|
رد: كام مرة ...!!!
موضوع جميل فعلا وجديد في نفس الوقت
أنا عن نفسي عمري 25 سنة وبدأت اسوق متأخر شويتين يعني من 3 أ 4 سنين خبطت مرة واحدة بالعربية في أول شهر من تعلمي السواقة وكانت الخبطة بعربيتي الشاهين قبل ما أبيعها وكانت في الباب اللي جنب السواق وامتدت شوية للباب اللي ورا يعني كانت خبطة بسيطة لكن الصراحة الباب اتهان جامد وبسبب الخبطة دي اتضريت اني أدخل العربية الفرن وادهنها من بره واللي زعلني ساعتها انها كانت فابريكة بره وجوه مع انها موديل 97 بس من بعدها الحمد لله الواحد أتقن السواقة وباستثناء كام حكة بسيطة أثناء الركن أو في المزانق مفيش حوادث بس صحيح بمناسبة الموضوع ده أنا عايز أسأل (الاسكندرانية)....اشمعنا انتم أكتر بلد بتعمل حوادث جوه البلد وماحدش يحاول ينكر أنا أساسا راشق دايما في اسكندرية وبجد وبدون مبالغة عمري ما طلعت سفرية كام يوم الا وشوفت بعيني حادثة ...... ده غير ان 75 % من العربيات اللي بتعدي جنبي بتبقى مخبوطة ومرة كنت أنا واصحابي ضحايا أحد الحوادث دي والميكروباص اللي كنا راكبينه دخل في عمود جنب بنزينة في سيدي بشر عالكورنيش والعربية الصراحة بعد الحادثة كان منظرها مرعب الا اننا الحمد لله طلعنا كلنا سلام باستثناء واحد بس كان نايم فذراعه اتكسر |
رد: كام مرة ...!!!
موضوع جميل و فكر الواحد بحجات من زمان (مش زمان اوي)
انا بسوق من وانا عندي 13 سنة بس اول خبطة فاكرها كويس كانت قبل امتحانات الأعدادية طبعا كانت عربية والدي و الموضوع كان سهل جدا كانت ركنا جنب عمود كهربا في الشارع بكل بساطة نزلت متحمس شوية ركبت العربية (فتحت الباب بس نسيت اغلق الباب) و طبعا رجعت للوراء بحتة حماسية شوية فما كان من باب العربية االي انة اتحشر في عمود الكهربا و راح انحيا التانية (اتفسخ و بقي هو و الرفرف الأمامي اصحاب ) الكلام دة كان يوم الثلاثاء و الامتحانات كانت السبت اللي بعدة . ربنا ستر بعد كدة خبطات عادية جدا الحاجات البسيطة دي. و اخر حاجة بسيطة كانت مع راس جرار من شهر تقريبا كنا علي الصحراوي قبل مطلع الدائري بس ربنا ستر....... |
رد: كام مرة ...!!!
اقتباس:
اقتباس:
انا اتعقدت مني بطلت السواقه في مصر اصلا من 3 سنين و اخر حادثه ديه قلت اخد العربيه اروح اشم هواء و ماشي الساعه 4 بليل على و وقفت في ماستر صليت الفجر و مش بحب الاغاني و امي معندهاش شرايط للاوبرا و مش بحب اسمع الراديو الخنيق يعني مكنتش فاتح حاجه على رأي امي مكفرات ذنوب و الغريبه ان واحده مقطوره و واحده لودر و الاخيره اتوبيس من ساعتها اي مشوار بروحه بركب انا اتوبيس مصر الجديده من الهرم يبقى 375 مدينه نصر 375" المعادي من الهره 750" المهندسين من المعادي 358" ptmnlo123per1106 انا سقت عربيات بره اد كده و لا حاجه حصلتليptmnlo123per122 معرفش ايه اللي بيجرى على تراب المحروسه؟؟؟؟؟؟؟؟؟؟؟؟؟؟؟؟؟ ؟ |
رد: كام مرة ...!!!
اسكندرية مشكلتها في الصيف ان ملهاش نظام
كل بلد لها طباع ، اسكندرية في الصيف ملهاش لا لون و لا طعم و لا ريحة في فترة المحجوب كان فيه التزام مروري راااائع دلوقت القانون قانون الغاب |
رد: كام مرة ...!!!
اقتباس:
مش ممكن والله بجد تهور وجهل واستهتار متناهي أنا عمري ما شفت ميكروباص محمل بياخد ملف ولا منحنى على سرعته وبيتعاملوا مع الناس في الشارع معاملة المطب (هو بيحاول يفاديه...بس لو خبطوا مش مشكلة) احكيلك على موقف يهلك من الضحك مرة كنت قاعد عالكورنيش عند محطة الرمل ولقيت عيل خبط عند الملف اللي هناك قدام العسكري والظابط اللي كانوا واقفين المهم قعد يتخانق هو واللي خبطه مع انه هو اللي غلطان وباينة قوي وواقف وموقف الطريق وراه الظابط بيقوله ارجع واعدل نفسك.....وهو بيرجع خبط اللي وراه بس خبطة خفيفةptmnlo123per144 المهم الظابط قاله ( سليمة... اطلع) وطبعا الكورنيش واقف وكل اللي وراه بيزمروا وهو طالع لقدام خبط العربية الأولانية تانيptmnlo123per144 طبعا الظابط اتجنن وشخط فيه قاله: (ولااا اركن لي هنا على جنب) وهوبيركن طلع فوق الرصيف ptmnlo123per144 وطبعا كل اللي واقفين جالهم هيسترية ضحك....بجد والله الموقف أساسا ينفع قيلم كوميدي |
| الساعة الآن 01:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017