|
رد: دخان أسود عامل زى الهباب
ان شاء الله الشغل الى عملتو يظبط العربية
اسعار قطع الغيار الى غيرتها ايه ؟؟ |
رد: دخان أسود عامل زى الهباب
اقتباس:
هقولك عالاسعار انا اصلا كنت محتاج حد يكون خبير فى الجيب شيروكى 4 سلندر ويقولى الاسعار دى مظبوطه ولا الميكانيكي ضحك عليا :( الاسعار كالتالى : طرمبه ميه =300 جنيه اسبراتير = 450 جنيه 3طبات ميه =75 جنيه 2 رشاش = 100 جنيه كتاوت دنمو = 120 جنيه 2 مساعدين شنطه = 280 جنيه فلتر بنزين = 50 جنيه فيش وكتاوت كتير أتغيرت اخد عليها = 200 جنيه مسمارين كبس شكمان = 50 جنيه عشر مسامير فرن = 100 جنيه بلية شداد = 25 جنيه مصنعيه الكهربائى اللى رمم الضفيره اللى فوق جنب الموتور = 300 جنيه ! ياريت لو حضرتك تعرف فى الاسعار دى تقولى مع العلم ان قطع غيار الشيروكى اربعه سلندر غاليه لانها مش متوفره كتير |
رد: دخان أسود عامل زى الهباب
عفوا يا فندم ....
ان شاء الله حد يكون معاه 4 سلندر يفيد حضرتك .... بس لو حضرتك حتقارن بعربية تانية .... عربيتى مثلا ... بليزر موديل 1980 طرمبة مياه 500 جنيه طبة مياه 20 كتاوت الدينامو 180 المهم ان قطع الغيار الى ركبهالك .... اصلية و لا تقليد ؟؟؟ انا مش بقول ان التقليد وحش .... بس لازم تعرف قطع الغيار علشان تعمل حسابك فى الفلوس و فى العمر الافتراضى |
رد: دخان أسود عامل زى الهباب
اقتباس:
هيا قطع الغيار أغلبها اصليه بس في منها بيبقى اصلى مستعمل والميكانيكى بيصر ويشكر فى الاصلى المستعمل وبيقولى ده احلى من الجديد بالاضافه ان ساعات مبيبقاش فى اصلى جديد يعنى مثلا الاستبراتير ده مستعمل وكمان من حوالى سنه غيرنا ديسك وكان مستعمل واخد عليه 250 جنيه وكان برده مصمم انه كويس جدا |
رد: دخان أسود عامل زى الهباب
ربنا يباركلك فى الشغل الى اتعمل .....
انا موافق على رأى الميكانيكى .... فيه حاجات كتير الاصلى المستعمل بيكون احسن من الجديد ... الصينى فى الغالب بس انا مش موافق على موضوع الديسك المستعمل .... دى حاجة لازم تتركب جديدة .... بس لو مفيش جديد .. امرك لله ... هو الديسك الى ب 250 جنيه و لا الميكانيكى اخد فى تركيبه 250 جنيه ؟ |
| الساعة الآن 06:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017