مصر موتورز مجتمع السيارات - اخوكم محتاج مساعدة فى مشكلة فى الفتيس ارجوكم ...

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - اخوكم محتاج مساعدة فى مشكلة فى الفتيس ارجوكم ... (https://www.masrmotors.com/vb/showthread.php?t=119894)

رد: اخوكم محتاج مساعدة فى مشكلة فى الفتيس ارجوكم ...

اية يا جماعة نصيحتكم فى موضوع غويشة التانى اية الوقتى طلعت غويشة اعمل اية افك واصلح ولا امشى لحد ما يجيب اخرة واغير بفتيس استيراد

رد: اخوكم محتاج مساعدة فى مشكلة فى الفتيس ارجوكم ...

لو مكانك حصلحه سواء بالفك و التغيير للاجزاء التالفة او فتيس استيراد بس مش حمشى بيها كدا

رد: اخوكم محتاج مساعدة فى مشكلة فى الفتيس ارجوكم ...

فيه وجهة نظر جيدة فى الموضوع ده .... و هى ... انك تصلح القديم .... ان شاء الله الفتيس يرجع زى الجديد ...
انما لو جبت فتيس استيراد .. انت متعرفش حالته من جوة اخبارها ايه
على العموم .... متستناش على العيب ده ... و صلحه و انت تملك زمام الامور ...
و ربنا يوفقك

رد: اخوكم محتاج مساعدة فى مشكلة فى الفتيس ارجوكم ...

اقتباس:

المشاركة الأصلية كتبت بواسطة احمد على 1999 (المشاركة 924079)

لو مكانك حصلحه سواء بالفك و التغيير للاجزاء التالفة او فتيس استيراد بس مش حمشى بيها كدا

ما انا مش عايز امشى بيها كدة خوفا على سلامتى اولا وسلامة العربية لانى معنديش غيرها بس انا مش عرف لية مش مصدق الناس فى حكاية الغويشة يعنى العربية عاملة 75000 وتجيب غويشة انا سواقتى رياضية شوية لكن مش لدرجة غويشة كان اولى الديسك والاسطوانة يبوظوا الاول مش عارف محتار جدا ولكن اول حاجة هعملها بكرة ان شاء الله هعلى الدبرياج بنفسى مش هروح لصنايعى واجرب ... شكرا استاذ احمد
ملحوظة يا استاذ احمد انا جيت اجرب انهاردة طلعت على الاول لحد 45 اخرة يعنى وجبت تانى عشق بنعومة وسلاسة جدا انما اول ما اجيب تالت وامشى بية على 30 حتى وارجع اجيب تانى هنا يذعق وميرضاش يعشق الا على 20الى 25 كيلو
يعنى المشكلة لما انزل باغيار مش اطلع بية

اقتباس:

المشاركة الأصلية كتبت بواسطة ahmed_eng2001 (المشاركة 924124)

ما دا كان راى بس الصنايعية قالولى انى مادام جاب غويشة التانى هتلاقى البباقى ضعيف فغير كلة مع انى عارف انى الفتيس كويس الحمد لله لانى مفهوش اى تغيير وسحبة عالى الحمد لله وغياراتة ناعمة ربنا يسهل واجرب بكرة موضوع تعلية الدبرياج .. اشكرك جدا

رد: اخوكم محتاج مساعدة فى مشكلة فى الفتيس ارجوكم ...

مشكلة الفتيس ... انك مش حتتاكد من العيب الا لما تفك الفتيس و تشوفه اخباره ايه من جوة .... لو ربنا كرمك و عرفت العيب فين من غير ما تفكه .... لازم تفك الفتيس علشان تصلحه ... يعنى فى كل الاحوال لازم تفك الفتيس

حضرتك كدة بتعمل كل حاجة ممكنة علشان تتاكد ان العيب من الفتيس نفسه ... مش من حاجة تانية
جرب كل حاجة ممكنة علشان تحاول تعرف العيب فين بالظبط
ربنا يوفقك و بلغنا بالاخبار