|
رد: من الافضل > ( سيفيك ولا جيتا ولا برافو )
فيات برافو عربية جامدة بصراحة
|
رد: من الافضل > ( سيفيك ولا جيتا ولا برافو )
اقتباس:
انا مش بقول انها عربيه بطيئه .. لكن مقارنتها بالسيفيك و البرافو اكيد اكيد ابطاء منهم ... ونفس الكلام على الاوكتافيا وحط الموتور ده في الباسات و انسى البط والوز و اتفرج على السلاحف .. الموضوع نسبي ... لكن فعليا حتلاقي الجيتا و الاوكتافيا اقل عربيات فئتهم من حيث التسارع ... ونفس الكلام للباسات ال 1600 الفكره بمنتهى البساطه شوف نسبه الوزن للقوه في الجيتا و البرافو ال 120 حصان والسيفيك ( حنعتبرها برضو 120 حصان مش 140 زي التوكيل ما بيدعي) .. حتلاقي البرافو و السيفيك احسن العمليه مش موضوع قوه العربيه على اد ما نسبه الوزن للقوه حضرتك ممكن تبص على الموضوع ده بيوضح اكتر وجهه نظري السرعه والتسارع و خصوصا المشاركه رقم 9 ومش عايز اقولك نسبه الوزن للقوه في الجيتا زي انهي عربيه .. و ليهم نفس التسارع ... لكن السرعه القصوى للجيتا افضل ... مش حقولك هيا ايه ... بس هما بيقولو عليها الكشك :HAPPY_~211: الجيتا عربيه محترمه جدا طبعا .. لكن تسارعها حيكون اقل من السفيك و البرافو .. و مقترحاش ابدا كعربيه شبابي بأداء يرضي الشباب .. الا اذا كان شاب مستعد يحط بنزين 95 |
رد: من الافضل > ( سيفيك ولا جيتا ولا برافو )
اقتباس:
اعتقد البولو سيدان فقط تجميع صيني و الجيتا برازيلي اقتباس:
ال 1400 عربيه قويه و كل حاجه بس البنزين ال 95 دا هو اللي حيبقي مشكله كبيره فعلا |
رد: من الافضل > ( سيفيك ولا جيتا ولا برافو )
اقتباس:
الجيتا الموجوده في السوق المصري (المعروفه لدينا) هي من تجميع مصانع المكسيك (وهو نفس المصنع المورد للسوق الأمريكي) وهذه صورة الفولكس فاجن الجيتا المكسيكية التجميع: http://www.volkswagen.de/vwcms_publi...0003.Image.jpg _________________________ _________________________ _________________________ _________________________ __ أما الجيتا الصيني المتوفره في الأسواق المصريه فهي موديل مختلف تماما تماما تماما تماما وهي جيتا الثمانينات ومعمول لهل بعض التعديلات وهي بأسعار زهيده للغايه في أسواقنا ولكن لم ينجح نهائيا أيا من المعارض المتوفر عنده هذا الموديل في بيعه أبدا وهذه صور الجيتا الصيني المتوفره بالسوق المصري: http://www.moj-album.com/slike/42199...tgbIjIMq.v.jpg http://www.moj-album.com/slike/42199...ot3vB9jg.v.jpg ولما نزل منها المعدل كان بهذا المنظر القبيح: http://www.moj-album.com/slike/42199...V2aagRjEiy.jpg http://www.moj-album.com/slike/42199...hlgsmkHL0I.jpg |
رد: من الافضل > ( سيفيك ولا جيتا ولا برافو )
اقتباس:
بص العربيه الجيتا مقارنة بتسارع الياباني والإيطالي بالتأكيد ليست لها الغلبه ولكن إيه إللي نجح الجيتا لهذه الدرجه بالسوق المصري !!!!!! هناك عدة عوامل أولا لقد جرب الشارع المصري شقيقتها التي تحمل نفس الموتور من سكودا أوكتافيا A5 وكانت سياره تعتبر حمالة أسيه وأعطالها قليله وأدائها مرضي لكثير من السائقين (ضعيف بالفعل لكن مرضي بشكل أو بآخر على صعيد طرقاتنا الفسيحه السريعه!!) ولكن مالذي يميزها عن أوكتافيا A5 ؟؟ يميزها العلامه الخاصه بفولكس فاجن يميزها وزن أقل فبالتالي أداء أفضل يميوها تصميمها الجذاب يميزها أنها سيدان معشوقة الجميع وحلم كثير من جيلنا في فترة نهاية الثمانينات حتى الآن إنها الجولف يميزها تابلوه كالذي موجود في الجولف ... ووسائل أمان أكثر من حيث عدد الوسائد الهوائيه عن الأوكتافيا ... بالإضافه أنها تمتلك برستيج مختلف عن الأوكتافيا (مع إحترامي الشديد جدا لبنت عمها... أقصد مع حفظ الألقاب الأوكتافيا A5) كمان هناك نظريه أحترمها جدا : هو كم سأدفع مقابل إيه بمعنى بما أني سأدفع 150ألف جنيه مثلا ...ماذا سأجني هناك ميزان دائم يحكم الموضوع إيه مقابل إيه ...فيه قميص تمنه 500 جنيه بس في نظري مايسواش 100 جنيه إذا لن أشتريه هناك قميص ثمنه 500 جنيه ولكن شكله يسوى ال 500 جنيه نظرا لإسم الشركه المصنعه والخامات وخلافه ... ممكن أشتريه طبعا وهناك مايدعى بالفرصه بمعنى قميص ثمنه 500 جنيه لكنه يسوى 800 جنيه هنا تكمن الفرصه فهو سيعطيني أكثر مما سأعطيه فما كان من الناس إلا أن بدأت المقارنه بين عدة عوامل - البرستيج (لابد لنا من أن نضع هذه النقطه بأول الموضوع نظرا لأهميتها فأنا حينما ألبس جيدا فهذا ليس من أجل شيء غير إحترامي لنفسي وللغير ومحافظة على مظهري العام .. ماينفعش ألبس بيجامه وأنزل أروح فرح أو إجتماع بالعمل وأقول كله بيستر العوره ومافيش مشكله) - الأداء والإعتماديه والكماليات وتوفر قطع الغيار والصيانه السهله والغير كثيره والمحدودة الأعطال ..و.....و....و,,,,, - سعر إعادة البيع وسرعته وحجم الخساره نسبة للثمن المدفوع هل ستوازي القيمة الإهلاكيه للسياره بعد إستخدامي لها وتمتعي بها أم لا وهكذا لذا سنجد أن السياره الجيتا من وجهة نظري المتواضعه مناسبه من جهات كثيره (نسبه وتناسب) |
| الساعة الآن 02:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017