رد: مش عارف اضبط كبوت السيارة وافادى المقابل
 

يعنى زاوية فى اليمين هى اقصى ابعاد العربيه وزواية فى الشمال هى اقصى ابعاد العربيه للشمال
من غير ما تبقى شايف قدر المسافة بين عينك وبين الزوايتين دول وبين اى حاجة تانية ولو بزيادة ميضرش مع الوقت هتلاقى نفسك ادق وعارف مقاس عربيتك بالظبط

رد: مش عارف اضبط كبوت السيارة وافادى المقابل
 

حضرتك لو بتركب سيارة معينة
ممكن تبص على التابلوه وانت جالس فى كرسى القيادة وتشوف الرصيف اللى على يمينك ظاهر قدامك فين (ممكن مثلا لو بصيت على المساحات تلاحظ أن الرصيف جى على بداية المساحة اليمنى من تحت)ثم تمشى جنب الرصيف ويكون على يمينك ببطئ شديد وتقرب من الرصيف وتبص فى المرايا اليمين لحد لما تلاقى نفسك ملاصق للرصيف بقدر معقول (مسافة الركن أو مثلا 30 سم)وتوقف وارجع بص على التابلوه وشوف الرصيف كده ظاهر فين (ممكن كما كنت بلاحظ فى عربيتى تلاقى الرصيف بقى بيظهر على مكان مسمار ربط ريشة المساحة اليمنى يعنى الرصيف دخل شوية عليك )
معنى كده أيه؟
معنى كده أن لو أيى حاجة قدامك جت فى مساحة الرؤية اللى بعد مسمار المساحة شمال هتخبط فى العربية ولو جت يمين المسمار يبقى خارج جسم العربية
ملحوظة1: مسمارالمساحة ده مثال لكن انت ممكن تشوف أيه قدامك فى التابلوه ممكن تتخذه علامة أو ممكن انت تضع علامة بمعرفتك
ملحوظة2:المثال تطبقة على الجهة اليسرى وهتلاحظ الرصيف بيكون جنب العربية لما يكون ظاهر على بعد تقريبا 10 سم من الركن الأسفل شمال للزجاج الأمامى للداخل طبعا
انا عارف ان ربما الشرح النظرى صعب لو عرفت اجبلك رسم ان شاء الله هيكون اسهل
بالنسبة أنك تفادى المقابل فالمفروض أنك تقدرالعرض اللى عربيتك بتاخده هتقولى هأقدر ازاى
أسهل طريقة أنك تمشى فى طريق فى خطوط مرسومة على الأرض هيساعدك كتير على التقدير لحد ما تتعود
تقبل تحياتى:01FDAB~189:

رد: مش عارف اضبط كبوت السيارة وافادى المقابل
 

أرجو أن تساعدك الصور

رد: مش عارف اضبط كبوت السيارة وافادى المقابل
 

بص يا باشا
أنا أول متعلمت السواقه كنت هأشيل واحد و أنا ماشى عاليمين عالكورنيش بسبب الموضوع ده, ربنا يسترنا جميعاً
من ساعتها قولت لازم أضبط الأبعاد, خاصه انها تقديرية بالنظر
عملت تجربه مفيده

شارع فاضى , جراكن زيت أو زجاجات مياه أو أقماع ....
و تحطها زى اقماع المرور (مرة على شكل U - S - r >>>)
و تضيق المسافه على قد متقدر و تمشى براحه و تحضن أوى على القمع الشمال (تلزق فيه) و تنزل تشوف بينك و بين القمع اليمين أد ايه ؟ و ترجع تانى و تقلل المسافه تانى و و و بالتدريب هتلاقى نفسك بتعدى فى مسافتك بالضبط, و هتبدأ تقدر الأبعاد واحده واحده

ربنا يسترنا و يسلم طريقنا

رد: مش عارف اضبط كبوت السيارة وافادى المقابل
 

لقد استفدت كثيرا من تجاربكم وخبراتكم وخصوصا الصور التوضيحية
كل الشكر والتقدير لكل من ساهم بالرد والمشاركه