رد: جهاز انذار متطور عموله و رائع لحماية سيارتك من السرقه
 

اولا الطريقه السوقيه فى الرد على المواضيع دى ..ما هى الا اسلوب وضيع ،، ثانيا واضح جدا عليكم انكم عباره عن صنيعيه و عاجبنى اوى كلمة موبينه و كونتاك ..هههههه

و الأخ اللى عامل موضوع جهاز انذار و مسميه حمايه و داخل يكتب و يقول شغل فاشل ... يا سيد انت اللى فاشل وليه طلبت تشوف صورة الجهاز و انت داخل تحقد على الموضوع فقط على اساس ان انت بتروج لأجهزه شبيهه؟؟؟؟

لو انتوا فاهمين ان الموضوع شوية ريليهات و اسلاك و متجمعين ، زى ما انتوا بتقولوا و مش عارفين ان فى سوفت وير يتحكم فى كل هذا ، يبقى خساره الكلام معاكم فى اى شىء....

يا ريت تبطلوا فتى و ارجعوا للعلم ،، وبلاش اسلوب التجاره السوقى ده .
السعر موجود عاجبك عاجبك مش عاجبك يا ريت تخلى زيارتك خفيفه .

رد: جهاز انذار متطور عموله و رائع لحماية سيارتك من السرقه
 

الأخ alaamasry انا زرت موضوعك بتاع جهاز الأنذار ... وبالفعل كما توقعت لقيت ردودك على الناس اللى بتسأل على الجهاز اللى انت بتعلن عنه ردود سوقيه و الناس مستاءه جدا من التعامل مع الشركه ( و طبعا انت طلعت مندوب عن شركه و بتسوق لجهازها ) وهذا ليس عيب و لكن العيب هو طريقة ردودك على الموضوع و على الحقد اللى ملى قلبك لما لقيت ان فى ناس تانيه عامله اجهزه انذار .. وطبعا شوفت شكل الجهاز اللى انت بتسوق له بتاع الشركه و قرأت الأمكانيات اللى مكتوبه ... ومن خلال معرفتى بالألكترونيات و شكل جهازك و حجمه فهو لن يقوم بعمل كل الأمكانيات التى ذكرتها الا بعد تركيب و توصيل مجموعه اخرى من الريليهات و الآسلاك اللآزمه و كذلك طريقة الكود المكون من خمسة ارقام مختلفه هذا يصعب جدا التعامل مع الجهاز و طبعا كل امكانيه بتزود التكلفه وهذا بالفعل ما وجدته من ردود الناس عليك فى المشاركات و بعد ما ذهبوا الى الموزع بتاعك و ركبوا و قاله كل امكانيه عايزها بتزود الجهاز خمسين جنيه علاوه على الأنعره و الأسلوب الغير راقى فى التعامل ..........بالضبط كما هو باين من طريقتك فى الكلام .......



يا جماعه انا مش عارف الناس متضايقه ليه لما يلاقوا ان فى ناس بتشتغل و بتحاول تنتج و تبتكر و يحاولوا يطلعوا القطط الفاطسه ؟؟؟؟؟

يا سيدى كل واحد ربنا وفقه انه يعمل حاجه ندعيله بالتوفيق ايه المشكله ؟؟؟ ليه بس الحقد ده ؟؟
انت بتكلف جهازك وانا بكلف جهازى و مش لازم نبقى زى بعض ....يا اخى انا مش هاخد منك رزق ربنا كتبهولك ..

يا جماعه كل اللى انا كاتبه عن امكانيات الجهاز تعمل كلها بدون اى اضافة مليم زياده على التكلفه و ايضا بالضمان منى شخصيا ولن اعرض صور الجهاز فى المشاركات لزيادة تأمين السياره حتى لا يتم التعرف عليه على انه جهاز تأمين السياره .. واللى عايز صور الجهاز يبعتلى فى رساله رقم تليفونه او الواتس اب وانا ابعتله صور الجهاز ..

رد: جهاز انذار متطور عموله و رائع لحماية سيارتك من السرقه
 

بدل ما تشرح و تكتب الكلام ده اللى هو كله غلط .... كنت اعمل انت هذا الجهاز و جمعلك الكتاوتات و الأسلاك و اعملك انذار لعربيتك اللى اتسرقت .. و ماتسألش عن اجهزة انذار و اسعارها و افضل حاجه و الكلام ده اللى كاتبه فى مواضيعك ...... انت ماشاء الله عليك فاهم كل حاجه

رد: جهاز انذار متطور عموله و رائع لحماية سيارتك من السرقه
 

السلام عليكم و رحمة الله و بركاته ، أرجو من الأخوة المشاركين ، عرض مقترحاتهم و اسألتهم بصورة أفضل مما عرضت في هذا الموضوع ، و كلامي للطرفين ، صاحب الموضوع و المعلقين عليه ، لأن ردودكم على بعض غير لائقة ، و كمان كل واحد من حقه عرض موضوعه و سعره اللي شايفه مناسب ، و من حق الأعضاء نقد الموضوع و الاعتراض على السعر ، و لا داعي للتجريح في بعضنا البعض و كل واحد يظهر أسوأ ما عند الآخر ، و لكن كله بالأدب و اللياقة اللازمة أرجوكم ، نحن مش داخلين نردح لبعض ، ارجوكم مرة أخرى راعوا آداب الحوار .
و أشكركم على سعة صدركم و أرجو قبول كلامي بحسن نية ، و السلام عليكم و رحمة الله و بركاته .

رد: جهاز انذار متطور عموله و رائع لحماية سيارتك من السرقه
 

شاكر لذوقك و إحترامك و جارى بالفعل عمل جهاز الإنذار بعد عربيتى ما تسرقت كما وضحت.
بس عاوز أقولك حاجة... حضرتك لا مخترع و لا عبقرى مثلاً علشان تتعصب لعلم ربنا أدهولك بغير حول منك و لا قوة, ( و ما أوتيتم من العلم إلا قليلا)
قصدى بلاش جشع و مش قصدى التقليل من الجهاز اللى حضرتك بتتكلم عنه. صحيح أنت اللى بتقّدر تعبك و تكلفتك بس مش معناه نغرف فلوس و نديك علشان حضرتك بتعمل المستحيل.... مع مصر موتورز و الناس الحلوة اللى ماليه النت مفيش مستحيل بإذن الله.
لما يكون واحد عربيتة 128 و لا لادا و لا ... أى حاجة على أد حالها, عربيتة كلها بكام علشان يركبلها إنذار بـ 1000 جنية؟ و بلدى كمان يعنى لا GPS و لا قمر صناعى.
أنا مجال شغلى مش كهربا بس والدى مهندس ألكترونيات و عندى أصحاب كتير مهندسين إتصالات و باور و الكلام اللى حضرتك بتتكلم فيه ده بالنسبالهم أقل من أن يكون مشروع من مشاريع الكلية. الناس مشغولة مش أكتر.

برضو علشان تفهمنى صح.... العلم Open Source و بالتالى حضرتك مش هتبيع علم, هتبيع "ناتج" مجهودك من العلم. و ده مش حكر على حد. لو مصرّ على السعر أنا مصرّ أعرض خطوة بخطوة طريقة عمل جهاز مشابه . و نقل لينكات مش" أنا إللى إخترعته" و مجاناً طبعاً و على مشاركات نفس الموضوع الإعلانى بتاعك.
yesyes

للإخوة الأعضاء
دول موضوعين عالسريع
ط¥ظ†ط°ط§ط± ط¹ط±ط¨ظٹطھظƒ ط¨ط¥ظٹط¯ظƒ

و فى الآخر بأقولك ..... الجهاز اللى معاك ممتااااااااااز, بس أرجو مراجعة السعر رغم إنى مش هأشتريه, الكلام ليك و لغيرك و لأى حد داخل فاكر أننا من الهند