مصر موتورز مجتمع السيارات - صوت غريب فى ناحية العجله اليسرى اول متبدا العربيه تجرى

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

رد: صوت غريب فى ناحية العجله اليسرى اول متبدا العربيه تجرى

اقتباس:

المشاركة الأصلية كتبت بواسطة ahm2020 (المشاركة 248423)

الحمد لله إن الصوت راح والحكاية جت بسيطة
وده بيفكرني بمرة سمعت صوت عالي في العجلة الشمال و كمان كان مصحوب برائحة شياط
وقلقت جداً و مكنتش عارف أعمل إيه وكنت بالليل و على طريق سفر وبعدين قلت أحاول أبص عليها وفي الأخر طلع السبب سلك صغير كان مزنوق ورا العجلة و بيحك في الطنبورة و الكاوتش و الغريب إني سحبته بإيدى طلع على طول يعني حتى مكانش لافف على حاجة

ومرة سمعت صوت خبطة جامدة جداً في العربية مع المطبات و مكنتش قادر أحدد الصوت منين ومكنتش عارف أروح لعفشة ولا سمكري ولا ميكانيكي المهم كان عندي شغلة ميكانيكا و أنا بعملها قلت للميكانيكي على الصوت ده و نزل تحت العربية واكتشف إن في زلطة مزنوقة فوق علبة الشكمان يعني بين الشكمان و بطن العربية و هي اللي بتخبط الخبط ده مع المطبات.

فربنا يكرمك و تكون كانت حاجة زي كده وراحت لوحدها

دة فلجاااااااااك؟

رد: صوت غريب فى ناحية العجله اليسرى اول متبدا العربيه تجرى

اقتباس:

المشاركة الأصلية كتبت بواسطة odaoda (المشاركة 248504)

دة فلجاااااااااك؟

لأ ده كان قبل كده في الأكسنت

هو مكانش عيب في العربية دي كانت حاجات بتيجي من الطريق وانا ماشي

رد: صوت غريب فى ناحية العجله اليسرى اول متبدا العربيه تجرى

أمممممم مشكور على الرد
واخبار العربية معاك اية
زعلتك فحاجة؟
ربنا يديك خيرها

رد: صوت غريب فى ناحية العجله اليسرى اول متبدا العربيه تجرى

انا حصل معايا صوت برضوا متكرر لا ينقطع و بدا فى منتصف الطريق للبيت على الدائرى و فى الاول فكرته جاى من عربية ورايا و بعدين ملقيتش عربيات ورايا و كنت بجرى على الدائرى على اقصى اليسار قلت يمكن عربية يمينى و بعد فترة مش شايف عربيات تطلع منى و الصوت ثابت قلت معقول عربية يمينى و ماشية بنفس سرعتى المسافة الطويلة دى ايه حكايتها بصيت ملقيتش عربيات يمنى خالص و لا ورايا حتى قمت اتاكدت ان الصوت بتاعى
ركنت يمين بعد فترة على جنب و نزلت ابص على العجل و سبب الصوت
بنظرات الميكانيكى الخبير جدا و يرتدى نظارة شمس و لابس زى الفل كانه مهندس ميكاميكا و من اول بصه هيقول العربية دى بتعمل صوت بسبب كذا
و فضلت ابص على العجل كله و اكسر الدركسيون يمين و شمال وانزل تحت العربية و ابص برضوا مالقيتش حاجة قمت ركبت و خيبة الامل معايا و مشيت بالراحة عشان معرفش الصوت دة ممكن يكون حصل ايه و روحت بس لما نزلت من العربية حطيت ايدى على الجنوط لقيت اللى قدام سخنين قوى قوى و الخلفيين باردين

رد: صوت غريب فى ناحية العجله اليسرى اول متبدا العربيه تجرى

نوع العربية اية يا باشا؟؟