مصر موتورز مجتمع السيارات - عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى

اقتباس:

المشاركة الأصلية كتبت بواسطة وائل احمد السيد (المشاركة 927011)

( كلام رائع بس المشكله الزيرو مشكله لانى لسع جديده فى السواقه وخايفه جدا جدا من الزيرو وعلشان كده بدور فى المستعمل )

انا نسيت اقول ان انا مش بعرف اسوق وجبت العربية زيرو واتعلمت عليها لكن من خلفيتى الكبيرة من اول ساعة نزلت وسوقت ومافيش مشكلة خالص
جمدى قلبك وهاتى زيرو وافرحى بيها بدل ما تجيبى مستعمل وكل يوم والتانى عاوزة ميكانيكى والبطارية والعفشة والكلام الفاضى دة اللى محتاج راجل فاضى وفاهم فى السواقة والميكانيكا وكيفية التعامل مع الصنعية لان مشاكل المستعمل كتيرة اوى وبتكون على غفلة انما الجديد بتكونى مطمنة من العربية على الاقل 4 سنين
متخافيش واللى يخاف فمن الافضل ما يشتريش عربية احسن لة
دى وجهة نظرى والقرار ليكى
تحياتى

انا متشكره قوى قوى لردك وعندك حق والله بس انا وانا سايقه هنا شوفت الهنا

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى

اقتباس:

المشاركة الأصلية كتبت بواسطة jojo0a (المشاركة 927049)

انا متشكره قوى قوى لردك وعندك حق والله بس انا وانا سايقه هنا شوفت الهنا

ماهو لما تشوفى الهنا وانتى راكبى عربية سليمة ومطمنة لها احسن ما تشوفى الهنا دة بعربية ممكن تعطل بيكى فى مكان رخم مثلا مطلع كوبرى فى يوم زحمة او فى منطقة ضلمة وبعيدة هتعملى اية
انا ليا اصحابى مش بيحبو يسافرو بالعربية للاسكندرية علشان مش مطمنين للعربية يقولى لو العربية عملتها معايا هعمل اية انا معايا الاولاد
فانتى لما تركبى الزيرو هتكونى مطمنة للعربية لمدة مش اقل من 5 سنين وانتى وسواقتك لازم تكون هادية ويكون قلبك جامد عموما اللى بيسوق بيخلى باله من كل اللى حوالية فية مثل بلدى بيقول ان اللى بيسوق لازم يبقى حاطط فى دماغة ان كل اللى بيسوقو حوالية مش بيعرفو يسوقو فية لفظ تانى مش هقولة علشان عيب
وربنا يوفق الجميع
تحياتى

رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى

هاتى زيرو وأمنى عليها على الاقل اول سنه وان شاء الله اى حاجه فى العربيه تتعمل على حساب التأمين
الريو هاتش باك مناسبه وفيها اوبشن كويسه
بالنسبه لقطع الغيار هتبقى القلق منها فى المستعمل اكبر يعنى الجيتا لو مستعمله قطع غيارها مش هتبقى رخيصه
فالافضل ليكى زيرو مع التأمين