|
رد: تابلوه اسبيرانزا بيسيح من الشمس
اقتباس:
هو حضرتك بتتكلم عن أى عربية إلل الأكرة بتاعتها بتتكسر فى الإيد ؟ و هل الكلام ده حصل معاك ؟؟ و طبعا رأيك بخصوص العربيات الأوربى و اليابانى زى رأى ناس كتير مفيهوش أى مشاكل لكن للى يقدر يدفع تمنهم. |
رد: تابلوه اسبيرانزا بيسيح من الشمس
مش كل الصينى زى بعضه و كمان تلاقيك شديت الأكره جامد شويه
و كمان كله بفلوسه يعنى اللى بيشتري صينى عشان رخيصة و بيضحى باحتمالية حدوث عيب بها او يريح دماغه و يشترى المانى ولا يابانى بس هيدفع اكثر بس لو معايا فلوس كتير يا سيدى اكيد هشترى BMW بس كل واحد و مزاجه و فلوسه برده و محدش قال مثلا ان لو معاك صينى ممكن تنزل من البيت فى يوم تلاقى العربية كلها بقت صفيحة و عليها شوية بلاستيك بس العيوب اللى فيها اذا ظهرت تتصلح و بسعر رخيص بس موتورها كويس و ده الأهم بس كل واحد بفلوسه و مين يفدر يضحى بظهور مشاكل بسيطه ....وبس |
رد: تابلوه اسبيرانزا بيسيح من الشمس
الكلام ده ليس له أي أساس من الصحة العربية زي الفل مع خالي بقالها سنتين وبتركن في الشمس لما بتتهري في عز الحر ولا عمر التابلوه حصله حاجة كلها محض شائعات
|
رد: تابلوه اسبيرانزا بيسيح من الشمس
اسمحولى يا رجاله اقول حاجه بس
بالنسبه لموضوع التابلوه ده فالعربيه مع انتيمى وركبتها كتير التابلوه من ساعه ما جابها زى ما هو مفيش لا تغيير فى اللون ولا تقشير ولا ساح ولا اى حاجه وبيركنها كتير فى الشمس برضه وهو مش من النوع اللى بيغطى العربيه وممكن يسيبها فى مكانها باليوم واليومين (سواء شمس او ظل)يعنى موضوع ان التابلوه بيسيح ده وهم انما بصراحه موضوع الاكره ده حقيقى فى عربيه صاحبى الاكره الداخليه اتكسرت فعلا وانا عن نفسى شايف انه عادى الاكره تتكسر هى كده كده بلاستيك مش قوى وغير كده دى اكره مش تابلوه يعنى انما نفترى ونقول التابلوه بيسيح وبيتشقلب والكلام ده لا |
رد: تابلوه اسبيرانزا بيسيح من الشمس
أعتقد ان الكلام الاخوه الى قالوه وافى وبعدين ايه يعنى الاكره تنكسر ما اى عربيه ممكن الاكره بتاعتها تنكسر اسف اذا طولت ومع احترامى للجميع
|
| الساعة الآن 09:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017