مصر موتورز مجتمع السيارات - مقاسات بيكات كربراتير اللادا إللى على أبوها إيه؟

بعد البحث و التحرى و اللجان المنبثقة و غير المنبثقة و الحوار المباشر و غير المباشر فى أرجاء المنتديات الأجنبية توصلنا بفضل الله للآتى:
============
فى كربراتير اللادا بوجه عام يوجد 4 بيكات, 2 كبار للهوا و 2 أصغر منهم فى حوض العوامه (زى الصورة بالضبط)
ماركة الكربراتير : ويبر (weber 32/36 DGV 5 A )
هى الموديل الوحيد من شركة ويبر ذو شفاط يدوى (يعمل بواير و ليس بالماء و لا الكهرباء)
-------------------
بالنسبة للـ 2107
الهوا 150 - 150
السرعة البطيئة 112
السرعة العالية 150
--------------------
بالنسبة للـ 2105
الهوا 170 - 170
السرعة البطيئة 107
السرعة العالية 162
----------------------

لو مقاسات الفابريكا عندك و كل حاجه مضبوطه (الخلاط و الأدفانس و الفاكيووم و ....)
يبقى ضبط الكربراتير عالشعرة زى مقال المصنع
مسمار الهوا من القاعدة , يتفتح لفتين كاملين بالضبط
و البنزين تضبطه على RPM 850-900 لفه / دقيقة (غالباً هتكون لفه و ربع)

و فى معلومه غريبة قابلتنى برضه حبيت أفيد بيها:
-------------------------------------------------------
لو الكربراتير عندك مش بيضبط السلانسية (المكنه بتبرجل) و لازم تزود مسمار الهوا عن لفتين (أكتر من 2)
يبقى كده البيك ضيق و ده هيديك استهلاك بنزين عالى و ريحة عادم و تهبب البوجيهات و .... يعنى لما تقلل المقاس هتستهلك أكتر مش أقل زى ما الجهابزة صنايعية الكربراتير بيفتوا, لأنك بكل بساطه بتعوض ضيق بكات الكربراتير بلفات أكتر من مسمار الهوا علشان تضبط السلانسية , و معروف إن الهوا الزيادة أو البنزين الزيادة (خليط مش مضبوط فى كلا الحالتين) معناه استهلاك زيادة.