مصر موتورز مجتمع السيارات - سؤال مهم عن كيا برايد هتشباك موديل 1997

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - سؤال مهم عن كيا برايد هتشباك موديل 1997 (https://www.masrmotors.com/vb/showthread.php?t=125446)

رد: سؤال مهم عن كيا برايد هتشباك موديل 1997

اقتباس:

المشاركة الأصلية كتبت بواسطة zing0 (المشاركة 954614)

كنت لسه هأرشحلك الأسطى أحمد حنفى
بس أخى الأستاذ أحمد على سبقنى فى الخير ده

شكرا جزيلا ياباشا ... بس حد عنده تجربة سابقة مع عربية زيها يقولنا عممل ايه بالظبط

رد: سؤال مهم عن كيا برايد هتشباك موديل 1997

باشا اركب عربيه كيا مركبه تكييف الاول وشوف اداءه وتاثيره على اداء العربيه قبل ما تدفع 3000 جنيه
وبعد ما تشوف اعرف انك لازم تمون 92 علشان العربيه ما تصقفش ويبقى السحب زفت
دى نصيحه لوجه الله , يا تكون مركب تكييف ومستمتع بيه يا بلاش

رد: سؤال مهم عن كيا برايد هتشباك موديل 1997

اقتباس:

المشاركة الأصلية كتبت بواسطة wael890610 (المشاركة 955011)

هو انا اساسا بمون 92 بس بصراحة معرفش حد معاه بريدا مكيفة لو تعرف انتا يبقي قولي عند حد معاه برايد مكيفة ويتبقي مشكور كتير والله

رد: سؤال مهم عن كيا برايد هتشباك موديل 1997

توكل على الله وركب تكييف زيرو من بابه طلاما كهربا العربية مظبوطة وحالة الموتور كويسة ومفيش مشاكل فى التبريد
ركبنا تكييف من عند أحمد حنفى لعربية 132 وكان تبريدها ماشاء الله
بتاع الالنترا موديل السنة كان بيحسده عليها

رد: سؤال مهم عن كيا برايد هتشباك موديل 1997

اقتباس:

المشاركة الأصلية كتبت بواسطة Hisham.Elgazzar (المشاركة 955389)

ياباشا الفيات 32 عربية شديدة ماشاء عليها هي في تقريبا 2000 او 1600 cc واكيد اي تكييف مش هياثر عليها ، انا باه عربيتي غلبانة علي قد حالها 1100 cc فعلشان كده كنت بسال لو في حد معاه عربية زي بتاعتي وكانت فاضية وركب تكييف هل هيكون الموضوع كويس مع العربية ولا تعبان فنبيع العربية ونجيب عربية مكيفة من بيتها مرة واحدة

ومشكور علي الرد ياباشا والله