رد: السيارة تتوقف فجاه
 

الله يخليك يا أستاذ : أحمد

وطبعا فاكرك ياأخى

مفيش أى مشكله أنك تجرب تلغى البلف وهو راكب مكانه

من خلال عمل جوان من الكلنجريت ( أعمى من أسفله )

وتجرب العربيه لمدة أسبوع مثلا بحيث نمنع أى عادم من الدخول للمانيفولد

وبكده تظل شحنة الهواء والبنزين نظيفه دائما داخل أسطوانات حريق المحرك

وبكده نتأكد من علاقة البلف بموضوع التبطيل عندك

فمن الوارد جدا يكون هو السبب وراء التبطيل المتقطع عندك ( وبالذات وأنت بترفع قدمك من على دواسة البنزين )

جرب تخللى ميكانيكى يلغيلك دور البلف ده بعمل جوان أعمى

الموضوع سهل جدا وغير مكلف أطلاقا

وحقيقى لو أنت جنبى بالأسماعيليه ( كنت عملتلك القصه دى فى 10 دقايق وأحنا واقفين )

وخللى موضوع تغيير البلف ده حبه على مانعرف

العيب من البلف ولا لا
بألغاء وظيفته لمدة أسبوع أو أسبوعين مثلا

ممكن يكون البلف اللى قولنا عليه ليه دور فى ملاحظتك دى طالما كل الأمور التانيه تمام

والريحه دى غالبا ( عباره عن عادم من الشحنه الملوثه داخل الأسطوانات فى البدايه مع نسبه كبيره من البنزين النىء )

تقريبا حتحس أن الريحه دى شبيهه بريحة البيض الفاسد ( أن جاز التشبيه )

عندك الوضع أدق وأصح

فالفتره الكافيه لوصول الحراره إلى حرارة التشغيل بتصل إلى حوالى 10 دقائق

جرب بس موضوع ألغاء البلف والتجربه ( قبل تغييره )

فقد يشاء المولى

وتلاقى حل لموضوعك خلال هذا المنتدى الطيب بمناسبة كلامنا الحالى

ولو عاوز صوره لمكان البلف بالنوبيرا

أنا ممكن أبينلك مكانه ومكان وضع الجوان الأعمى

رد: السيارة تتوقف فجاه
 

http://i728.photobucket.com/albums/w...irayad/egr.jpg


وأدى موضوع ألغاء دور البلف بمنتهى البساطه

1- حتحل المسمارين رقم 11

2- حتفصل جوان زى رقم 12 بالضبط بدون الفتحات اللى فى جانبيه وتركبه تحت البلف رقم 10 ( علشان كده بنسميه جوان أعمى ....لأننا لغينا فتحات دخول العادم للمانيفولد )

وتربط المسمارين رقم 11مره تانيه

_________________________ _

على فكره دى صوره خاصه بمحركات بتركب للنوبيرا فى بعض البلاد

والمحركات دى 1800 &2000 سى سى

حتلاقيها زى إللى عندك بالضبط فى الليجانزا 2000 سى سى

رد: السيارة تتوقف فجاه
 

رد: السيارة تتوقف فجاه
 

علشان نعرف العلاقه بين الأثنين

يبقى لازم نعرف وظيفة ال egr سيستم

ووظيفة النظام ده بأختصار شديد هو تدوير أو أدخال جزء من عادم المكنه ( وحسب البرنامج الألكترونى طبقا لأحوال حمل المكنه )

نفترض بأه حصل خلل فى النظام والعادم بأه كتير من خلال النظام ده لداخل المكنه

شحنة الهواء والبنزين النظيفه حتتلوث بغزاره وقد يحدث تبطيل فجائى للمكنه مع أحوال الحمل الخالى ( حمل السلانسيه ) أو وأنت بترفع رجلك فجائى من على البنزين

طيب أيه دور أستهلاك البنزين فى القصه دى

كل ماكانت الشحنه ملوثه بالعادم الغير معمول حسابه وغير مطلوب كل ماقل الحمل

ولهذا بتضطر وحدة التحكم لأطالة زمن التسخين وزيادة فتحة بلف الأيدل كنترولر وزيادة نبضات ضخ البنزين إلى الأسطوانات من خلال الرشاشات
لكى يكون هناك حمل حرارى قادر على جعل المحرك يدور ويظل صامدا

وطالما زاد زمن ضخ البنزين من خلال نبضات فتح الرشاشات كهربيا ( زاد أستهلاك البنزين )

ضد هذا العدو الغير مرغوب فيه وهو العادم اللى داخل بسبب بلف egr تالف

ودى من العيوب الكبيره لدخول منظومة الegr فى أنظمة المحركات الحديثه ( أى الحقن الألكترونى )

مش حتلاقى الجوان ده عند الخراط

عند أى محل بيبيع قطع غيار ميكانيكيه أو أى ميكانيكى

وخد منه حتة جلنجريت ( أد الكف ) وحط البلف عليها وعلم عليها من حول قاعدة البلف بالقلم
وقص بمقص وأفتح مكان خرم المسامير فقط