مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - شكر وتقدير (https://www.masrmotors.com/vb/showthread.php?t=13989)

رد: شكر وتقدير

اقتباس:

المشاركة الأصلية كتبت بواسطة tamer_or (المشاركة 84021)

اشكركم جميعاً على مروركم الكريم وتحية لتلك الروح الطيبة لكافة الأعضاء , اما بخصوص العربية فهى موديل 97 اللون أسود الحالة العامة جيده فابريكة من الداخل والموتور تم تغيير جوان وش سلندر له منذ عام والأساسيات الحمدلله سليمة وأداءها عموما قوى برغم إحساسى انها بتسخن قليلا بسبب أرتفاع عدد لفات المحرك ( أر بى أم ) بس هاضبطه وبالمناسبة يا بوب ما هو أفضل قراءة لعدد اللفات فى مرحلة الثبات وعلى السرعات المختلفة ؟
تحياتى وتقديرى

مبروك يا باشا العربيه كمان لونها اسود يعنى اخت عربيتى ptmnlo123per189
باشا هو الطبيعى بتاعها فى السلانسيه من 700 ل 900 هتلاقيها تحت ال10
وبالنسبه للسواقه النقل تحت ال3000 وفوق ال2000 ده للسواقه العاديه
للسواقه الرياضيه والشد يبقى النقل فوق ال3000 فى رينج ال4500 كده هيكون سحبها عالى وممكن توصل لل5500 عشان تطلع اعلى قوه للموتور بس ده انا مبنصحش بيه عشان تحافظ على الموتور خلى اعلى نقله عليك على 5000 ومتزودش عن كده ومالها السخونيه بتعمل ايه يعنى؟ وهى ماشيه ولا وهى واقفه ولا وهى بتشد؟؟؟؟؟

رد: شكر وتقدير

الله يبارك فيك يا بوب العزيز
مؤشر الحرارة عند المنتصف او أعلى قليلاً يكاد يقترب من علامة الترمومتر وذلك عند القيادة العادية بس بيثبت على الوضع ده ومبيحصلش زيادة فى الحرارة عن كده .
عايز منك نصيحة باحسن ميكانيكى يكون فاهم مش بيفتى وأحسن عفشجى وبالمرة كهربائى ممكن أتعامل معاهم وانا مطمن معلهش يا بوب بتقل عليك فى المطالب .
مع كل الحب والتقدير

رد: شكر وتقدير

اقتباس:

المشاركة الأصلية كتبت بواسطة tamer_or (المشاركة 84448)

ده عادى يا باشا الحراره عند النص مثلا ده عادى وحضرتك هتلاقيها ثابته لان المروحه بتشتغل بالترموستات بتاع العربيه الحراره تعلى المروحه تشتغل الحراره تهدى المروحه تبطل وهكذا
وبالنسبه للصنايعيه يا باشا موجود كل اللى تحتاجه بس عرفنى انت ساكن فين عشان اقدر اقولك على اقرب ناس ليك تحياتى يا باشاptmnlo123per122

رد: شكر وتقدير

انا ساكن فى مدينة نصر لدرجة انى مش لاقى حتى محلات قطع غيار قريبة منى , وبالمناسبة بالنسبة للفوانيس الأمامية والخلفية ممكن ألاقى وش الفانوس بس ولا لازم أجيب فانوس كامل
تحياتى

رد: شكر وتقدير

اقتباس:

المشاركة الأصلية كتبت بواسطة tamer_or (المشاركة 84471)

باشا بالطريقه دى اقرب ميكانيكى ثقه هيكون فى شبرا وجنبه بتاع العفشه برضه(شبرا مصر مش الخيمه)وجنبهم كهربائى برضه
وفيه ناس عندنا فى الجيزه هنا(انا من فيصل)
وبالنسبه لقطع الغيار فيه ناس كتير بس انا بتعمال مع واحد فى المهندسين
وبالنسبه للفوانيس فيه وش فانوس امامى وانا غيرته انما الخلفى بصراحه مسألتش عليه حضرتك ممكن تضيفنى على الماسنجر وتستفسر عن اى حاجه محتاجها
تحياتى ليك يا باشاptmnlo123per122