مصر موتورز مجتمع السيارات - طريقة التفحيط المثالي (مانيول, اتوماتك )

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - طريقة التفحيط المثالي (مانيول, اتوماتك ) (https://www.masrmotors.com/vb/showthread.php?t=37168)

رد: طريقة التفحيط المثالي (مانيول, اتوماتك )

اقتباس:

المشاركة الأصلية كتبت بواسطة Injection (المشاركة 264394)

الحركة دى يارجالة بتأثر على مليون حاجة فى العربية من ضمنها الموتور, الكبالن بتبوظ علشان بتحمل عليهم, الفتيس فيه حمل كبير جدا على التروس, والكاوتش ومسامير الجنوط, فيه أيه يارجالة أنتوا بتهزروا ولا أيه.

أنت بالحركة دى بتحاول تخلى العجل يسيب الموتور ويلف لوحده, ومع أحتكاكه بالأرض بيتأكل وبيحمل جامد على كل الأجزاء اللى بين العجل والموتور, كأنك واقف على مطلع 60 درجة ودايس بنزين, العربية مش هتتحرك لأنها مش قوية كفاية والمطلع بيحمل وزن زيادة على الموتور بيخليه مش قادر يحرك العربية.

وده كمان غير أنك بتحمل على مسامير الجنط برضه وبتضعفها.

وأحنا عربياتنا دى عامة عربيات لعبة متنفعش للحاجات دى, والصور اللى صاحب الموضوع حاططها خير دليل:)

وحاجة مهمة, وهتعجبكوا أوى, الحركة دى بعربية دفع أمامى اوتوماتيك أو مانيوال سهلة جدا, فرامل يد, بنزين الى 4000 لفة, وسيب دبرياج.

دفع خلفى لازم تعديل على نظام الفرامل, فيه ناس بتقفل خطوط الفرامل اللى رايحة على العجل الخلفى, بحيث لما تدوس فرامل العجل اللى ورا ميقفلش لكن اللى قدام يقفل, وتأمرك براحتك.

ودى ممكن تعملها حتى بمشبك غسيل, أو تعمل نظام متكامل علشان تعمل الموضوع ده بضغطة زرار من جوه عربيتك.

أنما الطريقة المذكورة أعلاه دى زى مالعضو الفاضل أستاذ حسام قال متنفعش للمواتير الضعيفة, و 2000 سى سى ضعيفة برضه, الموستانج 4000 سى سى يارجالة يعنى تزق حيطة مش تأمرك بس:)

اللى عايز يلعب يجرب فى رمل أو ميه, كده مش مشكلة ومفيش ضرر على العجل أو أة حاجة تانية, وتجربة لمرة أولى, أنما الأسفلت بلاش.

وده فيديو ظريف ك finale للرد:-
http://www.youtube.com/watch?v=xgePtgZlUhE

هو ده الكلام المظبوط
انا متعتي في السواقه هي الطرق والراحه جوا العربيه
واكتر حاجاه اكرها اشوف حد بيعمل الشغل ده الا لو مكانش تعبان في الفلوس
حرام والله

رد: طريقة التفحيط المثالي (مانيول, اتوماتك )

شكرا للجميع علي الردود سلبية او اجابية ولاكن الموضوع ممكن ميكنش ممتع لينا لان اسعار السيارات عندنا غالية اوي
لاكن مثلا في السعودية بيقحطوا بالاف جي كروزر و بالموستانج و المازدا و بالمرسيدس والكمري وعندهم مسابقات في هذا الموضوع و امر بالنسبة لهم عادي
وعلي فكرة التفحيط بيتعمل في مصر وكذالك التخميس و بالماتريكس و 128
ارجوا عدم الانزعاج من الموضوع

رد: طريقة التفحيط المثالي (مانيول, اتوماتك )

كلام فارغ ولعب أطفال وتشبه أعمي بالغرب وأتلاف للمال وأحيانا للنفس وأشياء لا ترضي الله عز وجل

رد: طريقة التفحيط المثالي (مانيول, اتوماتك )

اقتباس:

اضغط علي دواسة الفرامل بالقدر الكافي بقدمك اليسرى لتحافظ علي ثبات سيارتك وانقل ناقل الحركه الي الوضعية(D)

اقتباس:

قم بالضغط علي دواسة البنزين (الاكسرتير) ببطء , وعندما تبدا العجلات الخلفية بالتحرك اضغط علي دواسة البنزين اكثر واضغط علي دواسة الفرامل اكثر حتى تضمن عدم تحرك السيارة الي الامام .

اقتباس:

تضغط علي دواسة البنزين (الاكسرتير) الي ان يصل عداد عدد لفات الماتور (rpm) الي حوالي (4000 لفة ) وفورا اترك دواسة الدبرياج (الكلاتش)

اقتباس:

عندما تتحرك العجلات الخلفية ابدا بالضغط اكثر علي كلا من دواستي الفرامل والبنزين وعندما تريد زيادة السرعه قم بنقل الحركة للمستوى الثاني والثالث وهكذااااا واستمتع باحلى صوووووت واجمل راااااااااائحه علي الاطلاااااااااق واروووع دخنه نتيجة احتكاك الاطارات بالاسفلت ..

بعد دا كله راجع تقول:

اقتباس:

بس انا مش مقتنع انها بدمر المتور كده شكرا injection

طب انت ايه في رأيك بيدمر الموتور اكتر من التحميل عليه فوق ال 4000 لفه و داخل علي ال red zone و بتكبس بنزين و ملجم الموتور بالفرامل

فعلا عندك حق كلامك مش بيدمر الموتور

لكن بيدمر العربيه كلها

1.بيدمر الموتور سواء انت مقتنع او مش مقتنع
2.الفرامل من اول البدال اللي حضرتك بتزوود الضغط عليه مرورا بخزن الفرامل و تيل الفرامل و اكيد الطنابير اللي حيبقي فيها عالي وواطي من كتر التفحيط دا و السيرفو اللي المفروض منه يضخ هواء علشان الفرامل تستمر و الخراطيم طبعا من كتر الضغط عليها
3.مجموعه الدبرياج او (الكلاتش) زي ما بتسميه اللي حتتحرق من كتر التحميل عليها دا غير ان الديسك ممكن يتكسر و ترس الفلام كمان
4.اجهزه التعليق من مقصات و بيض و عمود دركسيون بسبب الحمل الزائد
5.الفتيس كمان له نصيب معانا في التدمير بسبب التحميل و طبعا النقل العكسي بسبب انخفاض عزم الموتور و محاوله رفع العزم مره اخري من خلال النقلا العكسيه و فبالتأكيد سوف يتم تكسيره من الداخل
6.قواعد الموتور و الفتيس و كمان معاها عضم العربيه نفسه اللي حيتفكك من كتر اللي بتعمله دا

كفايه دول ولو مش كفايه قول و انا اجيبلك كمان و لو عاوز نتناقش في كل نقطه من النقط اللي انا كاتبها تعالي نتناقش بس لو عندك درايه بالامور الفنيه حتي لا تضيع مجهودي في الكتابه و مجهود الاعضاء في القرائه بلا اي دليل علمي او عملي لديك

اللي ممكن اقول انه مش حيدمر من التفحيط العنيف دا هو

الفوانيس و زجاج السياره فقط لا غير:)

رد: طريقة التفحيط المثالي (مانيول, اتوماتك )

الحمد لله ان زجاج العربيه بخير طب بالنسبة للكاسيت؟هااااااا