مصر موتورز مجتمع السيارات - حكايتى مع قطع الغيار الغير أصلية

اقتباس:

المشاركة الأصلية كتبت بواسطة sad-bird (المشاركة 256670)

طيب اقولك انا على موقف انقح من ده
وانا في الجامعة كنا في نادي العلوم
وكان فيه دكتور معانا رايح الصين او تايلاند مش فاكر بالضبط
وكان فيه جهاز osiloiscop كان بايظ وعاوز قطعة مش لاقينها خاااااااااااااااااااالص
طلبناها منه وهو هناك يدور عليها لو لقاها يجيبها
فضل يلف على كل الاماكن لما داخ في الاخر بيسأل واحد بيقوله الحاجة دي مش لاقينها ليه
قاله لأنها قديمة قوي ممكن تروح المكان الفلاني في الحته الفلانية وصفله المكان وقاله هناك ممكن تلاقيها
دخل اول محل مفيش
تاني محل مفي
تلات محل ( حاجة صغيرة زي محل ساعاتي عندنا كده ) وقاله عدي عليا بعد ساعتين اكون خلصتها
بيقوله تخلص ايه
القطعة اللي عاوزها

دكتور علي فضل يلف شوية حوالين المكان ورجعله بعد ساعه
الراجل قاله انا مش قلتلك تعالى بعد ساعتين ، عموما هيا خلصت بس فاضل الدهان بس
دهان ايه
دهان القطعة ( كانو اكتر من حاجة على فكرة اي سي وكوندنسر ومقاومات معينة )
طيب ممكن اشوفها اهي اتفضل
بص عليهم لقاهم قفطع نحاس اصفر من بره والمكونات جواهم
طلب منه يعمل مواصفات كل قطعة لوحدها في ورقه وطرق اتوصيل ويلفها فيها ويكتب عليها رقمها ويسيبها على كده هيااخدها من غير دهان
والراجل كان مصر انهيدهنها قاله انا عاو افرج الناس على شغلك علشان اجيبلك شغل

لكن الحقيقة انه كان عاوز يحرق دمنا بيها ويفرجنا على الانتاج الصيني والتقدم العلمي اللي هما فيه لما قطعة الكترونية صغيرة تلففنا حوالين نفسنا ونروح نجيبها من هناك يقولو دي تكنولوجيا قديمة ويعملها واحد في محل متر في متر

شكرا للإضافة