رد: بين انحدار الصناعة المصرية وتطور الصناعة العربية
 

والله انا راي ان الراجل ده بيفكر احسن من رجال الاعمال الي عندنا حتي ولو بيقلد او بيجمع
لانه اضاف شئ مش موجود حتي ولو بيجمع عربيه واحد كل سنه
سنه ورا سنه ممكن نلاقس المغرب زي ايران وايران زي الصين
ومع الاسف احنا مش هنا احنا في كوكو اخر

رد: بين انحدار الصناعة المصرية وتطور الصناعة العربية
 

إخوانى الأعزاء أنا أعترض على هذا الموضوع بالكامل فلا يوجد فى الشرق الأوسط و شمال أفريقيا قاعدة لصناعة السيارات إلا أن إيران و تركيا تعد من الدول ذات الطموح الهام لتأسيس قاعدة وطنية لصناعة السيارات و يليهم مباشرة مصر فعلى الرغم من عدم وجود سيار مصرية وطنية إلا أن مصر تمتلك نواة لصناعة السيارات يمكن البناء عليها و تشير إحصاءات عام 2001 إلى أن مصر تحتل المرتبة الأولى في الإنتاج العربي للسيارات؛ حيث أنتجت حوالي 76 ألف سيارة، يليها المغرب حيث أنتجت حوالي 25 ألف سيارة، ثم تونس التي تنتج 3200 سيارة، ثم الجزائر 2120 سيارة، والسعودية 1800 سيارة، يليها ليبيا 1500 سيارة، ثم السودان 700 سيارة، والأردن 100 سيارة.
وحال صناعة السيارات لم يختلف الإعداد زادت ولكن لم تزد نسبه تغطيه المتطلبات المحلية اللهم إلا في مصر والمغرب و سأقوم بإذن الله بعمل موضوع مفصل عن صناعة السيارات فى مصر .

رد: بين انحدار الصناعة المصرية وتطور الصناعة العربية
 

طيب ما مصر عنها صناعه تجميعية ممتازة :

مرسيدس , بى ام دبليو , فيات , هيونداى , نيسان , شيفورلية , دايو و غيرها .

كلها شركات بتقوم بتجميع الاف السيارات كل عام , و مش بس كدة عندنا صناعة اجازء تكميلية و قطع غيار جيدة ايضا بالنسبة لاجزاء كتير فى السيارات .

روح اتفرج على المصانع المصرية و شوف الانتاج اللى بيخرج على مئات العمال المصريين .

مشكلة مصر فى موضوع التصميم و دة محتاج استثمارات و مناخ مختلفة شوية , لكن ممكن يحصل فى وقت من الاوقات "مين عارف " .

هو الموضوع اقتصادى بحت , لو كانت صناعة السيارت مجدية اقتصاديا للمثتسمرين , كنت حتلاقى الاف السيارت اللتى تصنع بالكامل فى مصر , لكن حاليا التكلفة مقابل العائد مش مجدية لعملية التصميم دى , بسبب ان السوق المصرى و العربى لن يستوعب اى انتاج تجارى ضخم , و فرص التصدير و منافسة الكبار صعبة جدا فى ظل الحروب الطاحنة فى عالم السيارات .

الحقيقة موضوع تصنيع سيارة مصرية دة معقد جدا رغم انة يبدو بسيط , لكن المحولات مستمرة , و مين عارف يمكن تظهر سيارة مصرية خالصة للوحود قريبا و تقلب موازين هذة الصناعة فى مصر .