مصر موتورز مجتمع السيارات - مشكلة ماحدش لاقيلها حل فى رينو ميجان 2005

اقتباس:

المشاركة الأصلية كتبت بواسطة blooodydemon (المشاركة 1026730)

السلام عليكم ورحمة الله وبركاته
هادخل فى المشكلة علطول بس نفسى الاقيلها حل عشان قربت اتجنن
انا اشتريت رينو ميجان 2005 من حوالى شهر وماكنش فيها حاجة المهم مرة واحده لاقيت العربية بتقطع معايا وانا ماشى سواء بطئ او سريع تحس انها بتمسك وتفك ورا بعض طول المشوار العربية فى بداية الدوارة مافهاش اى مشكلة ويتمشى عادى حوالى 3 او 4 كيلو بعد كده تقطع طول المشوار وانا واقف اخلى حد يدوس بنزين واحط ايدى قريب من الشكمان الاقى الدخان طالع بيقطع وضعيف روحت للميكانيكى حطها على الجهاز قالى حساس شكمان جبتلها 2 حساس شكمان واحد upstream والتانى اللى ملوش لزمة downstream ومشيت بالعربية عادى حوالى اسبوعين بعد كده رجعت تانى بنحطها على الجهاز بردو قارى حساس شكمان المهم بنبص على قرايات حساس الشكمان ال upstream مع دوسة البنزين مش بيتحرك الفولت بتاعه ثابت على 0.4 فولت والdownstream بيتحرك مع دوسة البنزين طالع نازل الفولت بتاعه قولنا نبدل بينهم وبدلنا لاقينا نفى القرايات ال up ثابت بردو وال down طالع نازل يبقى كده مافيش حاجة فى حساسين الشكمان قولنا يمكن فى حاجات ماثرة على قرايته قولنا نشوف علبة البيئة لاقيناها فاضية ومش مسدوده والشكمان بردو بيقطع والعادم ضعيف حتى بردو من عند علبة البيئه كان بيقطع لحمنا علبة البيئة وقولنا نشوف طرومبة البنزين حطينا واحدة جديده بردو العربية بتقطع وسحبها ضعيف وبتاكل بنزين كتير غيرنا الكويلات بردو نفس المشكلة بصينا على البوجيهات لاقيناها سليمة بصينا على فلتر الهوا وفلتر البنزين مافيش فيهم مشاكل بصينا على سير الكاتينه طلع مظبوط نضفنا الرشاشات بردو المشكلة لسه موجوده حطيت الماده اللى بتتحط مع البنزين بردو نفس المشكلة وقولنا نفصل حساس الشكمان من الفيشه برده العربية بتقطع وانا ماشى ارجو الافادة بسرعة لانى كنت حابب العربية من زمان وكان نفسى اجيبها واول ماجبتها كرهتها بسبب اول مشكلة اهى ومش عارفلها حل وكل ميكانيكى بيجرب ومش عارفلها حل هوا كمان
ملحوظة فى كهربائى رينو مشهور فى صقر اسمه الشيخ محمد قالى ده عيب فى الكنترول كمبيوتر العربية هل ده صحيح يارجالة ولا لو فى مشكلة فى الكمبيوتر مش هيقوم العربية خالص
معلش طولت عليكما بس نفسى الاقى حل للمشكلة دى

,,,,,,,,,,dephaser pulley megane,,,,,,
هل من ضمن الكشوفات والفحوصات كشفت على ترس الديفايسر بتاع الكامة لاءنه خبيث ؟!
:140109~347:

ممكن يكون فى بداية بوظانه وبيخلى الكامة شبه خالفة تقسيمة على خفيف ويجعل الكومبيوتر يظن انه سنسور اكسوجين

هو اللى بيأثر على عزم الموتور من غيارات او سحب ( الكيك داون ) لانه بيرفع عزم الموتور من 110 الى 125 حصان

وكمان بيأثر فى درجه استجابه العربيه للسرعات المفاجأه
و كمان بيخلى العربية تاكل بنزين او تكركر مدة 20 دقيقة فى التدوير صباحا
جديد حوالي ب1600 جنيه

ممكن يتصلح عند اى مركز صيانه للرينو ب300 جنيه
موجود بره التوكيل بحوالى 1200جنيه و بيأثر على سحب العربية و موديل 2005 كان نازل بعيب فى الترس ده و لكن تم تعديله فى الموديلات بعد كده علشان مش مفروض انه يتغير فى الصيانات الدورية و هو مسئول عن توقيت فتح الصبابات فبيأثر على سحب العربية
:140109~347:
كل اللى اعرفه انهم بيحشوه
وفيه ناس كتير شغاله فى الرينو بتحشيه عادى وبيرجع يشتغل تانى كويس تقريبا بيقنطروا السوست بتاعته ولو فيه تيل متاكل زى اسطوانة الدبرياج بيملوه تانى
هو ترس راكب على الكامه وبيشتغل بضغط الزيت وفى البلاد الاوربيه بيتغير على 90 الف كيلو اما فى مصر على ال60 نظرا لاختلاف انواع الزيوت والبنزين ودرجات الحرارة وانت عارف الباقى
:286:SLAM:140109~347: