رد: ارخص قطع غيار - الصنى ولا الاوبترا ولا الالنترا
 

انا سقت العربيتين الالنترا والاوبترا ومعايا النترا لانى اقتنعت انها احسن قبل ماشترى لكن الصنى مسقتهاش بس شكلها قديم من يره ومن جوه بصراحه
الثبات جميل فى الالنترا لحد 180 ومتحسش انك على سرعه عاليه اطلاقا وفعلا محتاجه فرامل احسن من كده او abs , ebd esp
لكن فراملها مش بالفشل اللى بتقولوا عليه
الاوبترا جرايه برضه زى الالنترا بس اعتقد فيها فرامل احسن
لو مش فارق معاك الشكل او بتحب شكل الاوبترا اشتريها وبالتوفيق
لو حابب شكل الالنترا اشتريها ومش هاتندم ابدا وعن تجربه واستهلاك بنزين ممتاز

رد: ارخص قطع غيار - الصنى ولا الاوبترا ولا الالنترا
 

لو كنت مكانك لاخترت الالنترا سيارة مناسبة جدا وهادئة وقوية وتتمتع بشكل مقبول وبسمعة طيبة يمكن الشىء الوحيد الذى لا يمكن ان اقيمة هو المواد المستخدمة فى صنع داخل السيارة المقصورة لا تروق لى

رد: ارخص قطع غيار - الصنى ولا الاوبترا ولا الالنترا
 

nissan sunny for sure

رد: ارخص قطع غيار - الصنى ولا الاوبترا ولا الالنترا
 

يانهار اسود ومنيل ده اى مشكلة فى العربية ممكن تتعايش معاها ماعدا الميكانيكا والكهرباء والفرامل بدليل فى عربيات ماشية من سنة 60 وسنة 50 كمان لحد النهاردة
ياراجل ياطيب
هو الفرامل ده عيب قليل بتتكلم عليهباستخفاف كانه عيب ممكن التعايش معاه
ده انا عربيتى مطلع عين ابوها وهاينها ومستحملانى لكن الا الفرامل لو صفرت اطلع اجرى على الميكانيكى
وواضح انك ركبت النيسان بالكتير اوى اوى اوى مشوار نص ساعة
انا عندى الصنى 2008 يعنى مصرى بوصل بيها لحد 210 بدون احساس انى ماشى اصلا
اقول لك انا بقى عيوب النيسان لانها عاملة معايا 70 الف فى اقل من 11 شهر
اولا /صوت الموتور عالى نسبيا يعنى دى ميعرفهاش الااللى بيركب اللانسر او الالنترا لكن لو اول مرة يسيب عربية قديمة ويركب نيسان مش هياخد باله وصوت لموتور بيبتدى يبان بعد 130
ثانيا / العزل بتاعها يصل الى 85% مقدرش اقول 100% وده شىء مريحنى انا شخصيا وممكن ميريحش غيرى لكن انا بالنسبة لى لازم يبقى فى نسبة صوت سامعها من الشا رع علشان لو حد ادانى كلاكس اسمعه
ثالثا / التسارع بتاعها مش زى العربيات التانية يعنى بتوصل السرعة العالية ابطأ من السيارات التانية وده انا قلته لانى فاهم الفكر والعقلية المصرية واللى بسببها بتحصل سباقات كتير فى الشوارع (بيزعل بسلامته لما حد يسبقه وبيفضلو يجرو ورا بعض) وانا قريت هنا تعليقات عجيبة يعنى مرة واحد قال ان النيسان تسارعها بطىء لكن متقلقش موتور ها الجبار هيخليك تلحق كل اللى سبقوك / طب وهو احنا فى سباق ؟؟؟؟؟؟؟؟؟؟؟؟؟؟؟؟؟
رابعا / الوكيل بتاعها من أسوأ الوكلاء اللى تتعامل معاهم وان كنت سمعت ( خلى بالك من سمعت لان شعبنا غالبا ماينسج قصص وحكايات عن مجرد كلمة سمعت ) ان مفيش وكيل تقدر تقول عليه بيحترم عميله الا وكيل تويوتا وانا شخصيا مبروحش للوكيل لان نظام العربية دى غريب شوية انت مش بتعمل صيانة عند الوكيل وانما عند مراكز معتمدة من الوكيل
خامسا اى شى لانه من صنع البشر لازم يكون له مميزات وعيوب ده شىء طبيعى جدا
سادسا / مسألة التقفيل بس علشان اخواننا اتكلمو فيها برضه بدون علم ( عادة مصرية صميمة) انا شفت بعينى الخواجة اليابانى ممكن يكون رئيس عمال هناك لكنه جاى يفتش على مراكز الصيانة ولما سالت واحد من مهندسين الصيانة قال ده بييجى مرة كل شهرين او تلاتة على حسب الظروف يتابع المصنع ومراكز الصيانة هيبقى التقفيل وحش ازاى واليابانيين بيتابعوه
سابعا / تكييف النيسان مش تلاجة اوى لكن ميأثرش معايا لانى اصلا مبحبش التكييف لكن ممكن يكون عربيات تانية افضل وبالتالى ده ممكن يبقى عيب عند ناس وناس تانية لا والله اعلم
المميزات
اولا / صالون واسع ويكفى ان تعلم ان طول السيارة 461 او 471 مش فاكر لكن انا كنت رايح اجيب لانسر ونظرا لانى عايز عربية طويلة علشان تشيل بضاعتى (خلى بالك من كلمة بضاعتى) فاخدت واحد صاحبى طويل معايا وبنجرب اللانسر فقعد ورايا بسئله مرتاح لا مخنوق ومن قدر ربنا كانت النيسان واقفة جنبها فنزلت من اللا نسر وركبتها وكررنا التجربة بسئله ايه رايك قال هنا اريح شوية واحنا شارعنا مليان عربيات ومش بنلاقى مكان نركن وكنت احيانا اجى اركن الاقى المكان مش مكفينى وييجى واحد جارى معاه لانسر كان بيركن و ده معناه ان النيسان اطول
ثانيا / اقوى موتور 1600 فى السوق على حد علمى المتواضع ولايعلوه الاموتور السيراتو موتور النيسان بيطلع 118 حصان وموتور السيراتو 123
ثالثا / الفرامل بقى اللى انتى بتقول ان عيب الالنترا الوحيد هو الفرامل ( دى مصيبة) الفرامل = حياة بنى ادم او على الاقل = انقاذ العربية نفسها من الدمار لاقدر الله
فرامل النيسان كنت فاكرها a b s لانها كانت بتكلبش فى الارض وتمنع العربية من الحركة تماما لحد م قالولى فى التوكيل انها عادية ونظر لانى بجرى سرعات عالية فأهم شىء عندى الفرامل وفعلا بصراحة فراملها قوية
رابعا / قطع غيار النيسان فى التوكيل زى اى توكيل غاليه جدااا لكن بره التوكيل زى اللانسر تقريبا بس بصراحة التوكيل انضف واحسن يعنى انا جبت تيل فرامل ادام ماليزى ب 60 جنيه هو فى التوكيل بحوالى 300 وشوية بس للحق مش عاجبنى وجبت تيل يابانى ب 120 جنيه وبرضه مش مريحنى لانى حاسس الفرق
خامسا / و دى كتير من الناس ميعرفوهاش ان العربية دى فيها نظام تعليق متطور بحيث فى المنحنيات الصعبة يقدر يحافظ على ثبات العربية فعند اى منحنى صعب ان كنت بتلف شمال مثلا فالجنب اليمين من العربية بيطلع لفوق علشان يخلى العربية على زاوية 90 درجة مع الطريق وبالتالى يثبت العربية والعكس صحيح
سادسا / طيب ايه قيمة الموتور الضخم يعنى هتفرق فيه 110 حصان من 118 من 90 ؟؟؟
انا جربت ده لما كنت بحط فيها اوزان تقيلة ومع ذلك كانت بتوصل حتى سرعة180
لما ركبت غاز فوجئت انها رغم الغاز لكن سرعتها ممكن توصل 170
ده رايى كراجل تقريبا معظم اليوم جوه العربية
اما العربيتين التانيين مجرتهومش ومعرفهومش

رد: ارخص قطع غيار - الصنى ولا الاوبترا ولا الالنترا
 

الراجل يقصد الميكانيكى انه ملوش مصلحة يكذب وميقصدكش انت

وبعدين مش عيب ياراجل تبقى مهندس سيارات اد الدنيا وتقول ان دى عيبها الوحيد الفرامل كان الفرامل دى من كماليات العربية
وبعدين هريتنا زمالك كفاية بقى اومال لو اخدتو الدورى هتعمل فينا ايه ههههههههههههه اضحك ياعم