المشاركة الأصلية كتبت بواسطة aalim (المشاركة 161890)

و على فكرة كمان التابلوه معمول من قش الرز و الكراسى خشب شجر ملزوق بكوله بلدى و الفرش دمور و الكبوت ابلكاش 3 مم و العفشه MDF الموتور 2 سليندر زيت على بنزين.
و المفاجأه .............العربيه اصلا بتلات عجلات و جدون بس معدلينها فى الحرفيين و الافراج الجمركى بتاعها مكتوب فيه ترسيكل لحمه و انا شفت ده بعنيه اللى هايكلهم الدود فى عربيه واحد صاحبى ماعرفوش.

بس فى الحلم طبعا
هى جت عليا............ما انا كمان ليا نفس افتى
ماهو الكلام ببلاش
و لا ايه
انا رأيى نعمل قسم فى المنتدى نسميه الفتى و الاشاعات الغرضه عن السيراتو و كل واحد يهرتل فيه براحته
اه يا بلد

المشاركة الأصلية كتبت بواسطة Dr. Bolbolan (المشاركة 161918)

يا أخ عبدالعليم ! حضرتك كده خسرتنى كى بورد ميكروسوفت و تى شيرت !

علشان أنا كنت بأشرب شاى وأنا بأقرأ مشاركتك ! ما قدرتش أمسك نفسى من الضحك وبخيت الشاى على

الحاجات دى و بوظتها ! يارب تكون بتشرب شاى انت كمان وانت بتقرأ مشاركتى دى ! علشان السيراتو

غيروا اسمها لظيراتوا علشان بتظرت وهى ماشيه ! والتكييف بيطلع ريحه وحشه ! وبتضرب مدافع بعد سرعة 60

طبعا ده غير الشقلبظات ! والكلاكس بتاع الموديل الجديد بينهق ! وأول لما بتديلها الآولانى على الستبترونيك بتبرطع

على طول ! بس خللى بالك لو البنزين وصل تحت الربع العربيه بتقمص ! والانذار الجديد بتاعها لما بييجى حرامى

بتطلع رجل ترفصه و قرون تنطحه ! ولو فتحت الكبوت ح تلاقى 124 حصان صغيرين مربوطين بين العجلتين !

و بتمشى بالغاز الطبيعى ( أى غاز طبيعى ! والبلدى منه أشد ) ! ptmnlo123per111

والله حــراااااااام خليتوا الواحد لســــــع على آخر الزمن ! ptmnlo123per1106
Dr. Bolbolan :HAPPY_~211:

المشاركة الأصلية كتبت بواسطة khaled al sharif (المشاركة 161924)

لا وخد دي كمان العربية دي أنا شفتها في عيادة نساء وولاده بتاعة واحد صاحبي إسمه الدكتور عبد السلام كانت والده قيصري ومركبلها محلول علي الردياتير البلاستيك بتاعها وولدت 2 توكتوك واحد كوري والتاني هندي ونازلين يضربوا شقلبظات
نسيت أقولكم إن السيراتو طلع فيها عيب خلقي الجنط بتاعها مقاس 17 وده بيتعب عند الولاده الله يكون في عون الدكتور عبد السلام قوي ptmnlo123per1106