مصر موتورز مجتمع السيارات - هل ده طبيعى عشان انا حديث القياده

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - هل ده طبيعى عشان انا حديث القياده (https://www.masrmotors.com/vb/showthread.php?t=27849)

رد: هل ده طبيعى عشان انا حديث القياده

اقتباس:

المشاركة الأصلية كتبت بواسطة واحد شاى (المشاركة 197536)

السلام عليكم

يا جماعه انا اولا لسه اول سنه ليا سواقه والحمد لله بقيت بمشى بالعربيه عادى و مفيش حد بيضايق منى فى الطريق و بمرور الوقت مبقاش فى رهبه من العربيه

بس انا ملاحظ حاجه انى لما بسوق وانا مشغل الكاسيت بحس انى مشدود و متوتر و لازم اوطى الصوت اوى او اطفيه

وكمان ساعات لما بقفل الزجاج بكون برده مش مرتاح "يمكن عشان المرايات عندى مش حلوه ولازم كل شويه اعدلها "

بس هوا انا بحس انى بيهمنى وانا ماشى اكون مشغل حاسه السمع و سامع صوت العربيات اللى حوليا وبكون مركز اوى و عشان كده لما بقفل الزجاج او بشغل الكاسيت بحس انى مشدود و متوتر

ياريت الاعضاء الخبره تقولى هل الاعراض دى عشان انا لسه اول سنه سواقه

وياترى اعمل ايه عشان اتغلب على الحكايه دى وابقى ماشى مشغل الكاسيت زى طافيه و فاتح الزجاج زى قافله

صديقي العزيز ....

ماتفعله ماهوا الا الامر الطبيعي والمثالي لقياده السياره .... من التركيز العالي وعدم الشتات لاي سبب من الاسباب ... لان فقدان التركيز اثناء القياده بكارثه (لقدر الله ) .

وانا عن نفسي هذا هوا اسلوبي في القياده .... وانا اقود السياره منذا وكان عمري 12 سنه ...

شكرا ...

رد: هل ده طبيعى عشان انا حديث القياده

بجد متشكر اوى يا جماعه على اهتمامكم و ردودكم

رد: هل ده طبيعى عشان انا حديث القياده

عزيزى الغالى ما تفعله هو عين الصواب وهو ما يعطى درجة تركيز عالية فى شوارع وطرقات تعج بالعشوائية
من ناحية أخرى تركيزك العالى مع السيارة يجنبك مخاطر كثيرة
بالتوفيق والأمان

رد: هل ده طبيعى عشان انا حديث القياده

اللي انت بتقوله ده في الاول بس بعد كده هتلاقي نفسك زهقت من الزحمة و الدوشة و عايز تقفل كل حاجة حوليك :HAPPY_~211:

بس انت بتقول انت بقي لك سنة بتسوق يبقي انت كده مش جديد يعني ، عموما انت لو فضلت مركز اوي كده هتتعب زي ما قال احد الاعضاء بس انا رائيي انك تركز اوي كده و توطي الكاست فعلا لما يكون الشارع زحمة عشان في ناس بتكون زكية شوية بتكسر عليك و ممكن تكسر لك المرايات او تخبطكptmnlo123per1106 او اي حاجة لا قدر الله

و برضة انت قلت حاجة غربية شويه انك كل شوية بتعدل المرايا!!! هيه مرة واحده بتظبطها و بعد كده خلاص و ممكن كمان لو انت بتركن تظبطها عشان تشوف الرصيف كويس بس . لو انت المرايات اللي علي الجنب مش كويسة هات مرايا بانوراما
"و ما تقولش بقي دي بتاعت التاكسي :HAPPY_~211:" هتها و ريح دماغك
و ربنا يسترها معانا كلنا انشاء لله

بس حاول انك تركز في كذا حاجة وانت سايق لازم تتعود علي كده ، يعني انت لو في حد قاعد جنبك هتفضل ساكت طول الطريق مش هتتكلم عشان ما يشوشرش عليك !! ولو حصل حاجة تسيب المشكله وتمسك في خناق اللي جنبك!!!! :HAPPY_~211:
الموضوع مش صعب انت جرب الاول تشغل الكاست وانت فاتح الشباك و شوية شوية علي الصوت و اسبوع كمان كده و ابتدي اقفل الزجاج و انشاء لله تتعود

"بس لو حصل حاجة مليش دعوة ptmnlo123per122 " مش هيحصل حاجة انشاء لله انت جمد قلبك بس كده و توكل علي الله " ومن يتوكل علي الله فهو حسبه"

يا ريت يكون كلامي افادك

رد: هل ده طبيعى عشان انا حديث القياده

طبيعى طبيعى جدا بس الشاك لما تركب عربية بتكييف الأمور هتتغير