مصر موتورز مجتمع السيارات - >> التشريح النفسي .. لشخصيه الماتريكس <<

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - >> التشريح النفسي .. لشخصيه الماتريكس << (https://www.masrmotors.com/vb/showthread.php?t=35530)

رد: >> التشريح النفسي .. لشخصيه الماتريكس <<

اقتباس:

المشاركة الأصلية كتبت بواسطة Ahmed Anwer (المشاركة 250628)

للأسف يا باشا

بعد ما رديت علي موضوع الجيل الجديد للماتريكس

مشفتش الرد عشان المنتدي وقع ،،،

ما شاء الله موضوع جامد

بس نسيت تقول إن من مميزاتها إنها تنتمي للجيل الثاني من سيارات هيونداي

فبالتالي مازالت تحتفظ بمميزاتها في التكنولوجيا البسيطة و سهولة الصيانة و اشتراكها في قطع الغيار و رخصها

و كمان مميزاتها إنها احتفظت بسعرها بشكل ممتاز من بداية طرحها لنهاية جيلها مما يضمنلها إعادة بيع ممتازة

و من عيوبها وضعية القيادة اللي ممكن متخليش ابعادها سلسة لناس كتير

و حسب ما سمعت إن سمكرتها صعبة !!!

حصل خير يا باشا ... نرد تاني مفيش مشاكل ... مع اني مش فاكر كتبت ايه بس مش حنغلب ... أكيد حنلاقي كلمتين نقولهم
انا معاك في كل اللي قلته .. الا جزئيه وضعيه القياده .. يمكن اول مره بتكون غريبه للي متعود على السيدان ..
لكن وضعيه الجلوس المرتفعه و مساحات الازاز بتخليك تكشف الطريق كويس .. و العربيه ابعادها ملمومه .. هي عاليه لكن مش طويله .. اقصر من الاكسنت و السيينا و الانوس .. بس يمكن اعرض كام سنتم
لكن العدادت هي اللي مكانها غريب مش مفهوم ... معموله علشان كل الركاب يشوفوها ... تقولش بيسوقوا من مكانهم (what)

اقتباس:

المشاركة الأصلية كتبت بواسطة حازم شاهين (المشاركة 250642)

فلم تَجْرِ إِلا جئت في الخير سابقاً، ولا عدت إِلاأَنت في العود أَحمد

ايه يا باشا الاشعار الجامده دي ...كتير علينا والله ...
و انا اللي كنت خايف لأكون اتفزلكت زياده بالفصحى ... اتاريني طلعت غلبااااااااااااان

اقتباس:

المشاركة الأصلية كتبت بواسطة samehsaeed (المشاركة 250654)

بجد ولا أروع ده طبعا على غرار

زاد المستقنع في اختصار المقنع
جزاك الله كل خير
GIFT4U

جزاك الله كل خير ...
ما شاء الله .. اشعار و مؤلفات و ... و
انا رأيي نخلي الموضوع مقتبسات من التراث
عريض المنكبين مشرئب الفلنكات ... شلولخ ,,,, أعرب الجمله... ومن هو شلولخ ايه ياترى
والكتب الخارجيه ممنوعه

اقتباس:

المشاركة الأصلية كتبت بواسطة حازم شاهين (المشاركة 250656)

ﻻ و إنت الصادق

تخليص اﻹبريز .. فى تلخيص باريز

فعلا يا حازم باشا .. كنت بفكر فيها و انا بكتب العنوان لدرجه اني بدخل ما اكتب خلاصه البهاريز ... تخليص دخل على خلاصه طلعت ملخص ... ما علينا .. المهم البهاريز تعجب الزباين و خلاص

رد: >> التشريح النفسي .. لشخصيه الماتريكس <<

انا فاضلي شوية وحعيط من الفرحة
انا بفكر اشتري ماتريكس والتقرير دة اكدلي اختياري
اية الحلاوة دي اية الجمال دة والله تقرير في الجون

رد: >> التشريح النفسي .. لشخصيه الماتريكس <<

اقتباس:

المشاركة الأصلية كتبت بواسطة tareksakr (المشاركة 250798)

تقييم رائع جدا من خبير زيك يا سامح اضافة رائعة لمحتوي المنتدي فعلا ناس قليلة جدا اللي تقدر تقيم عربية بالأسلوب العلمي المفند بأدلة وشواهد

الف شكر ليك يا طارق ... لا خبير و لا حاجه .. هو بس بيقولك التكرار يعلم الشطار .. و العربيه بقالها معايا فتره قطعت فيها مسافات .. فطبيعي ابقى ملم بيها واعرف عنها شويه معلومات من واقع الاستخدام

اقتباس:

المشاركة الأصلية كتبت بواسطة aboelesaad (المشاركة 250825)

تقرير اكتر من ممتاز وتسلم الايادي

بس كان ليا ملحوظه علي الفيديو الاخير
مش عارف لي مش مقتنع بيه والله اعلم

وتقبل تحياتي

تسلم يا باشا ...
انا سمعت من ناس انهم جابو بالمانيوال ال 200 .. و ناس قالت انهم عدوا ال 180
لكن الاوتوماتيك جربت مرتين تلاته ومره منهم كسرت ال 170 بس الطريق كان فيه ميول فمحسبتهاش
بس عموما الوزن التقيل تأثيره بيقل كتير مع السرعات .. لإن تأثيره بيكون عمودي على اتجاه التسارع
والفيرنا بتعدي ال 200 بسهوله ...
فوارد ان الماتريكس المانيوال تعملها .. بس معتقدش الاوتو ممكن توصلها
و لو الطريق فيه ميل ممكن يساعد العربيه التقيله او يعاكسها حسب اتجاه الميل

اقتباس:

المشاركة الأصلية كتبت بواسطة hazem_khidr (المشاركة 250909)

انا حطلب من الاداره حذف موضوع عن الماتريكس خلاص مالوش لازمه :)
حتكسف من موضوعي و هو جنب موضوعك كده يا باشمهندس سامح
لا بجد موضوع ولا اروع من كده
تغيب تغيب و تيجي بموضوع من العيار الثقيل يزيد من الشغف في القرائه
و يعتبر سهل ممتنع فيه كميه معلومات و ممكن الواحد يكون عارف معظمها
لكن ما يقدرش يشرحها بالطريقه المبسطه اللي حضرتك شارح بيها دي
تحياتي اليك و ارفع اليك القبعه:)

ازاي بس يا باشا ...
موضوعك هايل و يهم اي حد يحب يتعرف على العربيه
انا يمكن حاولت اركز على حاجات تهم اللي بيفكر يشتريها بجد او لسه جايبها جديد و معندوش خبره بيها
يعني ممكن ناس كتيره تلاقي موضوعي طويل و ممل
احنا ممكن نكتب تنويه الناس تدخل على موضوعك الاول ... و لو طلبو كماله ننزلهم الموضوع التاني
انا عارف طبعا ان اغلب الكلام هنا انت عارفه كويس خصوصا ان العربيه في العيله و اكيد سوقتها كتير
بس برضو اكيد في ناس مجربوش العربيه او بيفكروا فيها وعايزين يعرفوا تفاصيل اكتر

اقتباس:

المشاركة الأصلية كتبت بواسطة luckyman (المشاركة 250925)

عزيزى سام رام كاتب ومحرر الموضوع اهنئك على الاحترافية العالية فى كتابة الموضوع واستخراج العناصر وعرضها بشكل مميز ومرتب حياك الله ودمت بود

اقتباس:

المشاركة الأصلية كتبت بواسطة luckyman (المشاركة 250927)

بصراحة استمتعت بقراءه التجربة والتقييم شكرا مره اخرى

الف شكر على ردك و تشجيعك لاكي مان ... مشاركتك اسعدتني كثيرا .. وشهاده اعتز بها

رد: >> التشريح النفسي .. لشخصيه الماتريكس <<

اقتباس:

المشاركة الأصلية كتبت بواسطة phantia (المشاركة 250945)

انا فاضلي شوية وحعيط
انا بفكر اشتري ماتريكس والتقرير دة اكدلي اختياري
اية الحلاوة دي اية الجمال دة والله تقرير في الجون

ليه بس كده يا ريس ... احنا عاملين التقرير علشان الناس تنبسط
طالما العربيه عجباك توكل على الله
بس خلي بالك ان الماتريكس حينزل مكانها شكل جديد قريب IX 20
وزميلنا احمد انور عامل موضوع فيه صورها

رد: >> التشريح النفسي .. لشخصيه الماتريكس <<

موضوع أكثر من راااااااااائع
و احترافية عالية جدا في التقييم
نفسنا ربنا يكرمك بعربيات كتير تانية تكتبلنا عنها تقارير ممتعة زي دة444546