|
رد: هشتري فيرنا بس في ناس بتلعب في دماغي
السلام عليكم
الفيرنا حلوة واللوجان حلوة بس متخليش حد يلعب في دماغك واذا اخترت حاجة من الاثنين مش هتندم وطبعااااا انا اضمنلك الفيرنا وربنا يوفقك لما فيه الخير |
رد: هشتري فيرنا بس في ناس بتلعب في دماغي
متشكر جدا جدا يا أحلي شباب بجد كلامكوا فرق جامد معايا وانا ربنا يسهل هجرب العربيتين في المعرض وأقولكوا نويت علي ايه
|
رد: هشتري فيرنا بس في ناس بتلعب في دماغي
هي الفيرنا جامده وعربيه بهدله 1600 سيسي كويسن ولاكن هي الكنبه الخلفيه ديقه ومش واسعه
بس العربيه لماتتروش هتبقي روعه بس غيرها الجنوط و الكوتش و الكشاف الامامي |
رد: هشتري فيرنا بس في ناس بتلعب في دماغي
بص من الاخر كده وعلى بلاطة يا باشا خد من اخوك حسام الزتونة .. ههههههههههه
لو انت من النوع اللى عايز تشترى عربية زيرو بمعنى الكلمة يعنى عايز العربية تفضل فبريكة معاك وكده يبقى عليك وعلى اللوجن (اوبشنز اكتر : كمبيوتر رحلات - اير باج - واسعة اكتر من الفيرنا بكتير - شنطة واسعة جدا) ويعيب عليها ان موتورها مش قوى اوى وصوته خسن شويه صغيره وطبعا مش هضحك عليك واقلك قطع غيارها متوفرة زى الفيرنا لكن هتتوفر قريب باذن الله لان العربية فى تزايد مستمر لكن لو عندك استعداد تغير وتعدل وتصلح وكده ومش فارق معاك اوى يبقى الفيرنا بقى سريعة وموتور قوى لكن كماليات مفيش اكتر من الازاز الكهربا والتكييف والباور وطبعا التقفيل سئ وسعرها غالى عليها .. يا سلام لو كانت تقفيل كورى .. بس الحلو ما يكملش .. وعلى فكرة انا بتكلم بحياديه شديده مع العلم ان عربيتى هيونداى افانت 1997 ... ونصيحتى ليك انك تفكر كويس فى اللوجان لانى شايف انها الاحسن ... تحياتى ومبروك مقدما يا غالى ... |
رد: هشتري فيرنا بس في ناس بتلعب في دماغي
السيارتان من نفس الفئه تماما
السياره اللى ترتاح لشكلها ..... توكل على الله واشتريها |
| الساعة الآن 03:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017