مصر موتورز مجتمع السيارات - يوم البانيميرا (جولة في معارض السيارات في الكويت)

و اكمل لكم يا شباب كمان شوية من الجولة التفقدية

بعد ما انطلقنا من معرض الميتسوبيشى و انا معجب بالاوتلاندر و اللانسر ال اى اكس و طبعا الايفوليوشن :) انطلقنا الى وحش يابانى آخر و هو سوبارو و شفنا الليجاسى الجديدة و هى عربية محترمة جدا و تحس فيها احساس العربيات الالمانى ..مش عارف ليه بصراحة .. بس انا بحترم اى عربية دفع رباعى مستمر و خصوصا لو كانت على سيدان و اهم حاجة عندى فى العربية هو الثبات و اعتقد ان هى دى وحش الثبات و كانو حاطين منها نسخة معدلة .. حاطين فيها تيربو و طبعا مديينا الطابع الرياضى من الداخل و الخارج و هى دى اكتر عربية عجبتنى عندهم

http://www.autospies.com/images/user..._euro-spec.jpg

http://autoworld.files.wordpress.com...cial-img_8.jpg

بعد كدة شفنا الامبريزا السيدان و انا بصراحة كنت اول مرة اشوفها .. كنت فاكر ان هما فى الشكل الجديد منزلين هاتشباك بس و طبعا برده هى من العربيات اللى بتثير اعجابى و بعد كدة شفنا الامبيريزا sti WRX اللى هى قرينة اللانسر الايفو و للاسف كانت مقفولة برده .. و كان فيه شوية عربيات سوبارو تانية لم تلفت انتباهى و كام عربية كدة رينو لم يلفتو انتباهى برده .....

http://www.autofans.us/images/2007%2...%20STi%203.jpg

http://image.motortrend.com/f/107193...arter_view.jpg

و انتهينا من معرض سوبارو و انطلقنا الى معرض الوحش اليابانى الثالث تويوتا
و انتبانى نفس شعور الاستاذ شريف و هو مع احترامى (التوحيد و النور) من زحمة الناس و قلة تنوع العربيات المعروضة انا بس بصيت بصة سريعة على السيكويا (الاتوبيس النهرى الخاص بتيوتا) واللاند كروزر (وحش التيوتا) و ال ف جى كروزر (افتكاسة التويوتا) و غير كدة بقى طبعا الكامرى و الافالون و الاوريون و الكرولا و الياريس ... حاطين من كل عربية من دول ييجى 5 او 6 جنب بعض .. نفس المواصفات طيب ليه يعنى ؟؟؟؟ علشان زحمة الناس ... المهم طلعنا من معرض تويوتا من غير ما نهتم بتفاصيل اى عربية موجودة لأنها ببساطة معروفة و دول كام صورة للعربيات اللى بصيت عليهم

http://onlocation.consumerreports.or...-Sequoia-f.jpg

http://toyotasequoia.net/wp-content/...ior1773429.jpg

http://www.speedsportlife.com/photop..._cruiser51.jpg

http://image.motortrend.com/f/925050...erior_view.jpg

http://www.roadfly.com/new-cars/wp-c...nd-cruiser.jpg

http://photocarsonline.com/images/20...uiser-2008.jpg

و انطلقنا بعد ذلك الى جنرال موتورز شيفروليت و كاديلاك و اتفرجنا على الشيفروليت الترافيرس الجديدة قرينة الجيمس الاكاديا و بصراحة عجبتنى اكتر من الاكاديا لأن خاماتها احسن و العربية اوسع و اريح بس للأسف طلعت كلها جر امامى الا اعلى فئة فيها اللى هى الفل اوبشن ممكن تجى دفع رباعى حسب الطلب ... انا قلت استنى عليها شوية لما تنتشر فى السوق و نشوفها هتعمل ايه
و دى صورها

http://www.autoaluminum.org/static/s...20Traverse.jpg

http://www.2009-chevrolet-traverse.c...Dashiboard.jpg

وبعد كدة بصيت بصة على الكابريس الجديدة (الشكل اللى بعد عربيتى الحالية ) و قعدت فيها و مددت رجليا الاتنين ووريت شريف باشا الوسع اللى بجد :)

http://www.carthusiast.com/media/200...vy-caprice.jpg

و بعد كدة انطلقنا الى صاروخ شيفروليه الكامارو بشكلها المرعب و العربية دى بجد لما قعدت فيها .. مش زى اى عربية تانية اولا انت قاعد على الارض تقريبا و فارد رجليك ثانيا كل حاجة جوة العربية بتقولك انطلق بأقصى سرعة ... بس لو واحد قصير شوية مش هتنفع معاه خالص العربية دى :) مش هيشوف حاجة من برة و عجبتنى جدا بصراحة , و اضعف متور فيها 300 حصان :)

http://www.chevroletcamaro.info/images/camaro7.jpg

http://z.about.com/d/cars/1/0/W/N/1/...o_interior.jpg

بعد كدة انطلقنا الى الكاديلاك و اول واحدة شفناها كانت الاسكاليد ... هى نفسها اليوكن و التاهو بس على انظف شوية و شوية اوبشنز زيادة

http://news-images.caradisiac.com/IM...-Edition-2.jpg

وبعد كدة شفنا وحش الكاديلاك CTS-V اللى كاديلاك بتتحدى بيها كل عربيات السيدان فى فئتها انها تطلع منها ... حاجة كدة خيال ... هى عموما كاديلاك احسن حاجة فيها موديلاتها اللى اشكالها مبتكرة جدا و عربياتها ذات المواتير القوية و يعيبها مشكلة كل الامريكانى ... قلة جودة الخامات للأسف (مش زى ماهو متوقع من كاديلاك ) و دى صور الوحش

http://top-10-list.org/wp-content/up...cts-v-2009.jpg

http://z.about.com/d/cars/1/0/p/A/1/...v_interior.jpg

و بكدة انتهت جولتنا فى جنرال موتورز و توجهنا الى معارض الوحش الكورى كيا و شفنا فيها عربيات كتير جدا الاستاذ شريف ذكرها و ابرزها طبعا السيراتو معشوقة الشعب المصرى .., و خلى بالكو نازلكو من الكويت عربيات كتيييير قوى منها قريبا ... و عجبتنى جدا السول ... عربية بجد مؤدية للغرض اللى هى نازلة ليه باقتدار .. و اتضايقت جدا من الموهافى ... عربية كدة ماتفهمهاش و مش منافسة خالص ... اكتر عربية اثارت اعجابى بقى هى الاوبيروس بجد فخمة جدا و واسعة و مريحة و فاقت توقعاتى بصراحة و انا فكر اعلاناتها اول ما نزلوها (ترعب شبيهتها الاغلى سعرا ) قصدهم المرسيدس العيون او الجاجوار ال اس و هى بصراحة حلوة و مريحة جدا خصوصا للراكب فى الكنبة الخلفية (مقاعد كبيرة ووثيرة ) أما السائق فالاهتمام به فى هذه السيارة ليس بنفس المستوى

و دى صورتها

http://upload.wikimedia.org/wikipedi...orfacelift.JPG

http://www.havanacarhire.com/images/...opirus-int.jpg

و بهذا انتهت الجولة التى استغرقت حوالى 3 ساعات فى معارض الكويت و رجعنا خدنا عربية شريف باشا من قدام توكيل بورش و القينا نظرة اخيرة على البناميرا :) ثم انطلقنا الى منازلنا و انتظرونا قريبا فى تغطية معرض الكويت الدولى للسيارات ...