|
رد: اولع فيها ولا اعمل ايه
يا باشا حضرتك لو نزلت التوفيقية (محطة جمال عبدالناصر بالمترو أمام المحطة)
هتلاقى الفلتر إللى أنت عاوزة, و ممكن تلاقيهم عند أى محل قطع غيار بس المهم يكون متخصص بيجو و الكربراتير محتاج ضبط عند واحد متخصص مش عند أى ميكانيكى, و كمان الكربراتير مبيتنضفش من جوه بالـ WD40 لأنه حامى و ممكن يأكل المعدن نفسة و يدخلك فى حوار أكس و باب مؤقتاً هات حتة شاش عريض و إربطها على مدخل الهوا بتاع العمة (مكان الفلتر الرياضى إللى فى الصورة) ده حل مؤقت علشان التراب و غيره بس لازم تسرع و تجيب فلتر هوا |
رد: اولع فيها ولا اعمل ايه
انا لفيت التوفيقيه علي الفلتر ورحت لمصطفي العجل بردو مش لاقيه !!!!انا حطيت سفنجه علي الفتحه ولسعتها الاول علي النار علي شان متفرولش وو صلت خرطوم الفايظ بتاع العمه سبحان الله اتظبطت شويه عن الاول لو ممكن حضرتك تقولي انضف الكربراتير بايه بدل الدبليو دي و انا اشتريه لاني معرفش حد عدل في اكتوبر ينضف الكربراتير وصعب اني انزل تحت دلوقتي ولو ممكن تساعدني في موضوع البوجيهات اجيب نوع ايه مع الكراسي لاني هجيب كراسي بوجيهات علي شان احافظ عليهم يعني اجيب سن طويل ولا قصير واسمهم ايه وهل في حاجه مكتوبه عليهم معينه
|
رد: اولع فيها ولا اعمل ايه
هات منظف كربراتير إسبراى
بحوالى من 15-20 جنية (حسب المحل, مرة لاقيتة بـ30 جنية عند واحد فى حلوان بس تقريباً كان فاكرنى بأشربه !!!) عندك أنواع كتير أفضلهم ابرو Abro و بالنسبة للبوجيهات, ركب بوجيهات عادية سن طويل و من غير كراسى المكنه ما شاء الله لسة متعمرة مش محتاجة لا كراسى و لا سن قصير و لا الشغل ده علشان تديك أفضل أداء بالنسبة للأنواع: يا تجيب صينى مكتوب علية صينى (Made in China) و ده أكيد مش هيبقى مضروب و غالباً هتكون شركة (مش تحت السلم) أو تجيب NGK يابانى بس لازم تتأكد أنه أصلى لأن ده تحت السلم بالهبل الصينى من 15 جنية ل30 جنية الطقم (4 بوجيهات) اليابانى حوالى 45 جنية بس المهم أنه يكون يابانى (بصراحة أنا شغال بالصيتى لأنى إتخميت قبل كده فى اليابانى) |
رد: اولع فيها ولا اعمل ايه
السلام عليكم لو هتركب كرسي يبقي بوجيهات عاديه لو مش هتركب كرسي يبقي بوجيهات سن قصير وفي منظف للكربيراتير http://5osial.files.wordpress.com/20...ner_detail.jpg والله المستعان |
| الساعة الآن 10:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017