرة, أو حتى يقف يشم شوية غاز طبيعى:), أنا قديم فى المجالات دى (معرفة مش تجربة444546).

الصح واضح والغلط واضح, واللى مايشوفش يبقى هو الجانى على نفسه, ولما يلاقى نفسه بيموت منه حته كل فترة محدش هينفعه, ومش هيتعالج فى البلد دى.

والله العظيم كنت ببقى فى جراج جامعة عين شمس والاقى قزايز فودكا بالبطيخ مرمية فى الجراج, يعنى عايز تسكر مالاقيتش غير فودكا بالبطيخ, وعلب الستلا الطويلة كانت فى كل حته, ده غير شرب السجائر فى المدرجات ,ياه أيام ياجدع :).

ولسه صديق كان بيحكيلى على فرح صاحبه, وقزايز البيرة وشرايط الدواء اللى فيه والحشيش, قصة مذهلة.

والصيادلة بصراحة بيصعبوا عليا جدا, طبيعة شغلهم سيئة جدا والناس اللى بتمر عليهم يطلعوا روح الواحد من مناخيره, وفى الأخر تعب بدون مقابل, ربنا يعينكوا.

بس فيه نقطة تانية مهمة, أحنا أغلب حياتنا أصلا مواد مخدرة من الشاى والقهوة لحد البيبسى والكولا, وتقريبا كل حاجة بنستهلكها حاليا فيها مواد بتأثر على الحالة النفسية والبدنية للأنسان بس مفيش حاجة منها ممنوعة, فياترى المنع أساسه أيه, هل التأثير أم الحرمانية (شوية سفسطة بقى)

رد: الشعب المصري المحتار

الشعب راح فى الضيااااااااااااااااااع

صباح الخيبة

رد: الشعب المصري المحتار

اقتباس:

المشاركة الأصلية كتبت بواسطة Jack Box (المشاركة 279068)

زمان يا نوح من 15 سنه كده كنت في اسكندريه وواحد عزم عليا بحبايه وقالي لازم تاخدها لازم قولتله لا وكان ايامها اللي معاه حبايه ده زي اللي معاه ماكس او طوابع المهم انا الحمد لله مبضربش منشطات نهائي لاني جربتها لاقيتها علي اد ما بتديني باور اشتغل يومين زي الاسد لكن بتخليني طول الاسبوع همدان فحت وعايز انام 24 ساعه في ال24 ساعه .
انا بصراحه مش بشجع المنشطات انا بعمل منشطات طبيعيه في الشغل متفهمنيش غلط دي منشطات جمبري وسرطان واستكوزا وحركات بحر كده

كلنا كشباب ايام الكليات بدايه العشرينا جربنا الحشيش والبانجو كله كلام فاضي الواحد مادركش انه كان بيضيع في فلوس وفي صحته. ونيجي نسال نفسنا هو السرطان انتشر بالشكل الفظيع ده ليه ؟؟ لان في الوقت الحالي اغلب الشباب تقريبا مدمنين انا من حكم اكل عيشي بيمر كتير علي وتنصح ما تنصح مفيش فايده؟؟ وللاسف في ناس بستغل الظروف ديت وشغالين في المخدرات انا اعرف صيدليات والله ما فيها غير علب برشام كلام فاضي مش فرش صيدليه بس شغال مخدرات حلاوه؟؟ فلوسها الاول حراااااااااام لاني سالت فيها.
احسن حاجه وعن تجربه زي ما هشام ذكر هي الدماغ الطبيعيه الواحد يضرب الغدوه التمام في البيت قبل ماجي الشغل وكبايه الشاي سكر معلقه واحده والسيجاره والعب يا معلم لعبه استراتيجيه . دماغ ملوكي طبيعيه

رد: الشعب المصري المحتار

ربنا يعافي الشباب وكل اللي متعود علي اي نوع مخدر. ومحدش يبرر لنفسه ويقول انه في الاعياد بس لان هو لو كده رجله هتنسحب شويه بشويه؟
بالنسبه وللاسف لان لا اذكر اني شفت موضوع الخمور ده لاني كنت ساكن في المدينه الجامعيه القديمه في سموحه وكنا انا وكل الطلبه ناس غلابه جايه من الارياف ياخدوا شهاده ويرجعوا يساعدوا اهليهم . قله الوازع الديني عند بعض الشباب ربنا يهديهم بقوا يستباحوا اي شيء خمره وبيره وكمياء .
انا كنت عندكم في القاهره النهارده في مستشفي الزراعيين كنت بجيب مورفين وطوابع. دكتور غايه في الادب والاحترام سهل الموضوع ومخلنيش غبي وكمان عطاني رقم موبايله الخاص عشان اتابع معاه بالتليفون وربنا يشفي من عنده
ويسترها علي مصر وشباب مصر

رد: الشعب المصري المحتار

تم الاستغناء عن الادويه التالي زكرها نظرا لمشاكلها وان البعض بيدمنها
توسيفان شراب
برونكوفين شراب
كوديلار شراب
وديت ادويه كحه .. ليها بدايل كتير
بس انا عرفت انهم دلوقتي بيشربوا قطره بروزولين :crazyW14: