المشاركة الأصلية كتبت بواسطة joso3 (المشاركة 144109)

السلام عليكم ورحمة الله وبركاته

انا اول مره اشارك وعارف ان في مواضيع مفتوحه عن اللوجان بس انا عملت موضوع علشان عندي نقاط محدده اتمنى ان يكون لديكم رد عليها وحتى اتمكنمن متابعة ردودكم بسهوله وهي :-

1- هل تقبل السياره بنزين 80 (لا طبعا السيارة انجكشن و لا تقبل غير 92 وفقا لتعليمات رينو حتي تحافظ علي الموتور) و معلش فارق السعر هو نفسه فارق الكفائة و النقاوة بين 80 و 92 و استهلاك السيارة الـ 92 أقل بكثير من الـ80 و خصوصا ان الـ 80 كله شوائب و كثير جدا بيكون مخلوط بمياه
2- هل اعادة البيع سهله ام ان السيارات الرينو لا يوجد اقبال كبير عليها (اعادة البيع سيئة جدا و ده لان التوكيل غالي و انا هشرح لك الكلام ده تحت ولكن اعتقد انك مش بتشتري عربية زيرو و هتنوي تبيعها قبل 10 سنوات مثلا ،،و عموما كثرة الاقبال عليها و انتشارها في الشوارع سوف يحسن من تلك النقطة عن قريب باذن الله).
3-ماهي ميزانية الصيانه العادي شهريا . ( العربية وهيه لسه جديدة لا تحتاج اكثر من الصيانة الدورية وهيه زيت و فلتر كل 10000 كم و يوجيهات كل 20000 كم و تيل فرامل كل 25000 كم و السيور عند 60000 كم)
4- هل قطع سير الكاتينه يتسبب في مشاكل بالصبابات في الموتور.( طبعا و ده في كل انوع العربيات )
5-هل توجد مشاكل فنيه خاصه يعني مثلا السياره اللادا مشهوره بمشاكل العفشه وتغيير البيض .(انسي)
6- ماهو معدل استهلاك البنزبن في الصفيحه.( كل 6 لتر = 100 كم) يعني حوالي 330 - 350 كم في الصفيحة
باختصار انا يمكن ان ارصد ميزانيه شهريه للسياره للصيانات والبنزين 300جم هل اللوجان سياره اقتصاديه (موفرة في البنزين بالرغم من أن صاجها ناشف و ثقيلة علي الارض) ويمكن الاعتماد عليها (ثابته جدا جدا علي الطريق و أنا مجربها علي سرعة 180 كم و كانت زي الفل ) واذا لم تكن كذكلك فباي السيارات تنصحوني لاني امتلك اسره صغيره ونسافر مسافات تصل الى 100 كيلو اسبوعيا بخلاف مشوار الشغل اللي بيوصل ل40كيلو يوميا ويركب معي اهلي يعني احتاج سياره خدمه شاقه لاتزيد عن 60 الف جنيه (لوووجااااان ).

واذا ممكن اعرف رايكم في السياره السايبا برايد الايراني (حلوة أهي علي الاقل احسن من الصيني ، بس انت بتقارن رينو بماركة ايراني و مغمورة ؟؟؟؟ ،،، حرام عليك كفاية انك راكب رينو بكل ثقة ) وشاكر ليكم جدا واسف للاطاله فانا محتار جدا

اخوكم خالد

المشاركة الأصلية كتبت بواسطة hossamhussein0 (المشاركة 144607)

اسأل مجرب و لا تسئل طبيب

انا املك سيارة لوجان موديل 2009 روماني و يسعدني ان ارد علي استفساراتكم و يشرفني ايضا ان اقول رايي عن عيوبها و مميزاتها من وجهه نظري لعل ذلك يفيد الكثيرين

و أبدا باسم الله في الاجابة علي اسئلتك





أما عن رايي الشخصي فمميزاتهاptmnlo123per154

تكييف قوي جدا و مش بيحمل علي الموتور بشكل كبير
واسعة جدا جدا كصالون و شنطة.
اير باج
مرتفعة عن الارض و دي ميزة كبيرة جدا جدا و مش هتحس بيها زي اللي كان راكب عربيات واطية علي الارض قبل كده ( هوندا و لانوس و لانسر)
تكنولوجيا عالية جدا (كمبيوتر معلومات ديجيتال - ايرباج - راديو سي دس - تعديل مستوي النور الخارجي من التابلوه - مرايات ك و زجاج كهرباء )
الموتور هو نفس موتور ميجان 1 و هوه موتور قوي و مشهود له بالكفائة العالية
البودي ناشف و قوي ( روماني ) مثل اللادا و العربيات الجمدة دي
عفشة طرق وعرة في منتهي الجمال و بتخليك مرتاح جدا حتي مع الطرق المش متسفلته كويس ،، و تعطي ثبات للعربية غير عادي علي السرعات المختلفة (كنت باخذ غرز بيها علي سرعة 180 كم طريق مصر الاسكندرية الصحراوي)


العيوب :ptmnlo123per144
الباور ضعيف و فيه رعشة مع لف العجلات للاخر ( التوكيل معترف بذلك لعيب و يدعي أنه ارسل مذكرة لفرنسا بهذا الشأن)
عزل حرارة الموتور عن الكابينة غير جيد بالذات عند منطقة الدواسات
اسعار التوكيل مبالغ فيها (مراة الباب الكهرباء 1000 ج ) و ده هو السبب الحقيقي وراء موضوع سعر اعادة البيع و كمان إن الاقبال عليها لا يزال محدود نسبيا ( صيانة 20000 كم "زيت و فلتر و تيل امامي و بوجيهات في حدود 1300 ج) و صيانة ال60000 كم (سيور ) بـ 1750 ج و لكن ممكن ان الواحد يعمل الكلام ده بره التوكيل في حدود 500 ج لصيانة العشرين و 800 ج لصيانة الستين و عند مركز خدمة محترم برضه ولا الحوجه للتوكيلptmnlo123per111ptm nlo123per111
الطابع الفرنسي في التصميم قد يكون غير مستساغ لدي البعض مثلا ( العربية ليها مفتاحين واحد ريموت و الثاني عادي ) اذا ما استخدمت المفتاح العادي لفتح باب السائق فان السنتر لوك لا يستجيب و لا بد من تشغيل السنتر عن طريق زر خاص به في التابلوه و كذلك عدم وجود كنترول مجمع للاربعة نوافذ في باب السائق امر غير معتادين عليه ،،، الكلاكس في ذراع الانوار برضه شئ مش مالوف ،، و لفتح تنك البنزين لا بد عن طريق المفتاح بتاع العربية لانه مفيش امكانية لفتحه من الداخل



و عن نصيحة أخوية ،،، توكل علي الله وهات المغربي دي برخص التراب (عربيتي الروماني كانت بـ 75000 ج ) و التقفيل المغربي تستاهل اكثر من سعرها الحالي بكثير (عربية 1600 و جميع الكماليات و يكفي انها ماركة محترمة من شركة عريقة مثل رينو و بها اشياء كثيرة مش هتلقيها في المنافسين مثل كمبيوتر المعلومات و الاير باج و خلافه)
و ياريت متفكرش في المستعمل لأنه مهما كان هتلاقي فيه مصاريف ( المثل الانجليزي يقول أنا مش غني لشراء سيارة قديمة أنا فقير و لذلك هشتري سيارة جديدة)

الزيرو زيرو

كفاية ان فايهاش مسمار قديم و ربنا يحفظهالك و تحافظ عليها و ما تحتجش تمد ايدك فيها قبل 10 سنين

و ألف مبروك مقدماptmnlo123per122ptmnlo123p er122ptmnlo123per122

المشاركة الأصلية كتبت بواسطة ahmed helal (المشاركة 145373)

شكرا جدا لمجهودك واهتمامك
وكلامك لا غبار عليه طبعا
الا انه وللأسف لاتزال غالية بدون داعى وتوكيلها اغلى بشكل مسفز
كان نفسنا فى عربية تكون فعلا سعرها اقتصادى وكمان صيانتها الدورية علينا رخيصة عشان نفكر نشترى جديد
لكن الحادث انه لو اشتريت جديد برضه هتدفع كتير لو واحد ريح عليك فى مطلع كوبرى او عيل غبى اكل المراية بتاعتك
( 1000 جنيه المراية ) حراااااااااااااااام
جزاك الله خيرا