المشاركة الأصلية كتبت بواسطة خالدخليفة (المشاركة 150458)

ربنا يكرمك ياعم كروزر بجد لانى شفت الموضوع ده على الصحراوى النهاردة وانا عارف فى بلدنا الغربال الجديدة له شدة وماشى98 على الصحراوى ورابط الحزام طول السكة مهو انا مش فاهم القضاء المستعجل المتمثل فى بتوع المرور هييجى منين وفعلا يابن عى على راى الصعايدة لقيت لجنة واقفة مصورين نص البنى ادمين فانا طبعا معملتش حاجة وداخل عليهم اسد ولاهاممنى لقيت امين الشرطة بيبص ورايا وبيقول لواحد// ده ؟؟؟ وبيشاور عليا واضرب عينى فى المراية الداخلية الاقى ورايا عربية نجدة طالع منها دماغ امين شرطة وظابط جنبه بيقول له وقف العربية الحمرا دى فانا عربيتى نيسان نبيتى قال له كان ماشى 111 فقال لى هات الرخص فبصيت للى ورايا قلتله مش انا قال له / مش النيسان الكورولا اللى جريت دى وفوجئت بيه وبيقول لللامين اللى جنبه ولا صلاح الدين فى معركة حطين /// هاته بسرعة وجريو وراه طاردوه و لحقوه ووقفوه واخدو الرخص ولمحتهم فى المرايه حمدت ربنا ولسه هجرى ولقيت عربية تانية طلعتلى لميت نفسى لحد اسكندرية
اتاارى بقى الموضوع ايه؟؟؟ فعلا بيبقى فيه على الطرق السريعة عربية نجدة تويوتا حديثة كحلى مستخبية وسط القهاوى او الورش اللى على الطريق وسعادتك طبعا مش شايف ولاواخد بالك غير من الطريق
واذ فجأتن على راى عمنا محمود السعدنى واللى لطشها منه بلال فضل /// يروح طالع وماشى وسط العربيات والظابط جواها ماسك الكاميرا ولا مدفع مضاد للسيارات وهات ياتصوير يمين وشمال وهو ماشى وسطيهم واول ميوصل اللجنة يلقط اللى يلقطه ويطارد اللى يطارده والباقى يحول اوراقه للمفتى قصدى للمرور و اخر السنة تكتشف ان عليك مخالفة تجاوز سرعة لانك كنت ما شي على اسكندرية الصحراوى بسرعة 103.5

المشاركة الأصلية كتبت بواسطة corsair (المشاركة 150514)