المشاركة الأصلية كتبت بواسطة ringoo (المشاركة 126054)

اولا مفيش لوجان اوتو وموضوع حتتعب من المانيول دى حاجة ترجعلك انت انا معرفش بصراحة لان انا متعود على طول اسوق مانيول
فى عربية جديدة نازلة اسمها بروتون ساجا نازل منها اوتو وسعرها حلو
روح اتفرج عليها واسأل عليها كويس ولو مناسبة ليك توكل على الله بس انا معرفش عنها حاجة ولا عن جودتها ولا اعتماديتها
استخير ربنا .. وان شاء الله ربنا يوفقك للاختيار الامثل
..

المشاركة الأصلية كتبت بواسطة titoboy_tito (المشاركة 126056)

المشاركة الأصلية كتبت بواسطة solidsnake (المشاركة 126074)

الف شكر بصراحة
العفو يا فندم
انا عاف ان مفيش لوجان اوتو , انا بس اقصد مش متعبة يعنى ,, لانى فكرت فى الفيرنا و ركبتها شوية , بس الطول خلانى كل شوية افرد رجلى اليمين علشان انقل , بينى و بينك قلقت من الموصوع ده اصلا زائد حكاية الاوتو
الفيرنا من العربيات الاعتمادية بسبب انتشار قطع غيارها الرخيصة .. لكن بكل امانة فى نقطة الراحة
انا ابصم بالعشر صوابع ان الفيرنا من اكثر السيارات الحديثة متعبة فى سواقتها ومتعبة فى قاعدتها حتى فى الكنبة الخلفية ... اللوجان تتفوق بمراحل على الفيرنا فى موضوع الراحة داخل المقصورة لا بجد فى فرق بين العربيتين ... وان سوقت الاتنين فترات طويلة
......................... ..................
موضوع الاوتوماتك دة انت لازم تركز كويس فيه عشان ماتجبش عربية مش مقتنع بيها
لازم تعرف الاول انت عايز ايه بالظبط من العربية عشان مترجعش وتندم وتظلم العربية
وتقول عليها وحشة ومتعبة .. وفى حلول تانية زى المستعمل
بالنسبة للساجا من بره جميلة ,,, و من جوه اعوذ بالله ,, انا بس مسكت جنب ون الكرسى كده و ضغطت بايدى ( من غير قصد ) الكرسى خامته وحشة اوى , ده قفلنى من العربية خالص و بالاخص لما شوفت اللوجان
انا لحد دلوقتى لسة ماشوفتش الساجا على الحقيقة ماقرتش غير بعض التقارير الاجنبية المقلقة عن العربية .. لكن فى نفس الوقت انت عارف الناس الاوروبين مش بيعجبهم العجب ... لكن احنا غلابة وبنرضى بقليله

المشاركة الأصلية كتبت بواسطة ringoo (المشاركة 126083)

نصيحتى ليك انك تحاول تشوف انت عايز تجيب اوتو ولا مانيول وبكام وهل فكرة المستعمل موجودة فى الحسبان ولا لأ عشان نحاوول نوصل لافضل اختيار ليك
ولو عايز تستفسر عن اى حاجة فى اللوجان انا تحت امرك

المشاركة الأصلية كتبت بواسطة solidsnake (المشاركة 126238)

انا مش عارف اقولك ايه بصراحة تعبك معايا
يا باشا مفيش تعب ولا حاجة انا تحت مرك
اخيرا حد اتفق معايا على الفيرنا متعبة
مسألة الراحة داخل العربية دى مسألة نسبية بتختلف من شخص للتانى .. لكن فعلا الفيرنا من عيوبها من وجه نظرى انها متعبة وكراسيها ناشفة
لكن الفيرنا ليها مميزاتها الاخرى اللى ممكن تخلى واحد تانى يفضلها عن اللوجان .. بدون الدخول فى تفاصيل
انا فكرت كتيييييير فى المستعمل بس اللى اقدر عليه مستعمل فى حدود ال 45000 و ال 50000 و هيكون تقسيط كمان
علشان الاقى فى الحاجات دى اوتوماتيك وموديل كويس مايتعبش فى صيانته , عملية صعبة اوى
مفيش غير من ال 60000 وانت طالع ,,,طب ما انا اجيب زيرو احسن بقى , ومانيوال ولا لا دى بقى ممارسة و تعليم ( انا اصلا محتار لانى جربت المانيوال فترة بتاعة شهر كدة بعد ما كنت سايق اوتو فالعمليه صعبة عليا شوية لسة ) بس ان شاء الله ربنا يسهل فى اللوجان خاصة ان ممكن اجيبها من غير مشكلة الضامن فى التقسيط دى
اى واحد بيسوق اوتو لما يجى يسوق منيوال حيتخنق ... سواقة الاوتو مريحة جدا طبعا بس هى بتفرق بقى من شخص لاخر وهو متعود على ايه
شوف لو حتعرف تتاقلم مع المنيوال .. كل شوية نقل الغيارات . . وكل شوية تدوس دبرياج .. انا حبدأ انصحك باللوجان فى الفئة السعرية دى
لكن لو مش حتتأقلم يبقى حاجة مستعملة اوتو حتكون افضل ليك بمنتهى الصراحة
الف شكر بصراحة و معلش انا رغاى حبتين
لا انا بقى رغاى اكتر منك