رد: عمرة محرك لانسر 98 - أريد معرفة آرائكم بارك الله فيكم
 

الله يخليك

مهندس : أسلام

نعم ليها وقت معين للفتح ووقت معين للقفل وده دور آلية توقيت عمل الصبابات

وبيتم ضبط آلية التوقيت من خلال عمل تقسيمة سير الكاتينه للمحركات الصغيره

أو تقسيمة تروس مجموعة التوقيت للمحركات الكبيره

وطبعا علشان الميكانيكى يظبط آلية التوقيت لكى تعطينا الصبابات دور سليم مطلوب منها

يبقى يجب على الميكانيكى الألتزام بعلامات التركيب الموجوده على تروس عمودى الكامات

والكرنك وجعلها متطابقه مع العلامات الموضوعه على الحافظه الداخليه البلاستيك لسير الكاتينه

____________________

غلط بأه الميكانيكى ومأخدش باله من العلامات دى وألتزم بضبطها أثناء تغيير سيور الكاتينه

وخلافه من أعمال تتطلب فك سيور الكاتينه

حتبوظ تقسيمة المكنه ويختل آداء الصبابات فى عملية الفتح والقفل

وبالتالى سيختل آداء المحرك وبالطبع سينعكس هذا على كفاءة قدرة المحرك وعملية الحريق بشكل

عام

أأمر ياباشا

وحضر أنت بس

ورقه وقلم ومرايا

ROSE4U

رد: عمرة محرك لانسر 98 - أريد معرفة آرائكم بارك الله فيكم
 

الله يحفظك
بس ورقة وقلم فاهمها لزوم التعليم .....
ايه بقا قصة المرايا.................. .....(what)

وفعلا نفسي استفيد من علمك وربنا يجعله في ميزان حسناتك

انا في اخر سنة في هندسة اسكندرية قسم ميكانيكا
و بحب جدا مجال السيارات ونفسي اشتغل فيه FLASHCar
فخلاص حاخد منك معواعيد الكورس وربنا يسهلك فلوس كتير
وبجد انا سعيد ان حضرتك اول واحد اتعرف بيه هنا في الموقع
وسلام الله عليك ورحمته وبركاته

رد: عمرة محرك لانسر 98 - أريد معرفة آرائكم بارك الله فيكم
 

المرايا علشان تسند عليها وأنت بتكتب بالورقه والقلم

أمال يعنى حيكون لزمتها أيه

ماهو أحنا حنكون فى فصل دراسى

مش محل حلاقه مثلا

________________________

كان زماااااااااان فى أذاعة صوت العرب

بنلاقى واحد بيعلم الناس وعمال يقولهم فيما معناه

ياولاد بلدى فى كل مكان ............من المنزله لغاية أسوان

ياللى أتحرمتم من التعليم ..........الفرصه لسه قدامكم

من غير ماتغرموا ولا مليم .....أذاعتنا ناويه تعلمكوا

وفى الآخر ....بيقولهم

أبقوا هاتوا ورقه وقلم ومرايا

أنا حاليا تقريبا ....أستشفيت

ليه هو كان عاوز المرايا مع الورقه والقلم

الله يخليك

وأهلا بيك زميل معانا فى مصر موتورز

رد: عمرة محرك لانسر 98 - أريد معرفة آرائكم بارك الله فيكم
 

جزاك الله خيرا يا م \ سمير
طيب دلوقتي أنا لسة مغير زيت ...... ألاحظ مستواه بعد قد إيه ( علشان أعرف هو بينقص بمستوى ملحوظ ولا لأ ) ؟؟
وملحوظة أخرى .. العربية مالاحظتش عليها إنها بتطلع دخان أبيض ..... فهل فعلا هو كاوتش صمام ولا شنابر ؟

جعله الله في ميزان حسناتك أخي الكريــــــــــــــــم

رد: عمرة محرك لانسر 98 - أريد معرفة آرائكم بارك الله فيكم
 

حضرتك أول حاجة تعملها انك تغير الميكانيكي ده وما تتعاملش معاه تاني لأنه لم يحاول تحري الدقة ومعرفة السبب هل هو كاوتش صباب واللا شنبر حضرتك تلاحظ مستوي الزيت كل يومين وتلاحظ اذا كان في دخان بيطلع من الشكمان ولو لقيت ان مستوي الزيت ثابت علي مدار أسبوعين ل 3 أسابيع أو ان الزيت نقص بمقدار بسيط جدا غير ملحوظ وان البوجيه اللي حضرتك غيرته عرق زيت تاني يبقي حضرتك تغير كاوتس الصباب لأنه سبب المشكلة وياريت لو تسأل علي ميكانيكي أمين وكويس