مصر موتورز مجتمع السيارات - عايز معلومات عن لادا اليكو

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - عايز معلومات عن لادا اليكو (https://www.masrmotors.com/vb/showthread.php?t=25657)

رد: عايز معلومات عن لادا اليكو

نورتنى وشاكر لحضرتك على الرد المستفيض الذى افادنى كثيرا والى المزيد من المشاركات وشكرا

رد: عايز معلومات عن لادا اليكو

اقتباس:

المشاركة الأصلية كتبت بواسطة Dr. Shanawany (المشاركة 181555)

أعتذر
نسيت أقول لحضرتك أهم حاجه
الأليكو صاحبه أتقل دركسيون في مصر كلها
أتقل أتقل بجد
دركسيون أتقل من الـ 128 ومن اللادا ومن الدوجان ومن الشاهين
أنا جربت دا كله وبجد مفيش أتقل من الأليكو
أنا لما أنزل بيها مشوار لازم أروح دراعي بيوجعني من الدركسيون
فيه ناس متفرقش معاهم النقطه دي
بس فيه ناس تفرق جدااااا
بالذات لو حضرتك متزوج وفيه مدام ممكن تسوق العربيه
في الحاله دي مستحيييييل
أنا قلت أقول لحضرتك وحضرتك تحدد أهميه المسأله

من ناحية إن الدركسيون تقيل
مع إحترامى لحضرتك الكلام دة غير صحيح
لإن إحنا عندنا العربية دى
و الدركسيون بتاع الاليكو هاف باور يعنى نص باور
بالعكس دة أخف بكتيرررررررررررررر جدآ من اللادا العادية ومن ال128
أنا سقت العربيات دى كلها والصراحة الاليكو أخف دركسيون فيهم كلهم
واللى يأكد كلامى إن العربية على اسكترا
وأعتذر على الإطالة
ولو فى أى طلب أو أى حاجة بخصوصها أن تحت آمركم

رد: عايز معلومات عن لادا اليكو

نورتنى بمشاركتك يادسوقى باشا وانا دلوقتى محتار بس الاهم اسعار قطع الغيار غالية قولى اية رأيك ولوفية واحدة موديل91 تساوى كام وشكرا

رد: عايز معلومات عن لادا اليكو

اقتباس:

المشاركة الأصلية كتبت بواسطة الغزاوى (المشاركة 183785)

بص يا أستاذ غزاوى
مشكلة قطع الغيار إنى فى الإسكندرية وقطع غيارها نادرة شوية
بس فى ناس جابوها وبالنسبة لقطع الغيار أسعارها بالمقارنة بالعربيات التانية
مش غالية تعتبر فى الوسط يعنى معقولة ومتزعلكش المهم إنك تلاقيها .
لو إنتا فى القاهرة يبقى إطمن قطع غيارها متوفرة فى القاهرة
وبأسعار أحسن من هنا أكيد.

وعلى فكرة العربية على الطريق ناعمة وجميلة جدآآآآآ وكمان سحبها حلو أوى
يعنى أنا عادة بمشى على 100أو 120 وبتبقى جميلة مع العلم إنى بحطلها بنزين 80 كمان
وسحبها للبنزين قليل جدآآآآآآآآ
يعنى تفول العربية وتمشى بيها حوالى 400 كيلو
من غير ما تفول تانى

بس بالنسبة للسعر أنا معرفش سعرها كام دلوقتى والله
لإنى مفكرتش أبيعها

ومعلش طولت عليك

رد: عايز معلومات عن لادا اليكو

اقتباس:

المشاركة الأصلية كتبت بواسطة eldosoqe (المشاركة 183167)

انا منكرش إن العربيه ناعمه جدا على السرعات
يعني بصراحة وانا مسافر بيها كنت مش حاسس ان الدركسيون تقيل

لكن في وسط البلد
وعلى السرعات البطيئه
اعذرني
الدركسيون تقييييييل جدا
انا سوقت اللادا وشاهين ودوجان
اتقل منهم بمراحل -على السرعات البطيئة والمتوسطه-

أما بالنسبه لموضوع هاف باور دا
فطبعا -وحضرتك اعلم مني- مفيش حاجه اسمها هاف باور اساسا
العربيه زيها زي اي عربيه من غير باور على اسكتره
الباور نظام متكامل يا باشا
ومش موجود منه حاجه في الأليكو
ولا في أي عربيه تانيه
هوا يا فيه باور
يا مفيش باور
مفيش حاجه اسمها هاف باور