رد: اصلحها ولا ابيعها ولا اولع فيها واريح نفسى .. مستنى رايكم ...
 

هيا قدمها فقر طبعا لانى كل لما اصلح حاجة

تبوظ حاجة .. ولكن المهم دلوقتى لو بعتها مفيش امكانيات حاليا اجيب اى عربية تانية ايا كان نوعها

وطبعا بعد ما تعودت على عربية فى حياتى احساس مؤلم اوى انك ترجع تجرى ورا المواصلات فى الشارع

ده غير انى اشترتها ب 15.5 وصرفت عليها لحد دلوقتى 3 وطبعا مركبتش بيهم بنكلة

ولو بعتها وهيا عطلانة كده مش هتجيب اى فلوس وهتبقى الخسارة كبيرة اوى

فالسؤال الى بيطرح نفسه هنا هل ممكن لو صرفت عليها تكون عربية ولا برمى فلوس زيادة فى الاض

رد: اصلحها ولا ابيعها ولا اولع فيها واريح نفسى .. مستنى رايكم ...
 

mr_mada
حصل خير ومعلش لو فهمتك غلط
تعالى نتكلم فى الشغل بقى

انا هاوصفلك واحد تروحلة اى يوم غير يوم الجمعة

هو عفشجى بس عندة مخرطة ومكنة لحام وانابيب لحام لزوم الشروخ وعندة محلين قطع غيار وعندة مخزن لقطع غيار استيراد وكمان عندة قهوة الزباين تعمل فيها شاى وقهوة
المهم كل دول بتوعة وراجل جاهز لاى عطل
اعملة زيارة وبامر الله هاترجع من عندة فرحان بعربيتك باقل تكلفة

نيجى للعنوان
من شارع جسر السويس وعند محطة الجراج هتادخل يمين شارع 6 اكتوبر اللى فى اولة كوفرتينا وسنترال عين شمس
هاتفضل ماشى فى الشارع ويمين هايكون سور السكة الحديد
عند مساكن الجمهورية هاتبص يمين لغاية اما تشوف يافطة مدرسة 23 يوليو الابتدائية
هو ادام يافطة المدرسة بالظبط
اسمة جودة العفشجى
ولو عاوز تكلمنى وانت هناك
دة رقمى
01145366876

رد: اصلحها ولا ابيعها ولا اولع فيها واريح نفسى .. مستنى رايكم ...
 

شكرا يا جميل على مساعدتك

وكان نفسى اروحله والله .. بس انا فى اسكندرية :)

لو تشرحلى الى المفروض يتعمل بالظبط بالمقاسات تبقى عملت معايا واجب

وانا هحاول اشوف حد هنا بيشتغل بشبلونة

رد: اصلحها ولا ابيعها ولا اولع فيها واريح نفسى .. مستنى رايكم ...
 

مممممممممم ما اختش بالى انك من اسكندرية
اللى المفروض يتعمل
انا عرفت ان الشاسية عندك فية مشكلة من اول ما بدات تقول عمل تخويش للمساعد لان المساعد فى الـ 28 لو الشاسية مش مظبوط تلاقى العجل قالب لجوة وعشان يعدل العجل بدون ما يتشغل فى الشاسية بيعمل التخويش عشان يديلة المقاس او العدلة المظبوطة

كمان طول الاكس بتاع الكوبلن اتغير عشان الشاسية مفتوح من تحت

مهو الحل الصح انك تشيل الموتور
وتعمل زرجينة للشاسية من تحت بالمقاس المطلوب
والزرجينة تفضل مش اقل من 4 ساعات
وتلم اى شرخ فى الحوض
وتعمل الشداد السفلى
والشداد العلوى كمان
وفى التقفيل لازم الموتور ينزل فى مكانة بسلاسة مش حشر
وترجع الاكس الاستنادر
والمساعد يركب بمساميرة الفعلية مش المتخوشة
تظبط زوايا امامى
هتلاقى العجل مستقيم بامر الله

اما من الخلف
فك السوستة اللى بالعرض
وتتقنطر السوستة بارتفاع مناسب وانا اقترحت انة يكون 27 سم
هتلاقى العجل لو جلب المقصات سليمة بقى عدل ولا قالب لبرة ولا قالب لجوة

رد: اصلحها ولا ابيعها ولا اولع فيها واريح نفسى .. مستنى رايكم ...
 

بالنسبة للحاوى تعملى معاها كان تربيط عفشة وكل الناس شكرت فيه ده غير العجل اللى بيصلح عنده بس هو فى حاجة صغيرة مكنتش واخد بالى منها هو بيشتغل بأيديه قليل علشان كبر فى السن بس لو صنيعى عمل حاجة فى العربية مش مظبوطة عرف الحاوى وشوف هيعمل فى الصنيعى اللى تلف الحاجة أية بالنسبة للأنجو أن تعملت معه فى شغل فى العفشة والحمد لله شغلة كويس بيخاف ربنا بيتقى لله فى شغلة وأهم حاجة أهم حاجة بيشتغل بأيدية بالنسبة للسمكرى عندى واحد تحت البيت لو عايز تعرف الشغلة هتعمل كام وعايز تسئلة برحتك بس ميشغلكش هيعملة بالمتر ولا بالنظر والراجل ده شهرته فى سمكرة السيارات جت من سيارات الحوادث تغيير نص قدام وراء تغيير تلت وعربيات قديمة وحديثة من السيات للـ بى أم لو عايز أعرفك علية أو على أى صنيعى من اللى أعرفهم وبتعامل معهم أنا فى الخدمة