رد: صوت حكه فى الدريكسون
 

اقصد ان الصوت بيبقى واضح ساعه الصبح بيكون الجو هادى او فى الاماكن الهاديه

رد: صوت حكه فى الدريكسون
 

برضه معرفتش هى باور و لا لا !
حافترض انها باور
حاول الاول تحط المفتاح و تحرر الدركسيون و من غير ما تدور العربية حرك الدركسيون يمين و شمال و شوف الصوت موجود و لا لا
لو مش موجود يبقى الصوت نتيجة دورة الباور ( السير - العلبة - السيلكتور فالف ......الخ )
لو موجود يبقى الصوت نتيجة احتكاك فى احد وصلات او رولمان بلى العامود او من قرص الكالاكس
قرص الكالاكس فكه سهل ( مفك رفيع و تحاول داير ما يدور تنطره لبره ) بس برضه ممكن ميرجعش زى الاول و دى مخاطره

لازم تحدد مصدر الصوت بدقه و بعدين لو حتحتاج تفك الفبرتين ( العلوية و السفلية ) لو شاكك ان الصوت جاى من جواهم ففكهم سهل حتلاقى مسامير لما تلف الدركسيون يمين و شمال و حتلاقى مسامير من تحت

بس برجع و انصحك مش مستاهله فك الدركسيون لو هو ده الى حيحل المشكله لان الدركسيون ليه عدة خاصة لسحبه من مكانه و الميكانيكية حيدقو عليه من ورا علشان يخرجوه ( طبعا بعد ما يفكوا قرص الكالاكس و الصاموله ) فممكن يبوظوا حاجة تانية و ساعتها ممكن الصوت يتعالج بس يطلع مكانه اصوات تانية او مشاكل تانية

يعنى خلاصة الموضوع لو تقدر تزيت الوصلات من غير ما تفك قرص الكلاكس و الدركسيون يبقى ماشى لو مش حتقدر حاول توديها توكيل محترم ( او ميكانيكى متخصص لانوس و دول كتير- بس اوعى تقع فى ميكانيكى حيجرب فيك) علشان عندهم العدد الخاصة

او تعايش مع الصوت

رد: صوت حكه فى الدريكسون
 

هى ممكن من الفبرة وغالبا من الكلاكس هل اذهب الى كهربائى ولا اتعايش مع الصوت

رد: صوت حكه فى الدريكسون
 

مخبيش عليك انا محتار
بتهيالى ملهاش لازمة تفك قرص الكلاكس حتى
اسهل منه العلبة العلوية و السفلية و طلع فيه فبره تحت كمان بكده حتبقى كل حاجة باينة و تقدر تزيت و تشحم لحد ما الصوت يروح و لو مرحش تعايش يا باشا
او لو حد خبرة فى الموضوع اكتر ممكن يجاوب

رد: صوت حكه فى الدريكسون
 

بص هقولك حاجة حلوة
هى المشكلة فعلا زى ما الاستاذ احمد على قال ان الخوف لما تفك متعرفش ترجع الحاجة مكانها
لو انت اصلا غاوى فك وتركيب وفكيت قبل كدة حاجة فى العربيات يبقى توكل ع الله وحل الفبرة وغطاء التلكس بس لو لاقيت حاجة راكبة بشكل غريب ارسمها فى ورقة علشان لما تيجى تركب تانى ميبقاش فى مشكلة
بس عموما هو التلكس مش بيبقالة علاقة بالموضوع لانة بيلف مع الدريكسيون الى هيبقى بيعمل الصوت دة اكيد لو من جوة العربية هيبقى الفبرة لكن لو مطلعش منها يبقى انت بقى كدة هتدخل فى ترومبة باور واسكاترا وطبعا لو طلعت كدة لقدر الله عليك و ع اى مركز صيانة محترم
الصوت دة كان ظهر عندى فى الفولفو وحليت الفبرة ربطت على كل حاجة تانى وحشيتها فيبر علشان الفبر ميزيقش فى بعضة ومن وقتها وهى تمام