مصر موتورز مجتمع السيارات - كنت هلبس مخالفة مشي عكس الاتجاه

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - كنت هلبس مخالفة مشي عكس الاتجاه (https://www.masrmotors.com/vb/showthread.php?t=12204)

رد: كنت هلبس مخالفة مشي عكس الاتجاه

اقتباس:

المشاركة الأصلية كتبت بواسطة salahabdelnabi (المشاركة 70773)

ياباشا كله نصب فى نصب
انا من حوالى 3 سنين كنت معزوم على الفطار فى رمضان عند واحد صاحبى فى الشيخ زايد
قلت اخد الدائرى وانزل المنصورية ومنها على ميدان الرماية ثم طريق اسكندرية الصحراوى فالشيخ زايد
المهم عديت نزلة المنصورية على الدائرى - اليافطة ماكنتش موجوة وبعديها بحوالى 100 متر لاقيت بلوكامين بسأله قاللى وشوف الحلاوة ارجع بضهرك ال 100 متر دول هاتلاقى نزلة المنصورية - ياعم مافيش نزلة تانية - لا مفيش وبعدين الطريق فاضى وانا هاشاورلك - ربنا يكرمك - ورجعت بضهرى لحد النزلة الاقى امين شرطة تانى واقف بيقولى الرخص ماشى بضهرك على طريق سريع
ياعم يهديك يرضيك دا زميلك اللى قالى
قالى ولا اعرفه الرخص يا أما تخلينا نفطر فطورة حلوة
طب اعمل ايه رشوة قبل المغرب ويضيع اليوم والا ياخد الرخص
قلتله خد الرخص وجبتها بالكوسة من غير ولا مليم
يبقى انهى ارحم الكوسة والا الرشوة والا النصبة
وهى دى مصر ويجعله عامر

ميه ميه يا ابو صلاح
علشان انت ما رضتش تخسر صيامك ربنا برضه ما رضاش انك تحسر فلوسك:)

رد: كنت هلبس مخالفة مشي عكس الاتجاه

والله ياحازم احيانا تحس انهم بيطبخوها مع بعض عشان يلمو الغلة بتاعة اليوم واتعشت على كده
مش مهم بقى صح غلط المهم الدفتر يتملى مخالفات والحصيلة تبقى تمام
ولعلمك انا كنت زعلان انى جبت الرخصة بالواسطة والكوسة
بس عشان كنت حاسس انى اتضحك عليا - او اتنصب عليا بالبلدى - مافكرتش ان برضه الكوسة حرام
بس نعمل ايه اذا كان ده حال البلد الا من رحم ربى

رد: كنت هلبس مخالفة مشي عكس الاتجاه

اقتباس:

المشاركة الأصلية كتبت بواسطة salahabdelnabi (المشاركة 70890)

طيب حسألك سؤال فلسفي شويه يا ابو يوسف
الرخصه اتسحبت منك كيديا بدون وجه حق ... يبقى ليك الحق ترجعها بالكوسه و لا ترجعها بالطريق الشرعي و تدفع دم قلبك في حاجه ملكش ذنب فيها ؟؟

رد: كنت هلبس مخالفة مشي عكس الاتجاه

اقتباس:

المشاركة الأصلية كتبت بواسطة sam ram (المشاركة 70905)

هو بصراحة مش سؤال فلسفى وبس دا كمان سؤال محير فى اجابته

انا لما سألت كنت تايه و نفذت كلام صدر من رجل قانون بالرغم من ان كلامه مخالف للقانون
وبالتالى انا غلطان انى مشيت للخلف على طريق سريع و استحق مخالفة وسحب رخص حتى وان كان الطريق ورايا فاضى تماما والمسافة كلها 100 م

بس كده ابقى انا اتدبست فى الغلط وتم تضليلى عن الصح عشان اعمل الغلط وادفع المخالفة

وبالتالى تبقى الرخصة اتسحبت كيديا بحق
ورجعتها بالكوسة عشان ماليش ذنب فى اساس المخالفة
فهمت حاجة ؟؟؟؟؟؟؟ :HAPPY_~211:
وسؤالك فكرنى بسؤال واحد محامى سأل جهاز كمبيوتر من جيل الذكاء الاصطناعى
قاله " انا محامى ......... وكل المحامين كدابين .......... يبقى انا صادق والا كداب "
الكمبيوتر ولّع ptmnlo123per1106