رد: نفسى اتعلم السواقة صح
 

لو عندك عربية خلى حد زميلك يعلمك عليها. مدارس السواقة كبداية حاجة كويسة لانها بتدى الأساسيات وعندهم عربيات تتعلم عليها..

وعاوز أقول لك حاجة العربية مفروض توصلك للأماكن اللى أنت متعود عليها يعنى شغل بيتك فسحة فى داخل المكان اللى انت فيه علشان كدة لما تتعلم شوية أستخدم العربية فى تقضية مشاويرك لان السواق الشاطر من وجهة نظرى هو اللى يعرف يعمل مشاويرة بالعربية بدون مخالفة أو تصادم مع الغير...

فأستخدم العربية فى مشاويرك فقط وبعد ما تتعود على طريقك وسع مجال أستخدام العربية.... أبدأ من المناطق الهادئة إلى المزدحمة، على فكرة فى ناس كتيرة فكرة الطريق السريع زى مصر أسكندرية أو غيرة دة صعب الحقيقة لا. اسهل سواقة هى السواقة الطوالى وعلى سرعة. أصعب سواقة السواقة بين العربيات والناس والزحمة لانك لازم تتحكم جامد فى العربية وتسلك نفسك من كل موقف بأعصاب باردة.....

رد: نفسى اتعلم السواقة صح
 

والله يا استاذ حازم انا اصلا من امبابة واتعلمت فيها برضه ومش فى الشوارع الرئيسية الفاضية اللى ناحية البحر لا ده فى ادغال امبابة وعندنا حتة اسمها المطار وشارع المطار ده الوصلة بين المنيرة والبراجيل ودخلت فى اخر الشارع ده مش عايز اقول لحضرتك ان مابيمشيش فى الحتة دى غير السواقين ميكروباصات وتكاتك وعربيات بالنفر مالهاش اسم ولاوصف وحاجات غريبة وزحمة مش مفهومة ومع ذلك دخلت وروحت وجيت وكنت بتعلم تبع مكتب بس بصراحة الشاب اللى كان بيعلمنى كان تمام لانه فى خلال الساعة اللى كنت باخدها كان بيلففنى فى حتت كتير وتقريبا اتعلمت فى محيط المنطقة ابتدائا من ميدان الكيت كات وشارع عرابى والسودان والوحدة والمطار والبراجيل واتعلمت فى 3 مرات كل مره ساعة فقط وبعديها على طول طلع واحد صاحبى معايا ع الدائرى ودى كانت بداية الجرأه الحقيقة بالنسبة لى فى السواقة اذ الطريق مفتوح وعلى سرعة عالية بالنسبة لمبتدىء لغاية ما وزنت التارة ودواسة البنزين وظبطت نفسى والحمد لله ماشى عِدل عشان يحتار عدوى فيا ههههههههههههههه
الخلاصة انى بأعتقد ان الميتدىء لازم يتعر لكل الاجواء والصعبة والمزدحمة خصوصا لان ده معظم حال شوارعنا عشان لما يمشى فى شارع منتظم يحس بالفرق حتى ولو كان زحمة او الطريق واقف وبعد كده يفوت فى الحديد
اعتذر على الاطالة ولكن حبيت اوصف جزء من المرور بشوارع امبابة

رد: نفسى اتعلم السواقة صح
 

انا متعلمه في مدرسه سواقه بس المهم الممارسه يعني لازم يكون عندك ععربيه بتسوقها علشان تتعرض للمواقف الصاعبه وتعرف تتعامل معاها

رد: نفسى اتعلم السواقة صح
 

عايز تتعلم القيادة صح بطريقة امنا وسليمة ومفيش خوف ولا قلق
روح عند شوشة لتعليم قيادة السيارات بالهرم
0104316102-0122456126