المشاركة الأصلية كتبت بواسطة Hisham.Elgazzar (المشاركة 889589)

ممكن يكون عيب الكهربا اللى واصلة للفتيس ومحتاج متخصص للإصلاح
لو الفتيس الجديد ع التجربة رجعه

المشاركة الأصلية كتبت بواسطة الأسيف (المشاركة 893003)

ألف شكر يا بشمهندش سيسى على الإهتمام وجزاك الله خيراً

أما بقى موضوع اللى قال لى أغير الفتيس أحكيلك بقى يا سيدى
(كل لما اللمبة دى تنوى عزم العربية يروح خالص فكنت بأقفل العربية وأدورها تانى وهى ماشية لما أكون جايبها على ال N فتقعد شوية وبعدين تحصل نفس المشكلة وفى يوم يا سيدى كنت ع الموبرى وحصل نفس المشكلة ،،،، قفلت العربية وجيت أدورها الدركسيون سوجر وكنت ماشى ع ال80 ولولا ستر ربنا كنت ف البلالا)

إنما المرة دى أنا فعلاً رحت أصلحها واحد ابن حلال تانى قال (بص بقى يا ريس هو فيه حاجة اسمها الكطرونى {بالطاء} سعرها 5000 ولو مش غيرتها وغيرت كل يوم فتيس هيبوظ )
أنا سمعت كدة وحطيت إيدى ع قلبى وكنت همووووووووووووت
طلع بيعمل على فيلم عشان يشترى العربية فطيس



ف الآخر رحت كشف كمبيوتر طلع فيوز ب نص جنيه

والحمد لله

المشاركة الأصلية كتبت بواسطة amr elsisi 1 (المشاركة 894224)

مبروك ..............
بس اهم حاجة تجيبة نفس اللون الموجود في علبة الفيوزات:bb127bc6eab060e3 e23
علشان يكون نفس الحمل .20.30.10 امبير
وتابعة باستمرار لو قطع تاني
راجع علي موضوع القفلة مع متخصص اوبل
لو انت من القاهرة اوصفلك ناس

المشاركة الأصلية كتبت بواسطة humyum (المشاركة 896339)

أنا عندى سؤال على السريع
أنا أول ما جبت العربية أوبل كورسا 2005 كان فى عضه فى الفتيس و بعدين روحت للميكانيكى و كشف و قالى إن جوان الفتيس بينفس و غيرته و لقيت أن الفتيس فعلا كان فيه نص كمية الزيت اللى المفروض أنها تكون موجودة و بعدين الفتيس بقى ناعم جدا و الحمد لله
بس المشكلة بقى أن بعد فترة بلاقى عضه مره كل 5 مرات مثلا فى النقلة التانية و بعدين عادى و سعات مالقيش العضه خالص
نفسى أعرف العضة دى ليه و ليه متقطعة مش مستمرة و الحل بتاعها ايه ؟؟؟؟