|
رد: استفسار هام وارجو الرد ضرورى عن سياره لادا 2105 ؟
واخدة خبطات كتيرة
طب العربية فبريكة من برة وصاحبها مش عاوز يرشها لانها فبريكة برة ولا مرشوشة قبل كدة وفبر الاكصدامات دة تافة جدا الدوفر الواحد بحوالى 10 جنية يعنى لو الاربعة مش موجودين اصلا بـ 40 جنية ولو عملنا الخبطات واترشت ممكن تتكلف 1000 ولا حاجة اعتقد بالوصف بتاعك العربية كويسة ولمبة الانجكشن مفروض تطفى اول لما الموتور يشتغل اشترط على صاحب العربية انة يسلمهالك اللمبة طافية |
رد: استفسار هام وارجو الرد ضرورى عن سياره لادا 2105 ؟
هيا كانت رشه حزام قبل كده لان فى خبطه جنب الفانوس اللى ورا على اليمين فى الصاج مفعوصه لجوا شويه ودى هتترد وتاخد زرجينه اكيد لكن السقف ما رشش ابدا لكن فى فعصه فى اخره من ورا كده حاجه بسيطه اوى يعنى لكن الجوانب هتترش كلها وهتعوز الشبكه اللى قادم بين الفانوسين يعنى قول العربيه هتدخل فى 1500 مصاريف بس هو ماسك فى سعر 25 الف جنيه
لكن اللى قلقنى موضوع لمبة الانجيكشن العربيه عاجبانى فعلا من الحوض والشنطه ما شاء الله زيرو فعلا حتى شكل الموتور ومركب بطاريه جديده كمان والصالون جوا نضيف وكمان التابلوه نضيف وكل حاجه شغاله فيه لكن كل الموضوع يتلخص فى لمبة الانجيكشن دا لكن اخويا بيقولك ال لادا عربيه تقيله فى البيع وبتسخن ومش عارف ايه |
رد: استفسار هام وارجو الرد ضرورى عن سياره لادا 2105 ؟
بالنسبه لموضوع اللمبه دا فعلا بتبقى منوره والعربيه شغاله بس القلق كله احسن يكون فى مشكله فى الانجيكشن او الرشاشات ودا قالقنى جدا وخايف القصه تدخل فى توكيل ومصاريف او يكون فى مشكله ولا حاجه
ياريت اعرف هل معنى ان اللمبه منوره دا ممكن يكون فى عيب فى الموتور ولا ايه ؟ |
رد: استفسار هام وارجو الرد ضرورى عن سياره لادا 2105 ؟
اقتباس:
السلام عليكم اذهب مع صاحب العربيه لكهربائي خليه يعمل اسكان على العربيه وهتعرف المشكله فين وايه اللى عايز يتغير فيها والله المستعان |
رد: استفسار هام وارجو الرد ضرورى عن سياره لادا 2105 ؟
ولا يهمنى لمبة التشك منورة ...دى لادا
الموضوع سهل اوى والله مش صعب عارف انا هافضل ماشى بيها كدة لغاية لما العربية ما تدورش خالص هاقوم نازل عزبة شلبى اجيب وش بمانفولد بكربراتير استيراد والقصة دى كلها تعمل حوالى 500 جنية واحولها كربراتير لان الانجكشن فى لادا مش ناجح وكل التاكسى الانجكشن غير بنظام كربراتير قصدى اقول ان العربية مش معقدة ولا حاجة صحيح هانحاول نطفى اللمبة لكن لو ما طفتش ما فيش اى مشكلة تفضل منورة ولما ازهق منها احولها كربراتير |
| الساعة الآن 09:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017