مصر موتورز مجتمع السيارات - هل ممكن أركب مثبت سرعة Cruise Control؟

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

- - هل ممكن أركب مثبت سرعة Cruise Control؟ (https://www.masrmotors.com/vb/showthread.php?t=37831)

رد: هل ممكن أركب مثبت سرعة Cruise Control؟

اقتباس:

المشاركة الأصلية كتبت بواسطة Bahi (المشاركة 271032)

محمد بك ... أولا ألف شكر على تعاونك القيم بس أنا مش مصدق شكل العملية سهلة جدا ما عدا نقطة الأيرباج. يا ترى سعادتك جبت المعلومات دى منين؟ هل هى موثوق فيها؟ تعرف حد ممكن يعملها فى القاهرة بدل ما أستنى أنزل اسكندرية وبيكون وقتى ضيق جدا هناك؟
.

اولا انا سعيد بمعرفة حضرتك اما بخصوص التركيب فلازم تعرف متخصص او تركبها فى السيرفس و بتاخد حوالى ربع ساعة لكن بخصوص الايرباج فهو حاجة سهلة جدا مجرد كابل الاتصال تشدة منة لكن تتعامل معاة بحذر شديد و بعد كدة يرجع فى مكانة تانى لكن لازم حد يكون عندة البرنامج اللى بقولك علية و اما بخصوص جبت المعلومات دى منين؟ هل هى موثوق فيها؟ فالعبد الفقير الى اللة كان بيشتغل اخصائى فحص سيارات الديزل فى شركة SMC فى الدانمارك و دى هو مركز صيانة فولكس و اودى و اوكتافيا و سيات لفترة طويلة و انصحك تعملها فى التوكيل او مركز صيانة معتمد عشان البرنامج اللى هيأكتف المثبت

رد: هل ممكن أركب مثبت سرعة Cruise Control؟

ميرسي يا أستاذ محمد علي المعلومات القيمة دي

رد: هل ممكن أركب مثبت سرعة Cruise Control؟

اقتباس:

المشاركة الأصلية كتبت بواسطة b A d R (المشاركة 271056)

ميرسي يا أستاذ محمد علي المعلومات القيمة دي

العفو على اية لكن انا معرفش الاسعار فى مصر اية

رد: هل ممكن أركب مثبت سرعة Cruise Control؟

و الكلا دة نفسة يمشى على الجولف 3 و 4 و الباسات B3 و B4 و B5

رد: هل ممكن أركب مثبت سرعة Cruise Control؟

والله أنا مش عارف أشكرك ازاى يا أحمد باشا ... حسب ما فهمت أنت لسة فى الدنمارك. أرجوك تبعتلى دعوة على السفارة وتذكرة الطيارة بسرعة علشان أروح أشكرك. بسرعة علشان مش قادر أستنى من فضلك.

بالنسبة لمركز خدمة اسكودا الوحيد المعتمد من التوكيل فى القاهرة هم اللى قالولى "أهو دة اللى مش ممكن أبدا" أما مركز خدمة تانى فى اسكندرية فقال لى "عملناها مليون مرة تعالى بس". يظهر حستنى لما أروح اسكندرية ان شاء الله وأبلغك بالنتيجة لما تبعتلى التذكرة وأروحلك الدنمارك.