رد: انهى افضل الفتيس العاده ولا الاتوماتيك ؟
 

شكرا لكم جميعا
هل الاتيبترونك هو cvt

رد: انهى افضل الفتيس العاده ولا الاتوماتيك ؟
 

لا يا مازن الcvt زى ما هو موجود فى الشرح الى نزلتة فطومة فى موضوع منفصل , بيعتمد فى نقل الحركة عن طريق سير من الصلب و تروس متغيرة القطر , هو فكرة جميلة برضو لكن اعتقد معقدة شوية عن التيبترونك ,

التيبترونك هو شبية بالمانويل العادى لكن بدل ما انت تدوس دبرياج و تنقل يدوى , هناك محركات كهربائية صغيرة مصمم و مركبة على الجيبربوكس نفسة للقيام بهذا الدور نيابة عنك , و بيتم التحكم فيها عن طريق وحدة كمبيوتر خاصة ,و يمكن بهذة الطريقة قيادة السيارة مثل الجير الاتوتومتك تمام , يقوم الكمبيوتر بعملية النقل التلقائى للجير التالى مع سرعة السيارة "مثل الجيربوكس الاتوتومتك العادى "
او عند الرغبة يمكن الانتقال لنقل يدوى ولكن يتم ايضا عن طريق الكمبيوتر المذكور .

الكمبيوتر المذكور يقوم بجمع معلومات عن سرعة المحرك و سرعة السيارة و طريقة قيادة السائق لها , و توجية الجير بوكس التبترونك لافضل اسلوب لنقل السرعة و القيادة .
و طبعا ممكن تطوير سوفتير هذا الكمبيوتر لاعطاء اداء افضل فى حال موجود اى قصور او اى مشاكل قد تظهر عند استعمال هذا الجيربوكس بعد فترة .

رد: انهى افضل الفتيس العاده ولا الاتوماتيك ؟
 

انا معاك انو علب التروس الترونيك بديل جيد بس برضو لا غنى عن المانيوال,
الترونيك بيديك التحكم فى النقلات و لكنه يفقدك التحكم فى عنصر مهم جدا و هو الدبرياج.
الدبرياج يساعد السائق فى بعض الأحيان على التحكم فى عزم السيارة, كما ان هناك بعض المناورات لا تتم بدونه, ماذا اذا احتاج السائق مثلا موازنة البنزين مع الفرامل و هو تكنيك معروف لمنع انزلاق السيارة أثناء التوقف, أو فى المنحنيات؟ فى حالة الترونيك سوف ينفصل الدبرياج تلقائيا بمجرد الضغط على الفرامل.
ماذا عن القيادة الاستعراضية, التى لا يمكن تنفيذها بدون الدبرياج؟
طب ماذا نفعل فى حالة نفاذ البطارية أو أعطال المارش؟ كيف ندير السيارة لو كانت ترونيك؟
المانيوال العادى لن يموت أبدا فى رايى.

رد: انهى افضل الفتيس العاده ولا الاتوماتيك ؟
 

بيعجبنى فى تعليقات أستاذ فادى .... أراءه الراديكالية
بتدى للموضوع سخونة بصراحه أنما لما كله يقول هايل برافو حلو قوى بتبقى العملية مملة

على فكرة كلمة الراديكالية مش شتيمة إنما تعنى التمسك بالأفكار الأساسية أو الأصولية

رد: انهى افضل الفتيس العاده ولا الاتوماتيك ؟
 

موازنة البنزين مع الفرامل و هو تكنيك معروف لمنع انزلاق السيارة أثناء التوقف
الاجابه :- ABS- ESP - SRS - traction control ... زي ما تحب تسميهم
ولو مفيش أي حاجه من الكلام ده ممكن أتشاهد ..
اصل انا مبعرفش اوازن البنزين مع الفرامل و سواقتي على أدي ...


ماذا عن القيادة الاستعراضية, التى لا يمكن تنفيذها بدون الدبرياج؟
الاجابه :- الكلام ده في الحلبات للعربات الرياضيه مش الاستخدام التجاري
أصل انا بطلت القياده الاستعراضيه من ساعه ما خلفت عيال


طب ماذا نفعل فى حالة نفاذ البطارية أو أعطال المارش؟ كيف ندير السيارة لو كانت ترونيك؟
الاجابه :- نفس اللي بعمله في حاله الاوتوماتيك ..
اغير البطاريه قبل ما تموت ...
التزم بالصيانه ..
اجيب ميكانيكي ...
أسيب العربيه و اركب مواصلات ...
اطلب الونش ...
ابيع العربيه و اجيب عربيه مانيوال .. وادي زوبه زقه ptmnlo123per154

على فكره ... انا عربيتي اوتوماتيك عادي ... يعني فيها كل العيوب اللي في الترونيك .. وأكتر كمان :shy:
:waving:


عموما كده كده لما يلغو البنزين و يشتغلو بالكهربا حيلغو الدبرياج :HAPPY_~211:

حبيبي يا فادي ... حشوفك الجمعه الجايه إن شاء الله ptmnlo123per122