رد: لقد قررت ان اشترى نيسان افتونى ....
 

يا ريت يا اخ خالد تقولنا لاتنصح بيها ليه علشان نستفيد انا معايا 2011 مانيوال و عجباني جدا

رد: لقد قررت ان اشترى نيسان افتونى ....
 

انا معايا 2011 اوتوماتيك فيها العيوب التالية
اولا السحب ضعيف في السرعات الاولى حتى مع عدم تشغيل التكييف
ثانيا العزل الداخلى للسيارة غير جيد على الاطلاق
ثالثا حوووت بنزين
رابعا العفشة ناشفة مع الحفر و المطبات
خامسا توجد رعشة فى السيارة
سادسا توجد زنة قوية تشعر بها تحت رجليك و خاصة فى دواسة البنزين وايضا تشعر بها فى السياره

رد: لقد قررت ان اشترى نيسان افتونى ....
 

أؤكدلك تاماما إنها مش ممكن تكون عيب في الموديل وفعلا فعلا لازم تراجع التوكيل لأني لا لقيت رجة والله ولا زنة.
وخلينا ياباشا نعرف إننا بنتكلم في عربية متقفلة في مصر ياعني النهاردة الواد بلية كان مزاجه حلو وهوا واقف في خط الإنتاج قام متوصي بالحتة الي كانت في إيده يومها وفي نفس اليوم تلاقي أم العيال إتصلت بيه وطلبت منه شوية طلبات كتير شوية ولا إدته كلمتين من المتنقي ياخيار قام مزاقة إتقل وقام مكلفت الحتة الي جت في إيده وراها وتلاقي بقى بلية ساعتها كان شغال بس مثل في تجميع حتة دواسة البنزين ولا بيشيك على العفشة مثلا فتلاقي عيوب طالعة من تحت إيده وإنتاجه مش منتظم.
بس في الآخر ياباشا خلينا نتكلم بهدوؤ وبعقل دلوقتي أنا عايز عربية عزل تمام عفشة تمام ماتور تماما ماركة ووكيل تمام صيانة ببلاش إتزان مافيش بعد كدة رفاهية تريحني عن البيت وفيالآخر ألاقيها ياباشا بـ 90,000
آه هما مش قليلين بس لو جيت وازنت سعرها مع العربية وبالمقارنة بالكوري وأسعاره الموجودة حاليا ولا الياباني بردو وأسعاره هتلاقيها عربية مش هتتكرر كل يوم فعلا.فلوس كتير

رد: لقد قررت ان اشترى نيسان افتونى ....
 

يا جماعه ياريت اللى يقول كلمه السحب ضعيف دى الاول يفهم العربيه صح كويس و يعرف عزمها بيطلع امتى و اعلي باور بيطلع امتى و يبتدي يسوقها مانيوال و يفهمها صح انا سوقت كيتير بس النيسان دى بالاخص عاوزه معامله خاصة بمعني ان هى مش زيها زى اى عربيه انا مره كنت ماشي على التاني على 50 و نقلت عال N و طلعت الضغط ل 6000 و حطيت الغيار الثالث و فكيت كلتش او دبرياج و كنت متوقع الاقي العربيه بتطير بيا بس ماحلصش الكلام ده عشان كده اللى يسوق نيسان مانيوال لازم يكون عنده خبرة فى المانيوال و يعرف ازاى يخلي العربيه تطلع عزمها

رد: لقد قررت ان اشترى نيسان افتونى ....
 

مبروك مقدماً شوف انا هقولك الحق بما يرضى الله هى العربيه ممتازه على قد سعرها يعنى اذا كنت ركبت الفئه دى قبل كده اوربى او يابانى او حتى كورى لازم تبقى عارف ان فرق السعر جاى لأن العربيه تقفيلها مصرى
اما تشتريها منين انا اشتريت من أوتو ايجبت المهندسين ناس محترمه و بيركبو سنسور ركن هديه وفيه واحد اسمه عبد الخالق ممتاز و محترم
اما عن استهلاك البنزين هى عاليه شويه فى استهلاك البنزين و لكنى سمعت ان نيسان مصر عملت تعديل (تركيب سنسور) لتوفير البنزين و موديل 2011 و الله أعلم
اوحش حاجه فى النيسان فى مصر خدمه ما بعد البيع زباله و اعتقد ان لو نيسان عملت الصيانه بنفسها هتكون من احسن العربيات فى مصر عن تجربه شخصيه روحت التوكيل اشتكى من عيب اتعذبت و معملوش اى حاجه و المشكله هى هى ا
لمهم العربيه ممتازه بس لازم تبقى عارف انك دافع فلوس قليله بالتالى الازم تطنش على التقفيل .