مصر موتورز مجتمع السيارات - سيارة فى حدود 25 ل 30 الف جنية

اقتباس:

المشاركة الأصلية كتبت بواسطة احمد بدر1978 (المشاركة 197720)

ممكن تلاقى شاريد اتوماتيك فى حدود 25000

شوفت صورتها ع النت وشكلها جميل بصراحة ..ولاقيت حد عارضها على 32000 هو المفروض لما حد يقول سعر زى دا مثلا المفروض انزل قد ايه وبناء على ايه ..بصراحة شراء المستعمل دا ازمة كبيرة انا كنت باريح نفسي واجيب زيو افضل عشان محسش حد ضحك على بس انا هاقعد فى مصر سنه فقط ومش عاوزة اجيب جديد
عموما الف شكر لحضرتك.

اقتباس:

المشاركة الأصلية كتبت بواسطة fox26 (المشاركة 197842)

اتفضلى صور للعربية بس دى الكوبية ال2 باب اصغر انما بتاعتى زيها بس 4 باب و على فكرة نفس اللون دا و ان شاء الله بكرا اجيبلك الصورة الحقيقية للعربية نفسها من جوا و برا :

http://www.contactcars.com/Images/Po...14_g7mf8ip.jpg0

اما المساعدين دى الى هيا زى السوست الى بيركب عليها الشاسية عشان المطبات و كدا و بتتغير ال4 مساعدين المانى جداد بالضمان ب 1000 جنية !! و احتمال انا اغيرهم قريب اوى قبل ما ابيعها .

و على فكرة مش هتحتاجى تغيرى اى حاجة تانية لانى لسى عاملها صيانة اصلا و مغيرلها الاتى :

زيووووت ( زيت موتور - فرامل - بااور - فتيس )

سيور و فلاتر ( سير كاتينة - دينامو - فلتر زيت - فلتر بنزين )

و السيارة كلها مغسولة فى بنزينة ب 100 جنية كل جزء فيها مغسول ( موتور - شاسية - صالون - الخ الخ )

جميع العلامات عليها و العواكس الى دايما بتبقى مش موجودة على العربيات المستعملة موجودة فيها

اجمل مايميز العربية ان راكبلها نظام بااور : يعنى الدركسيور بيكون لفة واحدة و خفيف و هيريحك خصوصا فى الركنات لانك بنت .

الف الف شكر لحضرتك ..بس شكلها مش مناسبنى..انا عاوزة عربية رخصية وبنت حلال وشكلها كويس :) عموما الف الف شكرا لاهتمام حضرتك

اقتباس:

المشاركة الأصلية كتبت بواسطة hazem_khidr (المشاركة 198118)

عندك الابيزا كويسه و الكورسا كمان لو عاوزه هاتش باك
لو عاوزه سيدان يبقي السويفت و البرايد

كيا برايد كتير بيمدحونها ويوصونى بيها ان شاء الله انزل اشوفها ..الف الف شكرا لاهتمامكم يا جماعة