رد: استفتاءات و استطلاع اراء ... ادخل و قول رأيك بصراحه
 

انا فاهم يا برو
بس معترض علي التصنيف من حيث عربيه هاتش باك كوري و سيدان كوري
انا بحب اقسم العربيات الي فئات
ميني و صغيره و صغيره اي متوسطه و متوسطه و كتوسطه الي كبيره و كبيره و مترف الخ الخ
و دا مش تصنيفي انا
دا تصنيف المتبع في العالم كله
فعاوزين نرتب الموضوع دا فعلا و نقسم العربيات من حيث الفئات و الاسعار
و دا حياخد مجهود شويه و ممكن نساعد بعض فيه

اما بالنسبه لكون انك تبقي مشرف
اهم حاجه لازم تبقي علي خلق و دا بالتأكيد متوفر منك و كلنا لمسناه
في الفتره القليله اللي انت قضتها معانا
و كمان لازم تحضر المقابلات و تتعرف علي الاعضاء شخصيا لان دي من اهم صفات المشرف
انه يكون معروف علي الحقيقه مش مجرد اسم علي المنتدي
تعالي المقابلات و اندمج معانا و اول دوره اشرافيه رشح نفسك فيها
و حب الاعضاء ليك هو اللي حيوصلك تبقي مشرف ان شاءالله:)

رد: استفتاءات و استطلاع اراء ... ادخل و قول رأيك بصراحه
 

الله يخليك يا حازم ده من ذوقك و الله
و التصنيف ده تصنيف من دماغي و انا عارف انه تصنيف منقوص بس هي دي الفئات اللي انا بحب اعرف الناس بيحبوا فيها ايه ( الفئات دي هي الفئات المنتشره عندنا في مصر )

بالنسبه لموضوع المقابلات
هيبقي صعب شويه عشان انا من بورسعيد مش من القاهره بس اول ما هنوي انزل القاهره هقولك علي طول وقابليها بمده كبيره عشان نظبط الموضوع ده و كمان يبقي ليا الشرف عشان اقابلك انت و ابو نورا و ابو يمني و ناس تانيه كتير و ميرسي مره تانيه