المشاركة الأصلية كتبت بواسطة احمد على 1999 (المشاركة 221140)

انا مع الاستاذ حازم بالرغم من انك اتاكدت ان الشاكمان معدى بس اكيد مش فى وضعه الاصلى
هل فعلا العربية شبه الصورة (هاتش باك ) لانك بتقول ان الريحة بتظهر بعد 60 كم/س فاحتمال سيال الهواء حول جسم العربية مرورا بالكابوت و السقف و هبوطا بعد الشنطة بيحصل دوامات و الهواء بيقلب و يدخل العربية احتمال من الشنطة و بياخد معاه عوادم من الشاكمان
1- اتاكد من عزل الشنطة
2- على سبيل التجربة الحم ماسورة طويلة فى ديل الشاكمان و لو الريحة راحت يبقى فعلا الشاكمان مش بوضعه الاصلى لما كانت العربية جديدة ساعتها طبعا حتشيل الوصلة بتاعة التجربه و تحاول عند بتاع شاكمنات كويس يرجع الشاكمان لاصله

المشاركة الأصلية كتبت بواسطة MineGraph (المشاركة 221768)

كلام جميل و منطقي

و ممكن فعلاً يكون مسألة عزل الشنطة و بصراحة أنا مش برجح موضوع الشكمان لإني رحت لكذا واحد بتاع شكمانات و كلهم بيقولوا الشكمان زي الفل و بايت في المجرا بتاعه

لكن ممكن تقترح عليا أعمل إيه في موضوع عزل الشنطة ده لأني مش عارف أعزلها إزاي لأنها مفتوحه علي الكابينة و بعدين أنا فعلاً كنت مره حاطط حاجات كتير في الشنطه فالشنطة ما تقاافاليتش فسيبتها مفتوحه و في اليوم ده كدت أن أموت مخنوق لأن الرائحة كانت بزياده أوي أوي أوي

بصراحة أنت يا أستاذ أحمد فتحتلي سكه للبحث لعلها تكون صحيحه لكن .... إزاي أعزل الشنطه

و جزاك الله خيراً

المشاركة الأصلية كتبت بواسطة hazem_khidr (المشاركة 221836)

زي ما استاذ احمد قال بالضبط
للعلم العربيه دي مع واحد قريبي وموتورها تعبان كمان
لكن مهما بنسافر بيها مافيش اي دخان بيدخل لجوه
الشنطه بتاعه فيها من جوه تقفيل بالبلاستيك بالكامل
و باب الشنطه نفسه فيه كاوتش و لما تقفلها مش بحتاج اي مجهود.
يا تري الوضع عندك عامل ازاي؟