رد: محتارة بجد ومحتاجة مساعدتكم ليا ^^
 

رد: محتارة بجد ومحتاجة مساعدتكم ليا ^^
 

رد: محتارة بجد ومحتاجة مساعدتكم ليا ^^
 

اولا /موضوع حضرتك تاريخه امبارح وطبيعى ان الردود تتأخر شوية
ثانيا /قبل متجيبى اى حاجة (مش العربية بس )بتعملى استخارة لانى راى ربنا اهم مافى الموضوع وتانى حاجة بعد الاستخارة بتشوفى امكانياتك المادية ايه واحتياجاتك ايه وتوفقى بينهم قدر المستطاع ان لم يكن هناك توافق
بمعنى
انتى عايزة عربية علشان تقضى بيها مشاويرك البسيطة والا هتبقى المشاوير كتير وهتحملى فيها حاجات كتير وهتستعمليها استعمال شاق والا خفيف بناء على ده تبتدى تحددى فئة العربية علشان متدفعيش فلوس كتير فى امكانيات مش عايزاها الا لو امكانياتك تسمح فده موضوع تانى
وتبتدى تحددى
وواضح من اختيارك للبيكانتو انك مش عايزة عربية كبيرة او متوسطة و عايزة كماليات لكن ان لم يكن مقدرتك المادية تجيب حاجة يابانى او اوروبى يبقى اخرك الكورى لان الصينى فى السوق جديد وفى ناس بتشكر فيه وناس زعلانة منه ومش هينفع نحكم عليه قبل 5 سنين تكون اقل عربية عملتلها 100 الف
ثانيا / مسالة الكاسيت دى بسيطة خالص اولا مفيش عربية بدون كاسيت وطالما نزلت معاها كاسيت حتى لو كاسيت عادى فانتى بتبيعيه وتركبى غيره مشغل اسطوانات وده تمنه يبدأ من 120 جنيه للصينى وبيمشى لحد 1000 جنيه وفى كاسيت ماركته سونى اكسبلود اعتقد يابانى بحوالى 500 جنيها او 450 وفى منه ب650 اللى بيركب عليه فلاشة بحيث تنقلى عليها من الكومبيوتر وتشغليها فى العربية
ثالثا / كل واحد بيقول بناء على مزاجه هو او ارتياحه هو الشخصى انا مثلامعايا نيسان صنى عاجبانى جدا لكن فى ناس هنا بيعتبروها عربية سيئة وفى ناس معجبة جدا بالصينى بينما انا مركبوش وهكذا لكن العرف العام اليبانى والاوروبى والامريكى ثم الكورى وبس ودى وجهة نظرى
وبالتالى اهم حاجة اختيارك انتى للعربية نفسها ومع الوقت هتلاقى نفسك كل شوية عايزة تروشيها هههههههههه
وهتجيبى فيها وانا عارف فرو ودباديب وهتبقى ولاكأنها محل لعب وانا مستعد اخد بدل اللفة دبدوب هههههههه