|
رد: ارجو المساعد بسرعـــــــــــــــــــــ ـــــه جداااااااااااااااا
الاصدقاء الفيرناوية كتير وطبعا الكورسير قدم توضيح عن الفيرنا
وبدون اى تحيز - هذه معلوماتى عن اللوجان : اللوجان هى فى الاصل من شركة داتشيا وهى تقفيل رومانى ( على فكرة رومانيا لا تتميز فى الاستهلاك عن بعض دول العالم النامى ) لذلك فارتفاعها الملحوظ كى تناسب جدا الشوارع فى مثل هذه البلدان ومنها مصر لما بدات فى التزول لسوق دول شمال افريقيا تم الاتفاق ان تاخذ علامة شركة رينو الفرنسية حيث ان رينو تتمتع بسمعه جيده فى هذه الدول ثم بعد ذلك بدأ تجميعها فى مصنع رينو بالمغرب حتى تنافس فى دول اتفاقية اغادير (دول شمال افريقيا والاردن) - الا ان التقفيل الرومانى تقفيل جيد بطبيعة الحال ( فى الاخر تقفيل اوروبى ) - EIT شركة محمد نصير - وكيل رينو وكيا فى مصر - هو وكيل جيد جدا ومحترم وذو سمعه طيبه - السيارة فى حد زاتها تعتبر سيارة جيده وذو مواصفات تناسب المستهلك المصرى ( تقريبا نفس مواصفات فيرنا ولانوس ) وهذا ماخوذ من بعض التقارير من الاخوة المستهلكين لها فعلا . - لازال الاحجام عنها بسبب انها سيارة جديده والخوف من الجديد هو ثقافه فى الشعب المصرى ، يمكن لانه معروف عن قطع غيار رينو غلو اسعارها وارتفاع تكلفه صيانتها لذلك فان سعر اعاده البيع للوجان مازال فى علم الغيب لان العربيه مازالت حديثة العهد بالسوق المصرى (واللى اشتروها لسه مافكروش يبيعوها ) وتقبلوا تحياتى |
رد: ارجو المساعد بسرعـــــــــــــــــــــ ـــــه جداااااااااااااااا
طبعا فيرنا ستار احلى بكتير
هيونداى احسن بكتير من اللوجان اللوجان لسه مش معروفه ..... ولم تظهر عيوبها الى الان |
رد: ارجو المساعد بسرعـــــــــــــــــــــ ـــــه جداااااااااااااااا
اقتباس:
الهيونداى فيرنا مميزاتها موتور 1600 قوى وحديث بالنسبة للوجان عربية اثبتت كفاءة على مدار السنوات الماضية عيوبها محفوظة واى ميكانيكى يفهم فيها قطع غيارها رخيصة سواء جديد اواستعمال ومنتشرة فى كل مكان سعر اعادة البيع ممتاز بحكم انتشارها وانها مطلوبة بقوة فى السوق بتجرى (جراية) بحكم الموتور 1600 سى سى والوزن الخفيف تمشى اسرية وسبابى فى نفس الوقت عيبوبها تصميم قديم من حيث الشكل الخارجى انتشارها من الجهة الاخرى عيب حيث وجودها تاكسى تقفيل مصرى وبتنزل بكاوتش نسر الفيرنا ستار كل الممميزات والعيوب السابقة بالاضافة الى الاشتغالة من الاسبويلر والعتب والشبكة والطاسات الغير مفهومة بصراحة مش اضافة بالمقارنة بالاكسنت اللى يعنى فيها اضافة ولو بسيطة غير كده هى فيرنا عادية الرينو اللوجان مميزاتها عربية تصميمها جديد غير معتاد فى مصر المساحات الداخلية كبيرة جدا بالنسبة للفيرنا ارتفاع السيارة كبير فصعب تحك فى المطبات والهاى لاين بتنزل بجنط 15 بوصة فى حين الفيرنا بتنزل ب 13 و 14 بوصة شكل التابلوه افخم من الداخل ولكن الخامات والتقفيل متوسط كالفيرنا العيوب الموتور ضعيف بتكنولوجيا قديمة اقل من الفيرنا انتشار متوسط بحكم انها لسه جديدة فقطع الغيار مش متوفرة بقوة فى اى مكان وبالتالى سعر قطع الغيار اغلى نسبيا من الفيرنا سعر اعادة البيع اقل من الفيرنا قدرة الاحتمال غير مختبرة لانه يلز مرور 5 سنوات على استخدامها بصورة منتظمة الفنش لايقل عن الفنش المصرى فالاثنيت متوسطين الجودة العربية اسرية لحد كبير |
| الساعة الآن 07:39 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017