مصر موتورز مجتمع السيارات - هل الكلام السيئ اللي بنسمعه عن الميجان هيبقى موجود في الفلوينس؟؟

مصر موتورز مجتمع السيارات (https://www.masrmotors.com/vb/index.php)

- رينو فلوانس Fluence (https://www.masrmotors.com/vb/forumdisplay.php?f=161)

رد: هل الكلام السيئ اللي بنسمعه عن الميجان هيبقى موجود في الفلوينس؟؟

اقتباس:

المشاركة الأصلية كتبت بواسطة corsair (المشاركة 148290)

اللي معاه رينو ينام ويقوم في التوكيلو

عمرك ركبت رينو عشان تقول ان اللى معاه رينو بينام ويقوم فى التوكيلو
على الاقل مبيتقالش تغور من غبورptmnlo123per172

رد: هل الكلام السيئ اللي بنسمعه عن الميجان هيبقى موجود في الفلوينس؟؟

ايه يا جدعان الهجوم الغريب علي رينو ده !!

رينو من اعرق و اقوي الشركات الفرنسيه مش معني ان موديل 2005 من الميجان كان فيه عيوب يعد يتقال عليه تنام و تقوم في توكيل و اللي معاه رينو ربنا يعينه !!

طب ما تشوفو الرينو الفلونس بدأت تظهر بقوه في الشارع ازاي !! و الميجان ماهي منتشرة رغم غلاء قطع غيارها !! مش معني ان موديل واحد فقط من العربية نزل بعيوب يبقي رينو دي تعبانه !! رينو شركة ممتازة و عربياتها مش محتاجة كلام يا جماعه و علي فكرة انا مش بحب رينو اوي و عمري ما همتلك عربية رينو بس الحق يقال !! رينو عربية محترمه !!

رد: هل الكلام السيئ اللي بنسمعه عن الميجان هيبقى موجود في الفلوينس؟؟

اقتباس:

المشاركة الأصلية كتبت بواسطة POP EL GAMED (المشاركة 148237)

نحترم الكلام بس طبعا بما انك معاك بى ام موديل 2002 يعنى العربيه تجميع مصرى
وطبعا معروف مشاكل البى ام فى الحساسات والالكترونيات اد ايه(عشان كده بتخسر فى اعاده البيع)
ده ميمنعش انها عربيه تحفه فنيه بكل المقاييس بس لو بتتكلم على مشاكل الفتيس وماشابه فأكيد الكلام ده موجود فى البى ام وخصوصا بعد ما بقت بتتجمع فى مصر
وياريت تقولنا ايه المشاكل اللى واجهت اخوك اللى راكب رينو وربنا يعينو
(وهنسيبنا خالص من كلمه قطع الغيار الغاليه دى مع انك راكب بى ام وقطع غيارها اغلى بكتييييييييييير)
ورأيك تمام معترضتش عليه ابدا انما تسفيه العربيات الرينو كلها وتحسسنى انها اسواء عربيات وربنا يسامحنا على الغلطه اللى عملناها فى نفسنا لما اشتريناها ده طبعا مش مقبول
ولو العربيه مش عاجبه حضرتك متدخلش القسم عشان متلاقيش حد بيقول كلام مش منطقى ومش معقول وبيقول ان عربيات رينو حلوه:HAPPY_~211:
وياريت فى الاخر متضايقش من كلامى بس حط نفسك مكان اى مالك لرينو واحكم هتضايق ولا لاء
وبرضه منتظر اعرف منك عربيه اخوك الرينو اللى مطلعه عينو وربنا يعينو عليها دى ايه:HAPPY_~211:

السلام عليكم
حبيت ارد عليك وهبتدى معاك من الاول
اولا عربيتى مش تجميع مصرى علشان كانت جمرك وخلصتها
بالنسبه لقطع الغيار الاتنين غاليين بس البى ام 100 واحد شغالين فيها واستيراد وجديد وفى بورسعيد ... لكن الرينو داخل التوكيل
وعلى فكرة قطع غيار البى ام مش غاليه زى ما انتى فاكر
دة رأى فى العربيه الميجان اللى خلتنى اكرة كل الرينو
ونصيحه ليك متخليش اى حد يكرهك او يبوظ فرحتك بعربيتك بس دى تجربه اخويا معاها وكانت زيرو
يعنى انا راكب بى ام وماشاء الله محافظ عليها ومريحانى وتمام
بس فى ناس عربيتهم تاعباهم ....... وانا مالى
احب اعرفك بنفسى
اسمى عمرو مهندس سيارات فى توكيل هوندا (التجمع)
وموضوع انى مدخلش القسم ومقولش رأى ...... لاتعليق
وزى لما قولتلك متخليش حد يبوظ فرحتك بعربيتك وربنا يديك خيرها

رد: هل الكلام السيئ اللي بنسمعه عن الميجان هيبقى موجود في الفلوينس؟؟

اقتباس:

المشاركة الأصلية كتبت بواسطة POP EL GAMED (المشاركة 148343)

عمرك ركبت رينو عشان تقول ان اللى معاه رينو بينام ويقوم فى التوكيلو
على الاقل مبيتقالش تغور من غبورptmnlo123per172

ههههههههههههههههههههههههه هههه

غبور ملك الطيور ومن غيره العربيات تغور متغلطش في عمو غبور ملك الجنوط المصري ههههههههههههههههههههه

رد: هل الكلام السيئ اللي بنسمعه عن الميجان هيبقى موجود في الفلوينس؟؟

يا جدعان بجد انتم حيرتوني اوي والله مبقتش عارف اعمل ايه خصوصاً ان فيه عربيات كتير و اختيارات كتير مع الفلونس زي السيراتو و اللينيا و الكروز بجد الواحد هيولع في نفسه