مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   منتدى السيارات العام (https://www.masrmotors.com/vb/forumdisplay.php?f=2)
-   -   الحل للعربيات اللي مطلوب ليها بنزين 95 فما أعلى (https://www.masrmotors.com/vb/showthread.php?t=18424)

SAbuhashem 11-01-2010 11:40 PM

رد: الحل للعربيات اللي مطلوب ليها بنزين 95 فما أعلى
 
اقتباس:

المشاركة الأصلية كتبت بواسطة horas3000 (المشاركة 121292)
موضوع مفيد جدا و جديد بصراحة
تسلم ايدك عليه
طيب هو مفيش اي ضرر علي العربية من الشغلانة دي
و هل ده ممكن يخرج العربية من الضمان مثلا
و ليه التوكيلات متعملش كده من الاول

و احتياطيا و عشان نشبع فضولنا ممكن الكلام ده يتعمل عشان العربية تشتغل علي بنزين 90 كمان او لا

و شكرا



مفيش أي ضرر على العربية نهائي بالعكس ده مفيد
ومبيخرجش العربية من الضمان لانه ببساطة مابيتعرفش في التوكيل ومبيظهرش على السكانر نهائي

بعض التوكيلات بدأت الفكرة في الفتيس زي رينو في ميجان و تويوتا في كورولا الجديدة

لكن خرائط الموتور صعب إللا بأمر من المصنع اللي محكوم بقوانين انبعاثات بيئية معينة لذلك بيفضلوا استخدام أنضف بنزين للوصول لباور معيَّن باستهلاك معيَّن

مش هقولك مينفعش بنزين 90 لأ ينفع لكن ماينصحش بيه لانه ببساطة مش بنزين 90
إذا كان ال 95 في مصر =89 وكسور وال 92= 87 وكسور فما بالك بال 90

عموما أنا مجرب الموضوع وغيري مجربه

أنا عربيتي نازلة من المصنع بنزين 98 أو 100 طبعا كانت هتبوظ لو حطيت 95 مش 92 علشان فيها تربوا وضغط عالي

في امريكا بيتعملها مابينج على بنزين 91 لان في امريكا مفيش إلا 91 و 93 بس أنا هنا عملتلها على 95 خريطة وهعملها لسة على 92 خريطة في القريب ان شاء الله

واحدة للسباقات وواحدة للمشي العادي وهبدل بينهم من على اللابتوب على حسب ضغط التربو وده موضوع تاني كبير

bmw7 12-01-2010 01:54 AM

رد: الحل للعربيات اللي مطلوب ليها بنزين 95 فما أعلى
 
الموضوع جميل جدا خاصة انى كنت مرة راكب عربية لانسر 1600 سى سى وكان صاحبها بيحطلها 92 وانا حطييت 90 وفعلا الموتور بدا يسقف وكدة صاحبها زعل اوى بس كدة انا فعلا استفدت من الموضوع عرفت هو ليه كان زعلان اوىىىى كدة

tigernet 13-01-2010 12:56 AM

رد: الحل للعربيات اللي مطلوب ليها بنزين 95 فما أعلى
 
شكرا ياباشا
موضوع هايك

hazem_khidr 13-01-2010 04:55 PM

رد: الحل للعربيات اللي مطلوب ليها بنزين 95 فما أعلى
 
شكرا يا باشمهندس علي الموضوع الرائع:)
ان شاء الله لما اجيب البرافو اجيلك تعمل ليا الحكايه دي
السنه الجايه بأذن الله

djdragon 22-01-2010 04:05 AM

رد: الحل للعربيات اللي مطلوب ليها بنزين 95 فما أعلى
 
شكرا يا غالى موضوع جميل بجد معلومات مفيدة جدا جدا ربنا يخليك يا جميل


محمد سامى


الساعة الآن 03:06 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017